JIRIMIA 31:19 - Tanou Moonsoi Timugon

¹⁹ Timinalikur akai intor Rirun, kaa' pansagulian akai ra binaal raginio. Kopongo ra Okou nangukum ramon, parikuku' ulu mai sabap ra mangiluk guang. Nauyu' akai am inasaban sabap ra makatula akai paat ra kinamuloko'.’

JIRIMIA 31:19 ပူးပေါင်းရင်းမြစ်များ

IJRA 9:6

Indagu aku, “Iou i Aki Kapuuno' kuno, mauyu' aku kaga' tumungar ra saang Muno. Tula mai nansusunu' giu' ra rasawat ru ulu saboi ra limbowon.

AYUP 13:26

Nagibit Kou ra panguwan mapait raki'; nambalos Kou ra kasalaan kuno paat ra aku mamulok.

AYUP 20:11

Ragili inan nilo mamulok am mapanggol, kaa' masauk ilo ra kaau.

MAZMUR 119:67

Ra kalo poyo ukumin Mu aku, masalok aku manuliar ra panusuban Muno, kaa' ragino ginagaya' ku ragu Muno.

MAZMUR 25:7

Ampuno' noyo ngaangai' tula am nasalaan kuno intor ra aku mamulok. Iou Tuhan, ralalom ru katagaman am kaansayan Muno karaa' aku no.

JISAYA 54:4

Pai' kalaa', kalo tauyuon kou; kalo asabin am maringkauyu'. Lilianin mu kalo gagayaan muli bulintok ra kinamuloko' muli; am kalo makakara' ra kasilukan muno koson sangulun napuor.

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 3:25

Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

JIRIMIA 32:30

Intor ra talimpuun ru sejarah nilo, ulun ru Israil am ulun ru Jiuda kalo napabansuk ra guang Kuno, am napasingkual ilo ra sangit Kuno ra binaal nilo.

YEHEZKIEL 21:12

Okou ulun mapandai matoi, panulaboi no am pampiau, sabap ra ilang muno pakayon koson manggal ra ulun Kuno. Ngaangai' tingganai ru Israil potoyon mababaya' ra ngaangai' ulun Kuno. Luntugo' kubab sabap ra nangkaus guang.

YEHEZKIEL 21:17

Aku niayuk magilakup, am sangit Kuno lumonggo'. Aku, Tuhan nakaindagu noyo.”

YEHEZKIEL 23:3

Paat ra lakat poyo mamulok, minayan ilo giu' ra Misir. Giu' no nairu' ralaa nilo am nasauk ra ruandu' mantalan ra inan.

YEHEZKIEL 36:26

Aniin Takamin ra guang am pangkaraan ondo' bagu. Aligin Ku guang mino ondo' mokotog ra guang ondo' gumagaya'.

YEHEZKIEL 36:31

Makara' min paliso malaat am kasalaan ondo' binaal mino, am majamalan kau boo ra inan galama' sabap ra tula am binaal malaat mino.

YEHEZKIEL 6:9

Giu' no maayag ilo ralalom ru pamatiran. Makakara' ilo boo Raki' am makaliman ra Aku nangukum am nanuyu' risilo sabap ra kalo gumagaya' ilo Raki'. Nangiruan ilo Raki' am nampili' ra sinungkalalaing, am sala' ka Aku. Majamalan ilo ra inan nilo galama' sabap ra binaal ondo' malaat am makauyuyu' ondo' binaal nilo.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

LUKAS 15:30

Kaa' anak mu ragitio ondo' nangai' ra ngaangai' rapu' muli ra ruandu' malaat no, paat io siminaguli', sinimbaluyan mu io ra sapi' ondo' moonsoi toojo!’

LUKAS 18:13

Kaa' mampalulur ra cukai no giu' ayuk ra tinaulian am kalo makakau' mantingaa' ra suruga'. Luntugo' no kubab sabap ra mangiluk guang nali liliwa' minindagu, ‘Aki Kapuuno', pakaasi' no raki' ulun makatula ti!’ ”

ROMA 6:21

Ragili kolondo' onong no ra akau nampaugar ra baal-baal ondo' raino mampakauyu' ramuyun. Baal-baal raginio mangkinibit ra kapatayan.

SAGULION 30:2

Amon ru timinampos kau am papag min sumaguli' ra Tuhan i Aki Kapuuno' min, am ra sotopot ru guang akau gumagaya' ra ngaangai' susuban Nano ondo' taakin kuno ramuyun ra orou raiti',

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.