JIRIMIA 31:14 - Tanou Moonsoi Timugon

¹⁴ Imam-imam basugon Ku ra akanon masuang, am mangukop ra ngaangai' ondo' pakuan ru ulun Kuno. Aku, Tuhan, nakaindagu noyo.”

JIRIMIA 31:14 ပူးပေါင်းရင်းမြစ်များ

2 TUNUNG RU BANSA' ISRAIL 6:41

Ingkakat no raino, iou Tuhan i Aki Kapuuno', am mabaya' ra Kaban Nabantuan tatandu' ru kuasa' Muno, umpos no ra Baloi ti am ayan no ragiti ra sabubuoi no. Barakato' noyo imam-imam Muno ralalom ru ngaangai' kandoi nilo, am gama' ru ngaangai' ulun Muno maansukan ra kinoonsoi Muno risilo.

NIGIMIA 10:39

Ulun ru Israil am ulun ru Liwi musiti' magibit ra taak simbalui kaunaran, wain am umau jaitun ondo' inumung no ra intok-intok pambulian ra ulaan, iono giu' ra intok pambulian ra kuliamos Baloi ru Tuhan. Giu' no niayuk intok ayanan ru imam-imam ondo' tatanga' mangandoi, ulun-ulun magalung ra Baloi ru Tuhan, am ulun-ulun maririmbai giu' ra Baloi ru Tuhan. Marara' akai mangimpai ra Baloi ru Tuhan mai.

MAZMUR 107:9

Ulun pinaason popokon No ra inum, am ulun naitilan basugon No ra ngaangai' ondo' moonsoi.

MAZMUR 132:16

Imam-imam nano mapakito ra pamayagan intor Raki', am ulun-ulun nano magigindii ra maansukan.

MAZMUR 132:9

Gama' ru ulun Muno magigindii ra maansukan, am ngaangai' imam Muno maayag sumugut ra kasagaan Muno.

MAZMUR 17:15

Magilong aku Rirun sabap ra kolondo' sala kuno; bulintok ra aku makarat, ratangan Muno makaantak ra guang kuno.

MAZMUR 36:8

Iou Aki Kapuuno', mapara' piboo kinologo ru togom Muno, ulun sumindung ra saau ru kawo Muno.

MAZMUR 63:2

Iou Aki Kapuuno', Okou noyo i Aki Kapuuno' kuno, moondom aku Rirun. Koson ra tana' mapua' paason ra timug, koson raginio niayuk paason aku Rirun.

MAZMUR 63:5

Maringkuanang aku Rirun buoi ru kaayagan kuno; painsawaton ku longon liliwa' makiasi' Rirun.

MAZMUR 63:6

Salibuor kuno binasug am jinala', am rimbayin Tokou ra rimbai-rimbai mongompor.

MAZMUR 65:4

sabap ra makatula ilo. Kara' mai tula mai maagat kaga', kaa' inampun Mu tula mai.

MAZMUR 85:13

Saukon takau ru Tuhan ra lumangkaya', am tana' takau mapaingkual ra ampos masuang.

MAZMUR 90:14

Pasasaro' noyo togom Muno ramon ra moonong susuab, maa' raginio makaparimbai akai am maansukan buoi ru painawo mai.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

JISAYA 25:6

Giti ra Bulur Sion, Tuhan Ondo' Maayo' Kaga' Kuasa' mangatang ra pagakanan maayo koson mampaakan ra ngaangai' bansa' ra tana' ti. Pasulungon No akanon ra mangaamis am wain ra pinili'.

JISAYA 61:6

Piawon kau koson ra imam-imam ru Tuhan, koson ra ulipon ri Aki Kapuuno' takau. Makasia' kau ra kinalangkayaan ru bansa'-bansa', am mamanggo makaalap ra kinalangkayaan no.

JIRIMIA 31:25

Paikangon Ku ilo ondo' maagui, am basugon ilo ondo' malawo sabap ra naitilan.

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

JIRIMIA 50:19

Pasagulion Ku ulun ru Israil ra intok namagunan nilo. Mangakan ilo intor ra ampos ru tinanom ondo' timinuu' giu' ra Gunung Karmil am giu' ra libung Basan. Mangakan ilo maya' ra kasagaan nilo intor ra ampos ru tinanom ondo' timinuu' giu' ra wilayah Ipraim am Giliad.

YEHEZKIEL 34:14

Polosoon Ku ilo mongkotop ra maansukan giu' ra padang masansam. Mangiou Aku risilo mangakan giu' ra padang sakot giu' ra gunung, giu' ra limayak, am giu' ra padang sakot ondo' masansam giu' ra Israil.

AGAI 2:19

Kabalu' pana kolondo' boo gandum ra natatang, am puun ru anggur, puun ru ara, puun ru dalima', am niayuk puun ru jaitun kalo poyo nangkawa', kaa' tumalimpuun raino barakaton Takamin!”

MATIUS 5:6

Pakaansuk noyo ulun ondo' maguyum ra kasagaan ri Aki Kapuuno', sabap ra basugon ilo ri Aki Kapuuno'.

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

IPISUS 3:19

Ginio maalur poyo intor ra pangkaraan ru ulun. Bagu no makapaliso kau ra moonsoi toojo, mogondo' ra ngaangai' ru kinatanda' ri Aki Kapuuno'.

SAGULION 33:23

Intor ra bansa' ru Naptali, indagu io, “Labain i Naptali ra barakat am togom ru Tuhan; tana' nilo mapila' intor ra Tasik Galilia saboi ra rabugus.”

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

PINAINTALANG 5:10

Nampasauk Kou risilo koson ra imam ondo' mabaya' Rirun mangandoi ri Aki Kapuuno', am mamarinta ilo ra tana' ti.”