JIRIMIA 31:21 - Tanou Moonsoi Timugon

²¹ Tatandui' noyo ralan, am tansaki' ra panuluan ra ralan; uyumo' ralan ondo' binayaan muno ragili. Ulun kau ru Israil, uli' kano. Saguli' no ra bandar-bandar min ragili.

JIRIMIA 31:21 ပူးပေါင်းရင်းမြစ်များ

1 TUNUNG RU BANSA' ISRAIL 29:3

Suai raginio, pinataak ku noyo pirok am mas intor ra rapu' longgom kuno galama' sabap ra togom kuno ra baloi ri Aki Kapuuno' kuno.

2 TUNUNG RU BANSA' ISRAIL 11:16

Intor ra ngaangai' bansa' ru Israil, ulun ondo' totopot masaga' sumamba ra Tuhan, i Aki Kapuuno' ru Israil, minaya' ra ulun ru Liwi minongoi ra Jirusalim, maa' raginio makapampataak ilo ra taak simbalui ra Tuhan, i Aki Kapuuno' ru kinamatuaan nilai.

2 TUNUNG RU BANSA' ISRAIL 20:3

Raja' Josapat malaa' am pakiasi' boo ra Tuhan nakitulu'. Io pana nanusub boo ra mamagun maa' raginio mampali.

MAZMUR 62:10

Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

MAZMUR 84:5

Mapara' piboo bansuk ru ulun ondo' minayan ra Baloi Muno, kalo langgain nilo rimbai mongompor Rirun.

AMSAL 24:32

Bulintok ra aku mangimansa' am mangurio ra baal raginio, nakaalap aku ra pangilaan ragitio:

JISAYA 48:20

Ingkual noyo am pagiru' intor ra Babil! Pabalaa' noyo tanou raginio ralalom guang maantak. Pabalaa' noyo tanou raginio ra ati-ati ayuk, “Tuhan namayag ra Israil, ulipon Nano!”

JISAYA 57:14

Mindagu Tuhan, “Polosoon noyo ulun Kuno sumaguli' Raki'. Pambaal noyo am pongoo' noyo ralan! Tumpailo' noyo moonong mokoompong ra ralan nilono!

JISAYA 62:10

Akau namagun ru Jirusalim, ingkual no intor ra bandar, am pambaal ra ralan ondo' bayaan ru ulun mino ondo' minuli' intor ra pamatiran. Baalo' noyo santaun sangkul; patiri' noyo batu-batu! Pabigoro' noyo bandira' maa' raginio bansa'-bansa' makapandai

JIRIMIA 3:12

Nanusub Tuhan raki' mongoi pampasaboi ra baal ragitio ri Israil, “Israil ondo' kalo gumagaya', saguli' no Raki'. Makaasi' Aku kaga' am kalo sumangit; kalo sumangit Aku rirun ra sabuoi-buoi no.

JIRIMIA 3:14

“Ulun kau ra kalo gumagaya', saguli' kano Raki'; akau longgom Kuno. Mangalap Aku ramuyun, sangulun intor ra moonong bandar, am ruo ngaulun intor ra moonong bansa', am Aku pana magibit ramuyun sumaguli' ra Bulur Sion.

JIRIMIA 31:4

Kaikangon Ku saguli' intok min. Igondo' poyo ra mangalap kau ra tamburing am mansayau ra maansukan.

JIRIMIA 46:11

Mamagun kau ru Misir, ongoi no ra Giliad am pagalap ra tatapis! Ngaangai' ru tatapis min napandayan ra kolondo' onong; kolondo' rondo' pana makababas ramuyun.

JIRIMIA 50:5

Mangkuot ilo ra ralan mongoi ra Sion, am sumuku' ra giu' no. Mambaal ilo ra rondo' nabantuan mantilayun Raki', am kalo lumungkang raginio saboi ra sabubuoi no.

JIRIMIA 51:50

Indagu Tuhan ra ulun Nano giu' ra Babilonia, “Nakalabus kano intor ra kapatayan. Raino pagiru' kau! Pai' kano paginaa! Kabalu' pana maalur kau intor ra baloi, karaa' min Aku, Tuhan min, am karaa' min Jirusalim.

JIRIMIA 51:6

Pagiru' no intor ra Babilonia! Bayago' noyo inan min! Pai' patoi sabap ra tula ru ulun ru Babilonia. Raino tatanga' Aku mansuli' am mangukum risilo nontopot ra binaal nilo.

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

YEHEZKIEL 40:4

Indagu ungkuyon no raki', “Okou ulun mapandai matoi, rongogo' toojo am urioo' ngaangai' no ondo' panuluan ku rirun, sabap ra koson kuayan raginio noyo okou inibit ragiti. Balai' ulun ru Israil ra ngaangai' ondo' nakito muno.”

AGAI 1:5

Ilai' noyo atan ondo' nasauk ramuyun!

JAKARIA 10:9

Kabalu' pana pinantutuliar Ku ilo ra gino ngai' ru bansa', kaa' giu' ra intok maalur makakara' ilo Raki'. Ilo am anak-anak nilo maayag am mababaya' muli'.

SAGULION 32:46

indagu io, “Musiti' kau gumagaya' ra ngaangai' susuban ondo' taakin kuno ramuyun ra orou raiti'. Balai' anak-anak min ra ngaangai' no, maa' raginio gumagaya' ilo toojo ra ngaangai' pangilaan ri Aki Kapuuno'.