JIRIMIA 31:38 - Tanou Moonsoi Timugon

³⁸ Indagu Tuhan, “Masaboi paat no ra titikop ru Jirusalim baalon saguli' koson ra bandar Kuno, intor ra Manara Gananil saboi ra Kulobon Garabang Pisuk.

JIRIMIA 31:38 ပူးပေါင်းရင်းမြစ်များ

2 RAJA'-RAJA' 14:13

Rinakop ru Raja' Jigoas no Raja' Amajia, am namparayus ra pamulunsaran nano giu' ra Jirusalim. Tinuyas no timbok ru bandar ra kinagalur ru 200 ngamito, intor ra Kulobon Garabang Ipraim saboi ra Kulobon Garabang Pisuk.

2 TUNUNG RU BANSA' ISRAIL 26:9

Binaal ru Raja' Ujia kukula' manara giu' ra Kulobon Garabang Pisuk, Kulobon Garabang Limayak, am pisuk ru timbok koson mamiot ra kubu ru Jirusalim.

NIGIMIA 2:17

Kaa' indagu aku boo risilo, “Ilai' baal takau ondo' naimbolo' ti! Bandar ru Jirusalim soroi ayuk boo lunsai no am kulobon-kulobon garabang no ondo' napuso nosolob ru apui. Ibok baalo' takau saguli' timbok ru bandar maa' raginio kalo boo asabin takau.”

NIGIMIA 3:1

Gitio noyo ralan ra timbok ru bandar Jirusalim pinuna'. Tingganai Maayo Imam Ilyasib am imam-imam ra bokon nambaal saguli' ra Kulobon Garabang Domba, napatapuli' ra angob-angob ru kulobon no am patimpokon ngaangai' no. Patimpokon nilo timbok saboi ra Manara Maatus am Manara Gananil.

MAZMUR 102:17

Amon Sion no baalon saguli' ru Tuhan, pabalaan No katulayan Nano.

JISAYA 44:28

Mindagu Aku ri Koris, ‘Okou noyo mamarinta ra bala Raki'; am mamatas sumugut ra kasagaan Kuno: okou noyo manaak ra panusuban koson mambaal saguli' ra Jirusalim, am koson mapatanom ra lugu' ru Baloi Kuno.’ ”

JIRIMIA 23:5

Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

JIRIMIA 30:18

Indagu Tuhan, “Pasagulion Ku ulun Kuno ra pagun nilo am makaasi' ra moonong sasambaloi; Jirusalim baalon poyo, am istana no punaan.

JIRIMIA 31:27

Aku, Tuhan nakaindagu ra masaboi paat no ra sosokon Ku pagun Israil am Jiuda ra ulun am bibiag.

JIRIMIA 31:4

Kaikangon Ku saguli' intok min. Igondo' poyo ra mangalap kau ra tamburing am mansayau ra maansukan.

JIRIMIA 33:7

Saukon Ku Jiuda am Israil ra langkaya', am manirong risilo saguli' koson ragili.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.

JAKARIA 14:10

Tana' giu' ra titikop ru pagun, intor ra bandar Giba giu' ra ralayo saboi ra Rimon giu' ra rabugus, masauk ra mabanis. Jirusalim sumawat toojo, masawat poyo intor ra tana' giu' ra libung nano; kinalangka' ru bandar no intor ra Kulobon Garabang Binjamin saboi ra Kulobon Garabang Pisuk, iono intok ru kulobon garabang ragili, am intor ra Manara Gananil saboi ra intok pamagaan ra kawa' ru anggur longgom ru raja'.

JAKARIA 2:6

Indagu Tuhan ra ulun Nano, “Pinantutuliar Takamin noyo giu' ra ngaangai' intok. Kaa' raino, akau ulun pinatiran, pagiru' kano intor ra Babilonia am saguli' kano ra Jirusalim.