JIRIMIA 31:1 - Tanou Moonsoi Timugon

¹ Indagu Tuhan, “Masaboi paat ra Aku masauk ri Aki Kapuuno' ra ngaangai' bansa' ru Israil, am ilo masauk ra ulun Kuno.

JIRIMIA 31:1 ပူးပေါင်းရင်းမြစ်များ

2 SAMUIL 7:24

Sinauk Mu Israil ra ulun Muno ra sabuoi-buoi no. Okou, iou Tuhan, nasauk noyo ri Aki Kapuuno' nilo.

MAZMUR 144:15

Pakaansuk noyo bansa' koson raginio, pakaansuk noyo ulun ondo' i Aki Kapuuno' nilono Tuhan!

MAZMUR 48:14

imansaa' min timbok am urioo' kubu ru bandar no, maa' raginio maalap min katunung ra anak-anak bagu ra matong ti

JISAYA 20:6

Bulintok raginio, ulun ondo' minayan ra libung ru nagas pagun ru Palistin no mindagu, ‘Ilai' noyo baal ondo' nasauk ra bansa' ondo' kalansanin takano koson mangampin ritakau intor ra pangayawan ru raja' ru Asyur! Ati kulaan takau maayag?’ ”

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JIRIMIA 30:3

sabap ra paat no masaboi ra pulion Ku baal ru ulun Kuno, Israil am Jiuda. Ibiton Ku ilo sumaguli' ra pagun ondo' tinaakan Kuno ra kinamatuaan nilai. Molonggom nilo pagun no saguli'. Aku, Tuhan, nakaindagu noyo.”

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 32:38

Masauk ilo ra ulun Kuno, am masauk Aku ri Aki Kapuuno' nilo.

JIRIMIA 33:14

Indagu Tuhan, “Masaboi paat no ra suguton Ku bantu' Kuno ra mamagun ru Israil am Jiuda.

JIRIMIA 33:7

Saukon Ku Jiuda am Israil ra langkaya', am manirong risilo saguli' koson ragili.

JIRIMIA 50:4

Indagu Tuhan, “Masaboi paat no, mamagun ru Israil am Jiuda matong mababaya' liliwa' mantangi' am maguyum Raki', i Aki Kapuuno' nilo.

YEHEZKIEL 11:20

Bagu no gumagaya' ilo boo ra ukum Kuno am sumugut ra ngaangai' susuban Kuno ra matanda'. Masauk ilo ra ulun Kuno, am Aku masauk ri Aki Kapuuno' nilo.

YEHEZKIEL 34:24

Aku, Tuhan masauk ri Aki Kapuuno' nilo; am sangulun raja' koson ri Daut, ulipon Kuno masauk ra ulun manguasa' risilo. Aku, Tuhan nakaindagu noyo.

YEHEZKIEL 34:31

Totopot akau no sampanon ru domba ondo' pinakan Kuno. Akau noyo ulun Kuno am Aku noyo i Aki Kapuuno' min.” Ginio noyo ragu ru Tuhan Raja'.

YEHEZKIEL 36:28

Mayan kau boo ra pagun ondo' tinaakan Kuno ra kinamatuaan mini. Akau masauk ra ulun Kuno, am Aku masauk ri Aki Kapuuno' min.

YEHEZKIEL 39:22

Intor raginio boo Israil makapandai ra Aku noyo Tuhan, i Aki Kapuuno' nilo.

YEHEZKIEL 39:25

Indagu Tuhan Raja', “Kaa' raino makaasi' Aku ra papag ri Jakub, ulun ru Israil, am pasaukon ilo ra langkaya' saguli'. Alungin Ku inggalan Kuno ondo' matulai.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

IMAMAT 26:12

Sumbayaan Ku akau; masauk Aku ri Aki Kapuuno' min am akau masauk ra ulun Kuno.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

IBRANI 12:16

Ilalai' noyo ra kolondo' sangulun mansawa' kapoam tumilu ri Isau ondo' kalo nangurumat ri Aki Kapuuno' ragili. Tayar tungkuson nali koson ra anak katuaan inaligan no ra samangkuk akanon ayuk.