JIRIMIA 31:18 - Tanou Moonsoi Timugon

¹⁸ Nokorongog Aku ra ulun ru Israil mindagu ra malumpus kaga', ‘Iou Tuhan, koson akai ra anak ru sapi' ondo' kalo poyo pinakaup, kaa' nangila' Kou ramon maa' raginio gumagaya' akai. Ibito' akai sumaguli'; nakatampos akai no sumaguli' Rirun, sabap Okou no Tuhan, i Aki Kapuuno' mai.

JIRIMIA 31:18 ပူးပေါင်းရင်းမြစ်များ

AYUP 5:17

Pakaansuk noyo ulun ondo' sinawai ri Aki Kapuuno'! Pai' pangkaus amon ru okou ilaan No.

MAZMUR 118:18

Maagat pinangukum Nano raki', kaa' kalo polosoon No aku matoi.

MAZMUR 119:67

Ra kalo poyo ukumin Mu aku, masalok aku manuliar ra panusuban Muno, kaa' ragino ginagaya' ku ragu Muno.

MAZMUR 119:75

Makapandai aku ra namalantasan Muno matimpok, iou Tuhan, inukum Mu aku sabap ra nampagagayaan Muno.

MAZMUR 31:15

Kaa' malansan aku Rirun, iou Tuhan; Okou noyo i Aki Kapuuno' kuno.

MAZMUR 32:9

Pai' sasambungon koson ra kuda kapoam baghal, ondo' butatanin ra kalat am kakangin koson mangimaya' ra ralaaton.”

MAZMUR 80:19

Kalo boo masaga' akai manatang Rirun; polosoon noyo akai maayag, am mongompor akai Rirun.

MAZMUR 80:3

intalang No ra bansa' ri Ipraim, Binjamin, am i Manasi! Pabalaa' noyo kuasa' Muno; ratong no am bayago' akai no!

MAZMUR 80:7

Polosoon Mu bansa'-bansa' ra libung no mangayou sabap ra gogot nilo mampagaau ra pagun mai; pantula'-pantula' magasab ramon.

MAZMUR 85:4

Kalo boo sumangit Kou risilo, am inorot Mu sangit Muno ra bibilak no.

MAZMUR 94:12

Iou Tuhan, pakaansuk noyo ulun ra inila' Muno, ulun ondo' inila' Muno ra ukum Muno.

AMSAL 26:3

Kuda musiti' loposon, kaladai musiti' kakangin, am ulun sasambungon musiti' lambaan.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

AMSAL 3:11

Alii ra anak kuno, bulintok ra Tuhan mangila' rirun, apuo' noyo ginio koson mapakara', am pai' impayi' pangilaan Nano.

JISAYA 1:5

Kua kia rayusi' min gumuor? Masaga' kau kia ukumin ra maagat poyo no? Alii ra Israil, ulu mino nototop noyo ra pipilat. Guang am pangkaraan mino marualan.

JISAYA 51:20

Moonong pompor ru ralan ulun-ulun muno maratu' kolondo' lulu' koson ra tambang nakasulung ra jajaling. Nalumpa' ilo ra sangit ru Tuhan, am matiu' ra sangit ri Aki Kapuuno' Muno.

JISAYA 53:7

Malaat kaga' pinamakuan riso, kaa' inorot no ayuk. Kalo sambangis pana ragu nano koson ra anak ru domba inibit ra panimbaluyan kapoam indung ru domba sinukur bulu nano.

JISAYA 63:16

Okou noyo Ama' mai. Kinamatuaan maili i Abragam am i Jakub kalo makaulig ramon, kaa' Okou noyo Ama' mai, iou Tuhan! Okou Mamamayag ramon intor poyo ra galing i.

JISAYA 9:13

Songorou ayuk Tuhan no mangukum ra tingganai-tingganai ru Israil am mamagun. Ulu ru Israil Ingguluin am iku' pututin No.

JIRIMIA 17:14

Iou Tuhan, babaso' aku no, maa' raginio maligag aku. Bayago' aku no, maa' raginio maayag aku. Okou ayuk omporon kuno!

