JIRIMIA 31:7 - Tanou Moonsoi Timugon

⁷ Indagu Tuhan, “Parimbai no ra maansukan ra tayar ru Israil, bansa' ondo' kasaa' ra gino ngai' ru bansa'. Parimbai no ra rimbai mongompor, ‘Binayag ru Tuhan ulun Nano; binayag No ngaangai' ulun ondo' lakat poyo natatang.’

JIRIMIA 31:7 ပူးပေါင်းရင်းမြစ်များ

MAZMUR 106:47

Bayago' akai no, iou Tuhan, i Aki Kapuuno' mai, am ibito' akai no muli' intor ra bansa'-bansa', maa' raginio maringkuanang akai, am mongompor ra inggalan Muno ondo' matulai.

MAZMUR 126:2

Nakakurit takau am marimbai sabap ra maansukan! Saboi ngaangai' bansa' ra bokon mindagu, “Nambaal Tuhan no ra babaal ondo' makaimuag no risilo.”

MAZMUR 14:7

Gama' ru pamayagan ra Israil matong intor ra Sion! Amon saukon ru Tuhan ulun Nano ra langkaya' saguli', ngaangai' ru ulun ru Israil maantak guang.

MAZMUR 28:9

Iou Tuhan, bayago' noyo ulun Muno, am barakati' ilo no ondo' masauk ra longgom Muno. Sauk no koson ra magagalung risilo, am alungi' ilo ra sabuoi-buoi no.

MAZMUR 67:1

Ra tingganai ru santimungan maririmbai. Ondo' sinumbaya' ru jitor. Mazmur. Rimbai.

MAZMUR 69:35

Omporo' noyo i Aki Kapuuno', akau limbowon am tana', raat am ngaangai' ilo ondo' maayag ra ralalom nano!

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 37:31

Namagun ru Jiuda ondo' nabayag lumangkaya' koson ra tatanom ondo' nanangasi am mangkawa'.

JISAYA 37:4

Raja' ru Asyur nanusub ra tingganai masawat kaga' nano koson magasab ri Aki Kapuuno' ondo' naayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' nakaindagu no. Ginio ra pakiasi' kano ri Aki Kapuuno' koson mangindangan ra ulun ondo' lakat poyo naayag.”

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

JISAYA 52:8

Rongogo' noyo noloos ayuk kaantakan ru mantatamung ra bandar, ngaangai' ilo magilakup! Sabap mato nilo galama' magilong Tuhan siminaguli' ra Sion.

JISAYA 61:9

Papag nilono mauligan kaga' ra ati ayuk intok, anggagakon ra ginio ngai' ru bansa'; moonong ulun ra makakito makapandai ilo ra ilo noyo bansa' ondo' binarakat Kuno.”

JIRIMIA 20:13

Rimbayi' noyo Tuhan! Omporo' noyo Tuhan! Palabuson No ulun naimbolo' intor ra kuasa' ru ulun malaat.

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 3:23

Banangan ayuk akai sumamba ra sinungkalalaing giu' ra tampak-tampak ru bulur! Pangindangan ra Israil matong ayuk intor ra Tuhan, i Aki Kapuuno' mai.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

SULABOI 1:1

Mapara' boo siluk ru Jirusalim, ondo' ragili nososok ra mamagun! Ragili bandar no urumaton giu' ra titikop ru tana', kaa' raino koson ra ruandu' napuor. Bandar ondo' matulai kaga' ra tana' ti nasauk noyo ra ulipon.

YEHEZKIEL 6:8

Polosoon Ku santayaran intor risilo makalabus intor ra pamatayan no, am pantutuliaron giu' ra pagun-pagun ra bokon.

GOSIA 1:7

Kaa' makaasi' Aku ra bansa' ru Jiuda. Aku, Tuhan, i Aki Kapuuno' nilo mamayag risilo, kaa' sala' ka ra pamulunsaran – sala' ka ra ilang, kapoam busur am panah, kapoam kuda am ulun mangura' nano.”

JOIL 2:32

Kaa' ngaangai' ulun ondo' makiindangan ra Tuhan bayagon. Koson ra rinagu ru Tuhan, ‘Santayaran ulun giu' ra Jirusalim maayag; ilo ondo' pilion Kuno maayag.’ ”

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

MIKA 2:12

Kaa' mampatimung Aku ramuyun, ulun Kuno Israil kau ngai' ondo' lakat poyo maayag. Manimung Aku ramuyun koson ra domba-domba ondo' muli' ra kandang. Koson ra padang ru sakot ondo' nososok ra domba, igondo' poyo pagun min mososok ra ulun.”

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

JIPANYA 2:9

Sabap ra Aku Tuhan ondo' maayag, i Aki Kapuuno' ondo' sambaan ru Israil, magibot Aku ra Moab am Amon pusoon koson ra Sodom am Gomora. Pagun-pagun no mososok ra tulubong ru usi' am sabubuoi no masauk ra nalunsai ondo' mantilayun ondo' tuwin ru bulungkut-bulungkut makaruui. Ulun Kuno ondo' naayag mampagaau ra rapu' ru mamagun ru pagun-pagun no am mampagaau ra tana' nilo.”

ROMA 11:5

Koson niayuk ra raino ti, mokoondo' kukula' ngaulun pinili' ri Aki Kapuuno' maya' ra kataawan Nano.

ROMA 9:27

Kon poyo ru nabi Jisaya intor ra ulun ru Israil, “Kabalu' pana suang ru ulun ru Israil no koson ra agis ru raat, kaa' sanganu ayuk bayagon,

SAGULION 28:13

Tuhan i Aki Kapuuno' min mapasauk ramuyun ra tingganai ra gino ngai' ru bansa'-bansa' am sala' ka maamaya'. Magail kau makasugut am kalo igondo' kasulang, amon ru gumagaya' kau toojo ra ngaangai' susuban ru Tuhan ondo' taakin kuno ramuyun ra orou raiti'.

SAGULION 32:43

“Akau bansa' ngaangai', omporo' noyo ulun ru Tuhan. Mangukum Tuhan ra ngaangai' ulun ondo' mamatoi ra ulun Nano; mansuli' Io ra pantula' Nano, am mangampun ra tula ru ulun Nano.”