36 Nambantu' Io ra buoi ru ukum kalo makulau baal ru tana' ti, Israil pana soroi ayuk koson ra bansa'.
Nakapandai kou kia ra ukum-ukum giu' ra limbowon, am makapangaru' kou kia raginio ra tana' ti?
Kaa' Okou ginio ayuk, kaayagan Muno kolondo' pupus.
Iou Tuhan, bala' Muno mantilayun ra sabuoi-buoi no; bala' Muno mantilayun giu' ra suruga'.
Ralalom ru panusuban Nano, inaru' No ngaangai' intokon ra sabuoi-buoi no, am ngaangai' no musiti' masalok gumagaya' ra nangaruan Nano.
Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.
Gama' ru ulun Muno sumamba Rirun buoi ru mato ru orou sumirang, buoi ru bulan makasinda, ra sabuoi-buoi no.
Barakaton Ku ulun ru Israil intor ra bansa' ru Jiuda. Papag nilo mompolonggom ra tana' kagunungan Kuno. Ulun pinili' Kuno ondo' mangandoi ayuk Raki' no mayan ra giu' no.
Matong Aku am mamayag ramuyun. Pusoon Ku ngaangai' pagun intok nampatutuliaran Kuno ramuyun, kaa' kalo mamuso Aku ramuyun. Kalo palabuson Takamin intor ra ukuman, kaa' paat Takamin ukumin, matimpok Aku. Aku, Tuhan, nakaindagu noyo.”
Aku musiti' no mamuso risilo ngaangai', maa' raginio kolondo' sangulun pana mangkara' risilo.