JIRIMIA 31:12 - Tanou Moonsoi Timugon

¹² Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

JIRIMIA 31:12 ပူးပေါင်းရင်းမြစ်များ

MAZMUR 130:4

Kaa' mangampun Kou ramon, maa' raginio mangurumat am gumagaya' akai Rirun.

JISAYA 1:30

Masauk kau koson ra puun tataun makalu ondo' raun nano lumonot, am koson ra taman kolondo' timug.

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

JISAYA 51:11

Ulun-ulun ondo' pinalabus ru Tuhan pana makauli' sumubol ilo ra Jirusalim ralalom guang maantak liliwa' marimbai. Matakau bulos nilo sabap maansukan sabuoi-buoi no, sabuoi-buoi no ilo nakalabus intor ra kapaganan am mangiluk guang.

JISAYA 52:8

Rongogo' noyo noloos ayuk kaantakan ru mantatamung ra bandar, ngaangai' ilo magilakup! Sabap mato nilo galama' magilong Tuhan siminaguli' ra Sion.

JISAYA 58:11

Masalok Aku maningganai ramuyun am mamasug ramuyun giu' ra tana' mapua'; Aku magalung ramuyun maa' raginio maligag kau am maikang. Akau koson ra taman ondo' maulian ra timug no, koson ra taur ru timug ondo' kalo igondo' mapua'.

JISAYA 60:20

Bulintok ru kapaganan muno maampus. Aku, Tuhan, masauk ra sinda muno ra mantilayun, mantilayun poyo intor ra mato ru orou am bulan.

JISAYA 65:19

Aku galama' maantak guang sabap ra Jirusalim am mamagun nano. Giu' no kolondo' boo tinangian kapoam mampiau koson makiindangan.

JIRIMIA 3:14

“Ulun kau ra kalo gumagaya', saguli' kano Raki'; akau longgom Kuno. Mangalap Aku ramuyun, sangulun intor ra moonong bandar, am ruo ngaulun intor ra moonong bansa', am Aku pana magibit ramuyun sumaguli' ra Bulur Sion.

JIRIMIA 31:24

Mayan ulun giu' ra Jiuda am giu' ra ngaangai' ru bandar nano. Giu' no mokoondo' ra ulun magitanom, am ulun magagalung am ra bibiag tinambiag nilo.

JIRIMIA 31:25

Paikangon Ku ilo ondo' maagui, am basugon ilo ondo' malawo sabap ra naitilan.

JIRIMIA 31:4

Kaikangon Ku saguli' intok min. Igondo' poyo ra mangalap kau ra tamburing am mansayau ra maansukan.

JIRIMIA 31:6

Sotopot no, masaboi paat no ra ulun-ulun magagalung ru bandar gumolok giu' ra kabuluran Ipraim, ‘Ibok pagaloi takau ra Sion, mongoi ra Tuhan, i Aki Kapuuno' takau.’ ”

JIRIMIA 31:7

Indagu Tuhan, “Parimbai no ra maansukan ra tayar ru Israil, bansa' ondo' kasaa' ra gino ngai' ru bansa'. Parimbai no ra rimbai mongompor, ‘Binayag ru Tuhan ulun Nano; binayag No ngaangai' ulun ondo' lakat poyo natatang.’

JIRIMIA 32:15

Tuhan Ondo' Maayo Kaga' Kuasa', i Aki Kapuuno' ru Israil, minindagu ra baloi, tana' am umo ru anggur balion poyo giti ra pagun ti.”

JIRIMIA 33:12

Indagu Tuhan Ondo' Maayo Kaga' Kuasa', “Giti ra pagun ondo' koson ra tana' kaagisan ti, ondo' kalo inayanan ru ulun kapoam bibiag, igondo' poyo mokoondo' ra padang makasakot, intok ru ulun magalung ra domba nilo.

JIRIMIA 33:13

Giu' ra bandar-bandar ra tampilon kabuluran, giu' ra lonson toojo ru bulur, giu' ra tampilon rabugus ru Jiuda, giu' ra wilayah ru Binjamin, giu' ra pekan-pekan ra liliut ru Jirusalim, am giu' ra bandar-bandar ru Jiuda, igondo' poyo magagalung-magagalung manguntob ra domba nilo. Aku, Tuhan, nakaindagu noyo.”

YEHEZKIEL 17:23

gunung ondo' masawat kaga' ra Israil. Umbus no manampango am mangkawa', masauk boo ra puun tataun sidar ondo' moonsoi kaga'. Mansalinut susuit manabunsut ra giu' no, am sumindung ra saau nano.

YEHEZKIEL 20:40

Giu' ra tana' ru Israil, giu' ra tampak ru bulur Kuno ondo' matulai, akau ngaangai', ulun ru Israil sumamba Raki'. Maansayan Aku ramuyun, am mangapu ra taak simbalui, taak ondo' moonsoi kaga', am taak ondo' mapasau intor ramuyun.

YEHEZKIEL 34:14

Polosoon Ku ilo mongkotop ra maansukan giu' ra padang masansam. Mangiou Aku risilo mangakan giu' ra padang sakot giu' ra gunung, giu' ra limayak, am giu' ra padang sakot ondo' masansam giu' ra Israil.

YEHEZKIEL 36:30

Ruangin Ku ampos ru puun kinawa' am ampos ru umo mino, maa' raginio kolondo' boo bitilan ondo' mampauyu' ramuyun ra gino ngai' ru bansa'-bansa'.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

JOIL 3:18

Paat raginio gunung libungin ru umo ru anggur; bibiag tinambiag soroi giu' ra moonong bulur; ngaangai' sungoi giu' ra Jiuda totopon ra timug. Rondo' sungoi tumilis intor ra Baloi ru Tuhan; sungoi no manimug ra Limayak Akasia.

AGAI 2:19

Kabalu' pana kolondo' boo gandum ra natatang, am puun ru anggur, puun ru ara, puun ru dalima', am niayuk puun ru jaitun kalo poyo nangkawa', kaa' tumalimpuun raino barakaton Takamin!”

JAKARIA 8:12

Mampatias ilo ra sampug ra kaansayan. Puun ru anggur nilo mangkawa', tana' mangani' ra ampos, am rasam rumatu'. Mangani' Aku ra ngaangai' ru barakat ti ra ulun intor ra bansa' ti ondo' lakat poyo naayag.

JUANIS 16:22

Mogondo' niayuk ramuyun; raino mangiluk guang min. Kaa' makapantuum takau saguli', am maansukan kau boo toojo; am kaansukan mino kalo malanggaan ru osoi ayuk pana.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

PINAINTALANG 21:4

Mampiir Io ra ngaangai' lomou intor ra mato nilono. Kolondo' boo kapatayan, guang mangiluk, pantangian kapoam karualan pana. Ngaangai' baal ondo' nakalair naliom noyo.”

PINAINTALANG 7:17

Sabap ra Anak Domba ondo' soroi ra tatanga' ru takhta no magalung risilo am maningganai risilo mongoi ra taur ru timug ondo' mampakaayag. Am i Aki Kapuuno' mamiir ra lomou ru tangi' intor ra mato nilai no.”