JIRIMIA 31:25 - Tanou Moonsoi Timugon

²⁵ Paikangon Ku ilo ondo' maagui, am basugon ilo ondo' malawo sabap ra naitilan.

JIRIMIA 31:25 ပူးပေါင်းရင်းမြစ်များ

MAZMUR 107:9

Ulun pinaason popokon No ra inum, am ulun naitilan basugon No ra ngaangai' ondo' moonsoi.

MAZMUR 23:3

Manaak Io raki' ra kaikangan bagu. Mangitang Io raki' mugar ra ralan motopot, sumugut ra bantu' Nali.

JISAYA 32:2

Ilo koson ra intok sindungan intor ra angin am bagiu'. Koson ilo ra sungoi-sungoi ondo' tumilis ra tana' kaagisan, koson ra nasindungan ru batu maayo giu' ra tana' mapua'.

JISAYA 40:29

Paikangon No ulun ra lamumu', am manaak ra kaikangan ru ulun ondo' lamuoi.

JISAYA 41:17

Bulintok ra ulun Kuno ra naimbolo' no maguyum ra timug, bulintok ra liog nilono napuaan sabap ra pinaason, Aku, Tuhan mangiou ra pakiasian nilono; Aku, i Aki Kapuuno' ru Israil, kalo igogondo' manatang risilo.

JISAYA 50:4

Tuhan Ondo' Masawat Kaga' mangila' raki' makimansunur, maa' raginio ragu kuno mapaikang ra ulun maagui. Moonong susuab patirongon No gogoton kuno koson mangkirongog ra pangilaan Nano koson raki'.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

JIRIMIA 31:14

Imam-imam basugon Ku ra akanon masuang, am mangukop ra ngaangai' ondo' pakuan ru ulun Kuno. Aku, Tuhan, nakaindagu noyo.”

YEHEZKIEL 34:14

Polosoon Ku ilo mongkotop ra maansukan giu' ra padang masansam. Mangiou Aku risilo mangakan giu' ra padang sakot giu' ra gunung, giu' ra limayak, am giu' ra padang sakot ondo' masansam giu' ra Israil.

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

MATIUS 5:6

Pakaansuk noyo ulun ondo' maguyum ra kasagaan ri Aki Kapuuno', sabap ra basugon ilo ri Aki Kapuuno'.

LUKAS 1:53

Basugon No ulun nangaitilan ra ngaangai' ondo' moonsoi, kaa' paugaron No ulun langkaya' ra kolondo' taakin risilo.

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

2 KORINTUS 7:6

Kaa' paringkuanangan ri Aki Kapuuno', ondo' mampaikang ra ulun nasindualan, sabap ra guang mai niayuk pinaikang No ra rinatangan ri Titus i.