JIRIMIA 31:28 - Tanou Moonsoi Timugon

²⁸ Koson ragili nagalung Aku koson mamubul, mampalunsai, mampaluir, mamuso am manutuk risilo, koson niayuk ra Aku magalung koson mopotolorog am mampabigor risilo saguli'.

JIRIMIA 31:28 ပူးပေါင်းရင်းမြစ်များ

AYUP 29:2

“Amon ru kaayagan kuno makasaguli' koson ragili, paat ri Aki Kapuuno' manindung raki'.

MAZMUR 102:16

Ngaangai' ru bansa' no malaa' ra Tuhan; ngaangai' raja' ru tana' ti malaa' ra kuasa' Nano.

MAZMUR 147:2

Tuhan napatapuli' ra Jirusalim; Ibiton No ulun ru Israil sumaguli' intor ra namatiran.

MAZMUR 69:35

Omporo' noyo i Aki Kapuuno', akau limbowon am tana', raat am ngaangai' ilo ondo' maayag ra ralalom nano!

JIRIMIA 1:10

Paat ra orou raiti' mangani' Aku rirun ra kuasa' ra bansa' am pamarintaan koson mampagaba' am mamparatu', koson mamuso am mampaluir, koson manirong am mopotolorog.”

JIRIMIA 1:12

Indagu Tuhan, “Motopot. Tatanga' Aku manutun maa' raginio ngaangai' ondo' raguon Kuno masauk toojo.”

JIRIMIA 24:6

Alungin Ku ilo am magibit risilo sumaguli' ra pagun ti. Baalon Ku ilo, am kalo lunsayon ilo; tolorogon Ku ilo am kalo bubulon ilo.

JIRIMIA 32:41

Mabaya' ra guang makaansuk mambaal Aku ra moonsoi risilo, am palayunon Ku ilo ra pagun ti ra sabubuoi no.

JIRIMIA 32:42

Koson ra Aku namparatong ra karaat ra bansa' ragitio, koson raginio niayuk ra Aku mangani' risilo ra ngaangai' ondo' moonsoi, ondo' binantu' Kuli.

JIRIMIA 42:10

‘Amon ru masaga' kau mamagun ra pagun ti, pasingkoton Takamin am kalo mamuso ramuyun. Potolorogon Takamin am kalo mamparanga' ramuyun. Kapusaan ondo' palumpaan Kuno ramuyun mangkinibit Raki' mangiluk kaga' guang.

JIRIMIA 44:27

Tutunon Ku maa' raginio kalo makasugut kau; maaru' mapuso kau. Akau ngaangai' matoi, ralalom ru pangayawan kapoam sabap ra maruol tumapik, saboi kolondo' sangulun pana ramuyun maayag.

JIRIMIA 45:4

Kaa' raino Aku, Tuhan, tatanga' mampalunsai ra atan ondo' binaal Kuno; tatanga' Aku mamubul ra atan ondo' tinanom Kuno. Baalon Ku ginio ra titikop ru tana' ti.

YEHEZKIEL 19:12

Kaa' ulun ondo' sumangit namubul riso, pinapatir io ra tana'. Angin sirangon sumiob am makapua' ra kawa' nano. Bulisang nano napandak, nasauk ra mapua' am solobon.

YEHEZKIEL 36:10

Ruangin Ku suang min. Mayan kau giu' ra bandar-bandar am manambaloi saguli' ra ngaangai' ondo' nalunsai.

DANIL 9:14

Nakatampos Kono mangukum ramon, iou Tuhan, i Aki Kapuuno' mai, am nakapangukum Kono ramon. Atan ondo' baalon Muno totopot matimpok sabap ra kalo rumongog akai Rirun.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

JAKARIA 8:14

Mindagu Tuhan Ondo' Maayo Kaga' Kuasa', “Paat ra kinamatuaan min napasingkual ra sangit Kuno, namatas Aku koson mangukum risilo ra maagat. Kalo kulawon Ku namatasan Kuno, kaa' sinugut.

JAKARIA 8:15

Kaa' raino masaga' Aku mambarakat ra mamagun ru Jirusalim am Jiuda. Ginio ra pai' kalaa'.

RINALATAN 15:16

‘Tauli no am matong Aku po saguli', kon ru Tuhan, Tirongon Ku saguli' baloi ri Daut ra nalunsai i, am toojoon Ku ondo' naaba' i. Pabigoron Ku ginio saguli',

SAGULION 30:9

Tuhan manugut ra ngaangai' kandoi mino. Makaanak am makabibiag kau ra masuang; manangampos umo mino suku' malabaan kau. Tuhan maansayan am mapasauk ramuyun ra langkaya' koson Io napasauk ra kinamatuaan mini ra langkaya'.