JIRIMIA 31:23 - Tanou Moonsoi Timugon

²³ Tuhan Ondo' Maayo Kaga' Kuasa', i Aki Kapuuno' ru Israil minindagu, “Paat ra pasagulion Ku ulun Kuno ra pagun nilo, pagun Jiuda am bandar-bandar nano pana mokorongog poyo ra ulun mindagu, ‘Gama' ru barakaton ru Tuhan bulur matulai giu' ra Jirusalim intok inayanan ondo' pinatimpok Riso.’

JIRIMIA 31:23 ပူးပေါင်းရင်းမြစ်များ

MAZMUR 128:5

Gama' ru Tuhan giu' ra Sion no mambarakat rirun! Gama' ru makakito kou ra Jirusalim lumangkaya' buoi ru painawo muno!

MAZMUR 129:8

Ulun ondo' mansail kalo mindagu, “Gama' ru barakaton kau ru Tuhan! Mambarakat akai ramuyun ralalom inggalan ru Tuhan.”

MAZMUR 134:3

Gama' ru intor ra Sion Tuhan mambarakat ramuyun, Tuhan ondo' namangun ra limbowon am tana' ti.

MAZMUR 28:9

Iou Tuhan, bayago' noyo ulun Muno, am barakati' ilo no ondo' masauk ra longgom Muno. Sauk no koson ra magagalung risilo, am alungi' ilo ra sabuoi-buoi no.

JISAYA 1:21

Bandar ra galing i gumagaya', ragino koson boo ra ruandu' mantalan ra inan! Galing i bandar no nososok ra ulun ondo' matimpok am mabanis guang, kaa' ragino ulun mamamatoi ayuk natatang ra giu' no.

JISAYA 1:26

Aniin Takamin ra sangulun tingganai am ulun maminson koson ra galing i ayuk poyo. Bagu no Jirusalim no sabiton ra bandar ondo' matimpok am gumagaya'.”

JISAYA 11:9

Giu' ra Sion, Bulur Matulai ri Aki Kapuuno', kolondo' atan-atan pana malaat kapoam makalalaa'. Tana' ti mapanu' ra ulun ondo' makaulig am mangurumat ra Tuhan koson ra raat nototop ra timug.

JISAYA 32:16

Giu' ra titikop pagun mokoondo' ra kabanisan ru guang am katimpakan.

JISAYA 33:5

Tuhan matulai kaga'! Ngaangai' no kinuasa' No. Pinaundok No katimpakan am kabanisan ru guang giu' ra Jirusalim,

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 30:18

Indagu Tuhan, “Pasagulion Ku ulun Kuno ra pagun nilo am makaasi' ra moonong sasambaloi; Jirusalim baalon poyo, am istana no punaan.

JIRIMIA 32:44

Balion ru ulun umo am surat pambalian no sainin am saapin giu' ra saang ru sasi'-sasi'. Baal raginio masauk giu' ra wilayah Binjamin, giu' ra pekan-pekan ra liliut ru Jirusalim, giu' ra bandar-bandar Jiuda, giu' ra bandar-bandar ra tampilon kabuluran, giu' ra tampilon lonson toojo ru bulur, am giu' ra tampilon rabugus ru Jiuda. Pasagulion Ku bansa' ragitio ra pagun nilo. Aku, Tuhan nakaindagu noyo.”

JIRIMIA 50:7

Binulunsar ilo ru osoi ayuk ondo' nakakito risilo. Indagu pantula' nilo, ‘Ulun ragitio makatula noyo ra Tuhan. Ginio ra atan ondo' baalon takau kolondo' sala. Kinamatuaan nilai mangintopot ra Tuhan, am musiti' no ilo pana gumagaya' ayuk Riso.’

OBAJA 1:17

“Kaa' giu' ra rasawat ru Bulur Sion, mokoondo' kukula' ngaulun ondo' maayag, am bulur no masauk ra intok ondo' matulai. Papag ri Jakub momolonggom ra tana' tinungkus nilo.

MIKA 4:1

Paat ra orou rumatong gunung intok Baloi ru Tuhan masauk ra gunung ondo' masawat kaga', masawat poyo kaga' intor ra gunung-gunung am bulur-bulur. Ngaangai' bansa' guguluyur mongoi ra giu' no,

JAKARIA 8:3

Sumaguli' Aku ra Jirusalim, bandar Kuno ondo' matulai am lumayun ra giu' no. Jirusalim mauligan ra bandar ondo' gumagaya', am bulur ru Tuhan Ondo' Maayo Kaga' Kuasa' am sabiton ra bulur matulai.

RUT 2:4

Kalo nabuoi raginio, i Boas galama' minatong intor ra Bitligim. Nangani' io ra ompor ra ngaangai' mangandoi nano. “Gama' ru Tuhan mabaya' ramuyun,” kono. “Gama' ru Tuhan mambarakat rirun,” konilo timinaam.