JIRIMIA 31:33 - Tanou Moonsoi Timugon

³³ Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 31:33 ပူးပေါင်းရင်းမြစ်များ

2 SAMUIL 7:24

Sinauk Mu Israil ra ulun Muno ra sabuoi-buoi no. Okou, iou Tuhan, nasauk noyo ri Aki Kapuuno' nilo.

1 RAJA'-RAJA' 8:58

Gama' ru mampasauk Io ritakau ra ulun ondo' gumagaya' Riso maa' raginio magail takau maayag sumugut ra kasagaan Nano, am gumagaya' ra ngaangai' ukum am susuban ondo' tinaakan No ra kinamatuaan takali.

MAZMUR 37:31

Buliin nilo Ukum ri Aki Kapuuno' ralalom ru guang am kalo makalisang intor riso.

MAZMUR 40:8

Ginio sabap ra aku tumaam, “Gitio aku ti; panusuban Muno raki' natulisan ralalom ru kitab ru Ukum.

MAZMUR 40:9

Masaga' aku mambaal ra kasagaan Muno, iou Aki Kapuuno' kuno! Ngaangai' ru pangilaan Muno pinauli ku ra guang kuno.”

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

AMSAL 7:3

Guuto' noyo pangilaan kuno ra moonong bulintok am bulii' ralalom ru guang muno.

JISAYA 51:7

“Rongogo' Aku, akau bansa' Kuno, makapandai kau ra atan motopot, pangilaan Kuno nakauli ra ralalom ru guang mino. Pai' kalaa' amon asabin kau ru ulun, pai' pagalabo amon magasab ilo ramuyun.

JISAYA 59:21

Mambaal Aku ra nabantuan ramuyun: Aniin Takamin ra kuasa' Kuno am pangilaan Kuno ra sabuoi-buoi no. Ilaa' noyo anak-anak mino maa' raginio ilo pana makapangila' raginio saboi papag ka pagag ragino am saboi ra sabuoi-buoi no.”

JIRIMIA 17:1

Indagu Tuhan, “Bansa' ru Jiuda kau, tula min tinulisan noyo ra pen basi'; tula mino pinabatik ra guang min ra pen intor ra intan, am pinapaat ra moonong pisuk ru altar mino.

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 31:1

Indagu Tuhan, “Masaboi paat ra Aku masauk ri Aki Kapuuno' ra ngaangai' bansa' ru Israil, am ilo masauk ra ulun Kuno.

JIRIMIA 32:38

Masauk ilo ra ulun Kuno, am masauk Aku ri Aki Kapuuno' nilo.

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

YEHEZKIEL 37:27

Sumimpung Aku risilo. Masauk Aku boo ri Aki Kapuuno' nilo am masauk ilo boo ra ulun Kuno.

GOSIA 2:20

Paat raginio, taamon Ku pakiasian-pakiasian ru ulun Kuno Israil. Paratuon Ku rasam ra rasawat ru tana', am tana' manangampos ra gandum, anggur am jaitun.

JIPANYA 3:13

Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

ROMA 11:27

Gitio noyo bantu' Kuno risilo paat ra Aku mangampun ra tula nilai.”

ROMA 7:22

Maansukan guang kuno ra ukum intor ri Aki Kapuuno'.

2 KORINTUS 3:3

Nakaintalang noyo toojo ra akau koson ra surat ondo' tinulisan ri Kristus galama' ondo' pinakirim pinasumbaya' ramon. Surat raginio pai' ru tinulisan ra dawat, kaa' mansail ra Ambiluo ri Aki Kapuuno' ondo' maayag; am poyo pai' ru pinabatik ra rondo' batu pamatikan, kaa' ralalom guang ru ulun.

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

1 TISALONIKA 4:9

Kalo pana boo mamatik akai ramuyun ra ati kulaan motogom ra pabukat min ra Kristian, sabap ra akau galama' naila' noyo ri Aki Kapuuno' koson motogom ra rondo' am bokon.

IBRANI 10:16

“Gitio noyo nabantuan ondo' baalon Kuno risilo paat ra orou matong no, ragu ru Tuhan: ‘Pakaraan Ku ukum Kuno risilo am tulisin Ku poyo ra guang nilono.’ ”

IBRANI 8:10

Kaa' raino gitio noyo bantu' Ku ra ulun ru Israil paat ra orou matong no, kon ru Tuhan: Pakaraan Ku ukum Kuno risilo am patulison Ku poyo ra guang nilono. Masauk Aku ra Tuhan nilo am masauk ilo noyo ra ulun ondo' tagamin Kuno.

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.