JIRIMIA 31:11 - Tanou Moonsoi Timugon

¹¹ Pinalabus Ku noyo ulun ru Israil, am namayag risilo intor ra bansa' ondo' maikang.

JIRIMIA 31:11 ပူးပေါင်းရင်းမြစ်များ

MAZMUR 142:6

Iou Tuhan, mampiau aku ra makiindangan Rirun, Okou noyo manindung raki', Okou ayuk gogoton kuno ralalom ru kaayagan ti.

KAINGKUALAN 15:16

Talou am laa' lumumpa' risilo. Nakito nilo ikang Muno, iou Tuhan, kalo makalulu' ilo sabap ra matalou, saboi ulun Muno nansail ra saang nilo – ulun ondo' pinalabus Muno intor ra pangulipanan.

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

JISAYA 48:20

Ingkual noyo am pagiru' intor ra Babil! Pabalaa' noyo tanou raginio ralalom guang maantak. Pabalaa' noyo tanou raginio ra ati-ati ayuk, “Tuhan namayag ra Israil, ulipon Nano!”

JISAYA 49:24

Mangkuot kau, “Gaawon kia nua' kuliamos ondo' inalap ru sangulun tutumula', kapoam ulun narakop gaawon intor ra kalindu' ru ulun malaat kaga'?”

JISAYA 49:25

Tumaam Tuhan, “Ginio noyo kasaukan no. Ulun narakop ru nasuangan saujor ginaau saguli'. Ginaau ru ulun malaat kaga' gaawon poyo. Sabap ra Aku galama' manggal ra pantula' muno; bayagon Ku anak-anak muno.

JISAYA 51:11

Ulun-ulun ondo' pinalabus ru Tuhan pana makauli' sumubol ilo ra Jirusalim ralalom guang maantak liliwa' marimbai. Matakau bulos nilo sabap maansukan sabuoi-buoi no, sabuoi-buoi no ilo nakalabus intor ra kapaganan am mangiluk guang.

JIRIMIA 15:21

Palabuson Tokou intor ra kuasa' ru ulun malaat kaga'. Aku, Tuhan nakaindagu noyo.”

JIRIMIA 50:33

Indagu Tuhan Ondo' Maayo Kaga' Kuasa', “Ulun ru Israil am Jiuda inimbolo'. Ngaangai' ondo' namparakop risilo nagalung toojo risilo am marara' mampalabus risilo.

JIRIMIA 50:34

Kaa' Io ondo' mamayag risilo no maikang; inggalan Nano iono Tuhan Ondo' Maayo Kaga' Kuasa'. Io galama' mirot toojo mangampin ra baal nilo, am magibit ra kaansayan ra tana' ti, kaa' mamparatong ra kapaganan ra ulun ru Babilonia.”

SULABOI 3:58

Matong Kou manaung ra baal kuno, iou Tuhan, am mamayag Kou ra painawo kuno.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

JAKARIA 9:16

Paat orou raginio ra tauli no, bayagon ru Tuhan ulun Nano, koson ra magagalung mamayag ra bibiag tinambiag intor ra makalalaa'. Suminda ilo giu' ra pagun ru Tuhan koson ra intan ra karaun.

MATIUS 12:29

Kolondo' sangulun pana makasubol ra baloi ru ulun maikang am mantakou ra kuliamos nano ondo' ak am bangkilon no pagulu ulun maikang no, bagu magaau no ngaangai' kuliamos no.

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

MATIUS 22:29

Taam i Jisus, “Mumpara' boo layau ru pangkaraan mino! Akau kalo makarati' ra Buuk Kitab kapoam kuasa' ri Aki Kapuuno'.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.