JIRIMIA 31:34 - Tanou Moonsoi Timugon

³⁴ Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

JIRIMIA 31:34 ပူးပေါင်းရင်းမြစ်များ

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

MAZMUR 25:7

Ampuno' noyo ngaangai' tula am nasalaan kuno intor ra aku mamulok. Iou Tuhan, ralalom ru katagaman am kaansayan Muno karaa' aku no.

JISAYA 11:9

Giu' ra Sion, Bulur Matulai ri Aki Kapuuno', kolondo' atan-atan pana malaat kapoam makalalaa'. Tana' ti mapanu' ra ulun ondo' makaulig am mangurumat ra Tuhan koson ra raat nototop ra timug.

JISAYA 29:24

Ulun sasambungon masaga' migigila' am makapandai, am ilo ondo' masalok mambutok-butok matasu' ilaan.”

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

JISAYA 33:24

Kolondo' sangulun pana mayan ra pagun takati mindagu ra jajajou sabap ru maruol, am ngaangai' tula inampun noyo.

JISAYA 33:6

am manaak ra kaansayan ra ulun Nano. Magail Io manindung ra ulun Nano, am niayuk manaak risilo ra kapintaran am kapandayan. Rapu' nilo ra mokologo ioginio urumat am malaa' ra Tuhan.

JISAYA 38:17

Kaimbalaan kuno pana masauk ra kalinuos ayuk. Okou namayag raki' intor ra nansalinut makalalaa'; inampun Mu ngai' tula kuno.

JISAYA 43:25

Kaa' Aku ti i Aki kapuuno' ondo' mangampun ra tula mino, am Aku mambaal koson raginio sabap ginio noyo paliso Kuno. Kalo karaan Ku tula mino.

JISAYA 44:22

Pinuso Ku ngaangai' tula mini koson ra gaun inibit ru angin. Saguli' kano Raki', sabap ra Aku noyo namayag ramuyun.”

JISAYA 52:6

Ginio sabap ra akau mangiou ra Aku i Aki Kapuuno', am bulintok raginio makapandai kau ra Aku noyo minindagu ramuyun.”

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

JIRIMIA 33:8

Kapasawon Ku ilo intor ra tula nilo Raki'; ampunon Ku tula am guor nilo.

JIRIMIA 50:20

Paat raginio, tula kolondo' boo giu' ra Israil, am kalaatan pana kolondo' boo giu' ra Jiuda, sabap ra mangampun Aku ra ulun ondo' binayag Kuno. Aku, Tuhan, nakaindagu noyo.”

JIRIMIA 9:23

Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

GOSIA 2:20

Paat raginio, taamon Ku pakiasian-pakiasian ru ulun Kuno Israil. Paratuon Ku rasam ra rasawat ru tana', am tana' manangampos ra gandum, anggur am jaitun.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

MIKA 7:19

Makaasi' Kou poyo ramon. Kikinjangin Mu tula mai am patirin Mu ginio ra lonor ru raat!

ABAKUK 2:14

Kaa' koson ra raat ondo' nototop ra timug, koson raginio noyo ra tana' ti pana mososok ra ulun ondo' makaulig ra Tuhan am kuasa' Nano.

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

LUKAS 1:77

Koson mambala' ra ngaangai' ulun Nano ra bayagon ilo paat ra ampunon tula nilono.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 17:6

“Pinaulig Tokou noyo ra ulun-ulun ti ondo' pinataak Muno Raki'. Ilo ti longgom Muno, kaa' pinataak Mu ilo Raki' am siminugut ilo ra ragu Muno.

JUANIS 6:45

Tinulisan noyo ra Kitab ru Nabi-Nabi, ‘Ngaangai' ulun ilaan ri Aki Kapuuno'.’ Moonong ulun ondo' mangkirongog ri Ama' am migigila' intor Riso matong Raki'.

RINALATAN 10:43

Io ti noyo ondo' kon ru ngaangai' nabi, osoi ayuk mangintopot Riso, ampunon tula nano ralalom inggalan Nano.”

2 KORINTUS 2:10

Amon ru mangampun kau ra osoi ayuk makatula, aku pana mangampun riso. Sabap ra amon ru mokoondo' musiti' ku ampunon, ginio ampunon ku ra saang ri Kristus koson ra kaatangan min.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

1 TISALONIKA 4:9

Kalo pana boo mamatik akai ramuyun ra ati kulaan motogom ra pabukat min ra Kristian, sabap ra akau galama' naila' noyo ri Aki Kapuuno' koson motogom ra rondo' am bokon.

IBRANI 5:12

Sotopot no raino mangila' kano raan ra ulun bokon, kaa' kalo poyo makapandai kau. Lakat kau ayuk poyo musiti' ilaan ra puun ru pangilaan intor ri Aki Kapuuno'. Lakat kau ayuk poyo manginum ra susu' sabap ra kalo poyo maangkan.

IBRANI 8:11

Kalo pana boo mangila' ilo ra bansa' nilo galama' kapoam pabukat nilai no ra ‘Ulig no ra Tuhan ’. Sabap ra ilo ngai', intor ra ulun musikin suku' ra langkaya', makaulig niayuk Raki'.

IBRANI 8:12

Ampunon Ku tula nilono am kalo boo karaan Ku sala nilono.”

1 JUANIS 2:20

Kaa' nakaapu kano ra Ambiluo ri Aki Kapuuno' ondo' pinataak ri Jisus Kristus. Ginio sabap ra akau nakaulig toojo ra pangilaan ri Aki Kapuuno' ondo' motopot.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

1 SAMUIL 2:12

Anak-anak ri Ili malaat kaga'. Kalo mampalio ilo ra Tuhan.