JIRIMIA 31:6 - Tanou Moonsoi Timugon

⁶ Sotopot no, masaboi paat no ra ulun-ulun magagalung ru bandar gumolok giu' ra kabuluran Ipraim, ‘Ibok pagaloi takau ra Sion, mongoi ra Tuhan, i Aki Kapuuno' takau.’ ”

JIRIMIA 31:6 ပူးပေါင်းရင်းမြစ်များ

2 TUNUNG RU BANSA' ISRAIL 13:4

Karuruo pulalai ru saujor no naguma' giu' ra kabuluran Ipraim. Raja' Abia nagaloi ra Gunung Jimaraim am golok ra Raja' Jirobiam am saujor ru Israil, “Rongogo'!

IJRA 1:5

Ginio ra tingganai ru bansa' intor ra bansa' ru Jiuda am Binjamin, imam-imam am niayuk ulun-ulun ru Liwi, am moonong ulun ondo' inunsu' guang no ri Aki Kapuuno', timinampos koson muli' ra Jirusalim am mambaal saguli' ra Baloi ru Tuhan.

MAZMUR 84:5

Mapara' piboo bansuk ru ulun ondo' minayan ra Baloi Muno, kalo langgain nilo rimbai mongompor Rirun.

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

JISAYA 40:9

Okou Jirusalim, pangkiwa' no ra bujuk ru gunung ondo' masawat am pabalaa' noyo tanou moonsoi! Okou Sion, pampiau no ra bolos matangil am potonowo' noyo tanou moonsoi! Pampiau no am pai' kalaa'. Balai' noyo bandar-bandar giu' ra Jiuda ra i Aki Kapuuno' nilo matong!

JISAYA 62:6

Giu' ra timbok muno, okou Jirusalim, paayanon Ku mantatamung; orou rondom kalo mokopongkoror ilo, kaa' musiti' ilo mapakara' ra Tuhan intor ra bantu' Nali, maa' raginio kalo malilianan No.

JIRIMIA 3:14

“Ulun kau ra kalo gumagaya', saguli' kano Raki'; akau longgom Kuno. Mangalap Aku ramuyun, sangulun intor ra moonong bandar, am ruo ngaulun intor ra moonong bansa', am Aku pana magibit ramuyun sumaguli' ra Bulur Sion.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

JIRIMIA 50:19

Pasagulion Ku ulun ru Israil ra intok namagunan nilo. Mangakan ilo intor ra ampos ru tinanom ondo' timinuu' giu' ra Gunung Karmil am giu' ra libung Basan. Mangakan ilo maya' ra kasagaan nilo intor ra ampos ru tinanom ondo' timinuu' giu' ra wilayah Ipraim am Giliad.

JIRIMIA 6:17

Kopongo raginio nampalantik Tuhan ra magagalung koson mangkirongog ra bolos pulanu ru bujung. Kaa' konilo, “Marara' akai mangkirongog.”

YEHEZKIEL 3:17

“Okou ulun mapandai matoi, lantikon Tokou masauk ra magagalung ra bansa' ru Israil. Musiti' kou mampasaboi ra pampakaraan ondo' pataakon Kutu rirun ra tayar nilo.

YEHEZKIEL 33:2

“Okou ulun mapandai matoi, balai' bansa' muno ra atan ondo' masauk paat ra Aku mamparatong ra pangayawan ra rorondo' pagun. Mamagun ru pagun no mampili' ra sangulun intor risilo koson ra magagalung.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

GOSIA 9:8

Nanusub i Aki Kapuuno' raki' koson ra nabi koson mampakara' ra ulun ru Israil, kaa' ati ayuk angayan kuno, mirot kau koson mampalandak raki' koson ra mampalandak ra susuit. Giu' ra pagun longgom ri Aki Kapuuno' galama', nabi-nabi Nano tinula' ru mamagun.