JIRIMIA 31:40 - Tanou Moonsoi Timugon

⁴⁰ Titikop ru limayak raginio, ondo' pakayon koson ra tana' kalabangan am intok pamatiran ra ginsamol, am ngaangai' umo giu' ra kiing ru Sungoi Kidron saboi ra Kulobon Garabang Kuda mongoi tampilon ra sirangon, patimpokon Raki'. Bandar Jirusalim kalo boo lunsayon kapoam pusoon.”

JIRIMIA 31:40 ပူးပေါင်းရင်းမြစ်များ

2 SAMUIL 15:23

Ngaangai' ulun nantangi' ra mosongou paat ra ngaangai' minaya' ra Raja' Daut no nangiruan ra istana. Kopongo raginio liminaup raja' ra Sungoi Kidron, sunu' ngaangai' pulalai nano, am ugar sumuku' ra tana' kaagisan.

2 RAJA'-RAJA' 11:16

Namparakop ilo ra Raja' Ruandu' Atalya, am ibito' io giu' ra istana, am namatoi ra raja' ruandu' no giu' ra Kulobon Garabang ru Kuda.

2 RAJA'-RAJA' 23:12

Linunsai no altar-altar ondo' binaal ru raja'-raja' ru Jiuda giu' ra taap ru istana, rasawat ru lamin-lamin ru Raja' Agas. Nampalunsai niayuk Raja' Josia ra altar-altar ondo' binaal ru Raja' Manasi giu' ra ruo liliut Baloi ru Tuhan. Inumok ru Raja' Josia altar no am pinatiran no ra ralalom ru Limayak Kidron.

2 RAJA'-RAJA' 23:6

Pinaingkual ru Raja' Josia tatandu' ru Dewi Asyira intor ra Baloi ru Tuhan, am inibit no miningkual ra bandar, giu' ra Limayak Kidron koson solobon. Kopongo raginio baa nano tinutu saboi nasauk ra kaau, am pinatauk giu' ra kalabangan ru mamagun.

2 TUNUNG RU BANSA' ISRAIL 23:15

Rinakop nilo Raja' Ruandu' Atalya am inibit io ra istana, am pinatoi io giu' ra Kulobon Kuda.

NIGIMIA 3:28

Sampulalai imam nambaal ra tayar ru timbok ra tunggul no, intor ra Kulobon Garabang Kuda am makatingkuang ra ralayo; moonong ulun mambaal ra tayar ru timbok giu' ra saang ru baloi ru sigagama'.

MAZMUR 48:9

Atan ondo' norongog takau, ragino nakito takau, giu' ra bandar ri Aki Kapuuno' takau, Tuhan Ondo' Maayo Kaga' Kuasa'. Bandar raginio bandar ri Aki Kapuuno' takau; alungin No bandar raginio ra sabuoi-buoi No.

JISAYA 51:22

Gitio noyo ragu ru Tuhan mino, Tuhan i Aki Kapuuno' noyo sumaung ramuyun, “Kaimbalaan ondo' pinataak Kuno ralalom sangit Kuno, alapon Ku sagulio' intor ramuyun. Guang kuno sumalui, am kalo pana boo saanin min.

JIRIMIA 1:10

Paat ra orou raiti' mangani' Aku rirun ra kuasa' ra bansa' am pamarintaan koson mampagaba' am mamparatu', koson mamuso am mampaluir, koson manirong am mopotolorog.”

JIRIMIA 18:7

Amon ru paat ra Aku mamatas koson mamubul, mamparatu', kapoam manutuk ra rondo' bansa' kapoam pamarintaan,

JIRIMIA 32:36

Tuhan, i Aki Kapuuno' ru Israil, minindagu raki', “Okou Jirimia, bansa' ru Israil minindagu ra pangayawan, bitilan, am maruol tumapik mangkinibit ra bandar ti maratu' ra ralalom ru kalindu' ru raja' ru Babilonia. Raino, rongogo' ragu Kutu.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

YEHEZKIEL 37:2

Nagibit Tuhan raki' liminiput ra limayak no, am nakakito aku ra bungul-bungul nakulipatak ondo' masuang kaga' am mapua' kaga'.

YEHEZKIEL 37:25

Mamagun ilo ra pagun ondo' tinaakan Kuno ri Jakub, ulipon Kuno, giu' ra pagun inayanan ru kinamatuaan nilo. Ilo am papag nilo mayan ra giu' ra sabubuoi no. Sangulun raja' koson ri Daut, ulipon Kuno mamarinta risilo ra sabubuoi no.

YEHEZKIEL 39:29

Pasasaron Ku Ambiluo Kuno ra ulun ru Israil, am kalo boo iruanin Ku ilo. Aku, Tuhan Raja', nakaindagu noyo.”

YEHEZKIEL 48:35

Ngaangai' ru timbok no ra gawar 9 ngakilomito. Intor raino bandar no ininggalanan ra “Tuhan Soroi Ragiti!”

JOIL 3:17

“Ginio ra akau Israil, makapandai kau boo, ra Aku noyo Tuhan, i Aki Kapuuno' min. Mayan Aku giu' ra Sion, bulur Kuno ondo' matulai. Jirusalim masauk ra bandar ondo' matulai; ulun bansa' ra bokon totopot kalo boo mampagaau raginio.

JAKARIA 14:11

Mamagun mayan ra giu' ra maayag, kalo boo lolobon ru kapusaan.

JAKARIA 14:20

Paat raginio lunsing-lunsing ra pinabayang ra kuda pana inukir ra ragu-ragu “Patimpokon tayar ru Tuhan”. Pagangan-pagangan giu' ra Baloi ru Tuhan masauk ra mapasau koson ra mangkuk-mangkuk ondo' pinabanta' giu' ra saang ru altar.

JUANIS 18:1

Kopongo i Jisus nakiasi' raginio, ugar Io nabaya' ra maamaya' Nano am sindaup ilo ra rondo' sungoi ininggalanan ra Kidron. Giu' i minongoi ilo ra rondo' taman.