JIRIMIA 31:37 - Tanou Moonsoi Timugon

³⁷ Amon ru rondo' paat ra limbowon maalap ra tuku', am lonor ru tana' ti maalap kaimumuyi', paat raginio noyo Israil impayin No sabap ra ngaangai' binaal nilo. Nakaindagu noyo Tuhan.

JIRIMIA 31:37 ပူးပေါင်းရင်းမြစ်များ

AYUP 38:18

Nakapandai kou kia ra kinalangka' ru tana' ti? Taamo' noyo, amon ru makapandai kou ra ngaangai' no.

MAZMUR 89:2

Iou Tuhan, kalo langgain ku marimbai ra togom Muno ra mantilayun; potonowon ku gagaya' Muno ra sabuoi-buoi no.

AMSAL 30:4

Osoi kia nakaili' nagaloi am timinuun ra suruga'? Osoi kia nakaili' nompogonggom ra angin, kapoam mompolopot ra timug no ra konoon, kapoam mangaru' ra balitan-balitan ru tana' ti? Osoi kia inggalan nano, am osoi kia anak nano? Maaru' nakapandai kou.

JISAYA 40:12

Osoi kia makapanuku' ra timug ru raat ondo' suukon ru palar nano, kapoam manuku' ra limbowon mamakai ra dangou? Osoi kia makapanuku' ra tana' mamakai ra sangkir, kapoam manimbang ra bagat ru gunung am bulur mamakai ra timbangan?

JISAYA 54:9

“Koson ra bulintok ri Nuu Aku nambantu' tana' ti kolondo' boo rosob, koon niayuk ragino ti Aku mambantu' ra kalo boo sumangit Aku am mangilalaa' ramuyun.

JISAYA 65:9

Barakaton Ku ulun ru Israil intor ra bansa' ru Jiuda. Papag nilo mompolonggom ra tana' kagunungan Kuno. Ulun pinili' Kuno ondo' mangandoi ayuk Raki' no mayan ra giu' no.

JIRIMIA 30:11

Matong Aku am mamayag ramuyun. Pusoon Ku ngaangai' bansa' intok nampatutuliaran Kuno ramuyun, kaa' akau kalo pusoon Ku. Akau kalo palabuson Ku intor ra ukuman, kaa' matimpok Aku paat mangukum ramuyun. Aku, Tuhan, nakaindagu noyo.”

JIRIMIA 33:22

Ruangin Ku suang ru papag ri Daut, am suang ru imam-imam ra papag ru Liwi, saboi suang nilo kalo mauntob koson ra butitin giu' ra limbowon am agis giu' ra nagas.”

JIRIMIA 46:28

Matong Aku am mamayag ramuyun. Pusoon Ku ngaangai' pagun intok nampatutuliaran Kuno ramuyun, kaa' kalo mamuso Aku ramuyun. Kalo palabuson Takamin intor ra ukuman, kaa' paat Takamin ukumin, matimpok Aku. Aku, Tuhan, nakaindagu noyo.”