JIRIMIA 30:5 - Tanou Moonsoi Timugon

⁵ “Nokorongog Aku ra golok ru ulun ondo' nonontol, golok ru ulun ondo' malaa', ondo' kolondo' kaansayan.

JIRIMIA 30:5 ပူးပေါင်းရင်းမြစ်များ

JISAYA 5:30

Paat ra orou raginio, titikop ru Israil maining bolos ra mangayou koson ra nginoos mapuor ru raat. Ilai' nga, titikop ru pagun no molondom am kumuliasou-asou. Sinda masauk ra molondom.

JISAYA 59:11

Malaa' akai am mangiluk guang; maguyum akai ra katimpakan, kaa' kolondo'; lumansan akai ra pamayagan, kaa' banangan ayuk.

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JIRIMIA 25:36

Mampalaa kau am mantangi' ra mangiluk sabap ra Tuhan ralalom ru sangit Nano namuso ra bansa' min am niayuk namuso ra pagun min ra mamimio ti.

JIRIMIA 30:4

Minindagu Tuhan ra ulun ru Israil am Jiuda,

JIRIMIA 46:5

Pangkuot Tuhan, “Kaa' atan kia ondo' nakito Kutu? Liminugut ilo ra nalaa'. Saujor nilo linamba' paluguto'; nagiru' ilo ra maribok kaga', kalo baani ilo mangkaili sabap ra nalaa' kaga'.

JIRIMIA 6:22

Indagu Tuhan, “Ulun matong intor ra rondo' pagun giu' ra ralayo; rondo' bansa' ondo' maikang giu' ra pagun maalur tatanga' tumampos koson mangayou.

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

JIRIMIA 8:16

Soroi noyo pantula' giu' ra bandar Dan; gala' ru kuda nilo morongog noyo. Titikop ru pagun mangalaa' paat ra kuda nilo mampagala'. Pantula' nakaratong noyo koson mamuso ra titikop ru pagun takau, am niayuk bandar takau am niayuk ngaangai' ru mamagun nano.”

JIRIMIA 8:19

Rongog no! Giu' ra titikop pagun morongog ku bansa' kutu mampalaa, “Kolondo' kia boo Tuhan giu' ra Sion? Ati kia raja' ru Sion raino?” Taam Tuhan, raja' nilo, “Kua singkualo' min sangit Kuno? Sumangit Aku sabap ra sinamba min sinungkalalaing min am kumuku' samba ra dewa-dewa ru bansa' bokon ondo' kolondo' noyo toojo onong.”

JIRIMIA 9:19

Rongogo' bolos ru tangi' giu' ra Sion, “Natutuk akai noyo! Tinauyu' akai toojo. Musiti' akai mangiruan ra pagun mai; baloi mai linunsai noyo.”

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

ABAKUK 1:10

Ulun ru Babilonia magasab ra raja'-raja' am makakurit ra tingganai-tingganai ru pamarintaan. Kolondo' kubu mokopongompong risilo. Pinumpunan nilo ra tana' timbok ru kubu, am nampagaau raginio.

ABAKUK 1:6

Rongog kano! Pasaukon Ku ulun Babilonia makakuasa', bansa' ondo' masangit am makuliga'. Mongoi ilo ra titikop ru tana' koson manguasa' ra pagun ra bokon.