JIRIMIA 30:8 - Tanou Moonsoi Timugon

⁸ Indagu Tuhan Ondo' Maayo Kaga' Kuasa', “Paat ra masaboi orou raginio, kuk ondo' pinaatang ra impus min pandakon Ku, am pinabangkil ramuyun iruon Ku. Akau kalo boo masauk ra ulipon ru bansa' ra bokon.

JIRIMIA 30:8 ပူးပေါင်းရင်းမြစ်များ

MAZMUR 107:14

Ibiton No ilo mingkual intor ra kalandaman, am bukaton No rantai ondo' namangkil risilo.

JISAYA 10:27

Amon ru masuku' bulintok no, palabuson Takamin intor ra pangimbalaan ri Asyur, am kalo boo manguasa' io ramuyun.”

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JISAYA 14:25

Pusoon Ku ulun ru Asyur giu' ra Israil pagun Kuno, am manginginjang risilo intor ra rasawat ru gunung-gunung Kuno. Palabuson Ku ulun Kuno intor ra pangimbalaan ru ulun ru Asyur am intor ra kapaganan nilono.

JISAYA 14:3

Langgain ru Tuhan karualan am kaimbalaan ru ulun ru Israil. Palabuson No ilo intor ra kandoi maagat ondo' pinajajal risilo.

JISAYA 9:4

Kasut ra sinulungan ru saujor ondo' mangayou am nansalinut bayang nilo ondo' naluitan ru raraa' makai' mosolob ru apui.

JIRIMIA 2:20

Indagu Tuhan Raja', “Alii ra Israil, intor ragili marara' kou mangandoi ayuk Raki'; marara' kou gumagaya' Raki' kapoam sumamba Raki'. Giu' ra rasawat ru moonong bulur ondo' masawat am giu' ra saau ru moonong puun tataun masansam, sumamba kou ra dewa-dewa ru kalabungan.

JIRIMIA 25:14

Balasin Ku binaal ru ulun Babilonia; uliponon ilo ru raja'-raja' maayo am masuang bansa'.’ ”

JIRIMIA 27:2

mambaal ra kalat intor ra kungkung am mambaal ra kuk intor ra tataun, am paatangon ra impus kutu.

JIRIMIA 27:7

Ngaangai' bansa' mangandoi ayuk ra Raja' Nibukadnijar, anak ungkuyon nano am akupu nano saboi ra paat ru pagun nano galama' maratu'. Paat raginio bansa' ru Babilonia mangandoi ayuk ra bansa'-bansa' ondo' maikang am raja'-raja' ondo' maayo.

JIRIMIA 28:10

Kopongo raginio i Gananya nangalap ra kuk intor ra impus kutu, am pinandak no.

JIRIMIA 28:13

mongoi ri Gananya am indagu, “Minindagu Tuhan ra masaga' kou mamandak ra kuk tataun, kaa' aligin No ginio ra kuk basi'.

JIRIMIA 28:4

Ibiton Ku niayuk saguli' i Joyakin anak ungkuyon ru Raja' Joyakim, raja' ru Jiuda, mababaya' ra ngaangai' mamagun ru Jiuda ondo' inaut ra Babilonia. Sotopot no, pandakon Ku kuasa' ru Babilonia. Aku, Tuhan nakaindagu noyo.”

YEHEZKIEL 30:18

Bandar Tapanis lumondom paat ra orou Aku manguasa' ra Misir am mamuso ra kuasa' nano ondo' limbawan nano. Misir libungin ru gaun, am ngaangai' mamagun ru bandar no rokopon.

YEHEZKIEL 34:27

Puun ru tataun mangkawa', umo mangingkual ra ampos, am moonong ulun mayan ra moonsoi giu' ra tana' nano galama'. Paat ra Aku mangukat ra nakabangkil ra ulun Kuno am mampalabus risilo intor ra bansa' ondo' nangulipon risilo, bagu no makapandai ilo ra Aku noyo Tuhan.

NAGUM 1:13

Raino pupusin Ku kuasa' ru Asyur ramuyun, am ukaton Ku rantai ondo' nakabangkil ramuyun.”