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

JIRIMIA 3:25

Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

JIRIMIA 31:6

Sotopot no, masaboi paat no ra ulun-ulun magagalung ru bandar gumolok giu' ra kabuluran Ipraim, ‘Ibok pagaloi takau ra Sion, mongoi ra Tuhan, i Aki Kapuuno' takau.’ ”

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

SULABOI 5:21

Iou Tuhan, ibito' akai no sumaguli' Rirun; ibito' akai no sumaguli' Rirun! Patapulio' baal moonsoi mai koson ragili.

YEHEZKIEL 20:43

Makara' min boo ngaangai' binaal ra makauyuyu' am ondo' nampajamol ra inan min. Mampalua' kau ra inan min galama' sabap ra ngaangai' kalaatan ondo' binaal mino.

DANIL 9:13

Nangukum Kou ramon siminugut ra ngaangai' ondo' natulisan ralalom ru Ukum ri Musa. Raino pana, iou Tuhan, i Aki Kapuuno' mai, kalo minirot akai koson mapabansuk ra guang Muno. Kalo timinalikur akai intor ra tula mai kapoam siminugut ra pangilaan Muno ondo' motopot.

GOSIA 10:11

“Galing i Israil koson ra sapi' mamulok ondo' inila', am magail tumampos mangagik ra gandum. Kalo pana boo paatangon Ku kuk ra impus nano ondo' moonsoi no. Kaa' raino namatas Aku noyo koson jajalin io mangandoi ra maagat. Manusub Aku ri Jiuda mamparadu' am Israil mamunduk ra radu'.

GOSIA 4:16

Ulun ru Israil mokotog ulu koson ra baghal. Ati kulaan Aku makapagalung risilo koson ra domba giu' ra padang sakot?

GOSIA 5:15

Iruanin Ku ulun Kuno saboi maimbolo' ilo kaga' sabap ra tula nilo, am matong ilo maguyum Raki'. Maaru' lair ra ralalom ru kaimbalaan, mirot ilo maguyum Raki'.”

JUNUS 3:10

Nakito ri Aki Kapuuno' binaal nilo; nakito No ra ilo kalo boo nambaal ra malaat. Ginio ra nangulau Io ra guang Nano am kalo boo sinugut ukuman ondo' inatang Nano risilo.

JIPANYA 3:2

Bandar no kalo mampalio ra bilin ru Tuhan, am kalo noyo boo mangapu ra pangilaan Nano. Bandar no kalo malansan ra Tuhan am kalo makiindangan Riso.

MALIAKI 3:16

Kopongo raginio ulun ondo' malaa' ra Tuhan mindagu ra ilo galama'. Mangkirongog Tuhan am mampaguang ra ragu-ragu nilo. Giu' ra saang ru Tuhan, inggalan ru moonong ulun ondo' mangurumat Riso am malaa' Riso, tulisin ralalom ru rondo' kitab.

MALIAKI 4:6

Baalon no ama' am anak rondo' guang, maa' raginio Aku kalo matong koson mamuso ra pagun min.”

UNTABAN 2:18

Tampilon ra kalasaan, ulun ragana' ru pulalai ri Ipraim musiti' mangkim maya' ra pulalai nilo, am tingganai ru sigagama': Bansa' Tingganai Suang ru Ulun Ipraim Ilisama anak ri Amigud 40,500 Manasi Gamaliil anak ri Pidajur 32,200 Binjamin Abidan anak Gidioni 35,400 Suang: 108,100 Pulalai ri Ipraim iono pulalai katalu ondo' musiti' mugar.

LUKAS 1:17

Momongo io ra ralan ru Tuhan am maikang am makakuasa' io koson ra nabi Ilia. Mopobonsoi io ra ama' am anak, magibit ra ulun ondo' kalo gumagaya' sumaguli' ra pangkaraan motopot. Koson raginio boo, momongo io ra ulun tumampos manguma' ra Tuhan.”

LUKAS 15:20

Io pana minuli' ra ama' nali. Lakat io ayuk poyo maalur ra baloi, nakito io noyo ru ama' nali. Makaasi' kaga' ama' nali saboi nasimbul uma' riso, ganggali' am alaki' no io.

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

IBRANI 12:5

“Nakalilian kano kia ra bala' ri Aki Kapuuno' ra Io minindagu ramuyun koson ra anak Nano? Kon Nano: Anak Ku, guango' min ra akau loposon am ilaan ru Tuhan, am pai' pangkaus amon ru mansawai Io ramuyun.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.