JIRIMIA 30:3 - Tanou Moonsoi Timugon

³ sabap ra paat no masaboi ra pulion Ku baal ru ulun Kuno, Israil am Jiuda. Ibiton Ku ilo sumaguli' ra pagun ondo' tinaakan Kuno ra kinamatuaan nilai. Molonggom nilo pagun no saguli'. Aku, Tuhan, nakaindagu noyo.”

JIRIMIA 30:3 ပူးပေါင်းရင်းမြစ်များ

IJRA 3:1

Paat ra sila' katulu', ulun ru Israil namagun giu' ra bandar ru sigagama'. Kopongo raginio ilo ngaangai' timinimung giu' ra Jirusalim.

IJRA 3:12

Masuang intor ra imam, ulun ru Liwi am tingganai ru bansa' ondo' mangatutuo noyo igondo' nakakito ra Baloi ru Tuhan ragili. Paat ilo nakakito ra batu maatang ru Baloi ru Tuhan ondo' gitio pinabanta', nantangi' ilo ra mosongou. Kaa' ulun ra bokon ondo' siminaang ra giu' no nangilakup sabap ra naansukan.

IJRA 3:8

Paat ra sila' karuo, ralalom ru bilor karuo kalupus ulun ru Israil siminaguli' ra Jirusalim, timinalimpuun ilo nambaal saguli' ra Baloi ru Tuhan. I Jirubabil, Jisua am ulun rondo' bansa' nilo, imam-imam am ulun-ulun ru Liwi, ontoson ragu, ngaangai' ulun ragili pinatiran, minaya' nangandoi. Ngaangai' ulun ru Liwi ondo' makaumur nasailan 20 ngambilor pinangandoi magalung ra pambaalan ra Baloi ru Tuhan.

MAZMUR 126:4

Iou Tuhan, patapulio' noyo kaayagan maili, koson ra sungoi nalasakan makatimug saguli' bulintok rumasam.

MAZMUR 53:6

Kaa' mangalaa' ilo boo, kabalu' pana kolondo' ulun mangingilaa' risilo, sabap ra gagayon ri Aki Kapuuno' bungul ru pantula' ru ulun Nano. Inimpayan ri Aki Kapuuno' pantula' ru ulun Nano, Israil pana mampaala ra pantula' nilono.

JIRIMIA 16:15

Kaa' magibot ilo ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra rondo' pagun giu' ra ralayo am intor ra ngaangai' pagun ra bokon, intok Kuno nampatutuliar risilo. Ibiton Ku ilo sumaguli' ra tana' namagunan nilo, pagun ondo' tinaakan Kuno ra kinamatuaan nilo. Aku, Tuhan nakaindagu noyo.”

JIRIMIA 23:5

Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

JIRIMIA 27:11

Kaa' bansa' ondo' masaga' kumuku' am masaga' mangandoi ayuk ra raja' ru Babilonia polosoon Ku mayan ra pagun galama' nilo koson magitanom ra giu' no. Aku, Tuhan, nakaindagu noyo.”

JIRIMIA 27:22

Ngaangai' no auton ra Babilonia, am paayanon ra giu' saboi ra lioon Ku poyo. Paat raginio bagu no ibiton Ku ngaangai' no sumaguli' ra intok ragitio. Aku, Tuhan nakaindagu noyo.”

JIRIMIA 29:10

Indagu Tuhan, ‘Paat ra masuku' tulu' ngoopor ngambilor tayar ru Babilonia, lioon Takamin poyo am manugut ra bantu' Kuno koson magibit ramuyun muli'.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JIRIMIA 30:18

Indagu Tuhan, “Pasagulion Ku ulun Kuno ra pagun nilo am makaasi' ra moonong sasambaloi; Jirusalim baalon poyo, am istana no punaan.

JIRIMIA 30:4

Minindagu Tuhan ra ulun ru Israil am Jiuda,

JIRIMIA 31:16

Langgai' tangi' muno am piiri' lomou muno. Bagui muli koson ra anak-anak muli balasin ra moonsoi; muli' anak-anak muli intor ra pagun ru pantula'.

JIRIMIA 31:23

Tuhan Ondo' Maayo Kaga' Kuasa', i Aki Kapuuno' ru Israil minindagu, “Paat ra pasagulion Ku ulun Kuno ra pagun nilo, pagun Jiuda am bandar-bandar nano pana mokorongog poyo ra ulun mindagu, ‘Gama' ru barakaton ru Tuhan bulur matulai giu' ra Jirusalim intok inayanan ondo' pinatimpok Riso.’

JIRIMIA 31:27

Aku, Tuhan nakaindagu ra masaboi paat no ra sosokon Ku pagun Israil am Jiuda ra ulun am bibiag.

JIRIMIA 31:31

Indagu Tuhan, “Masaboi paat no ra mambaal Aku ra nabantuan ondo' bagu ra ulun ru Israil am Jiuda.

JIRIMIA 31:38

Indagu Tuhan, “Masaboi paat no ra titikop ru Jirusalim baalon saguli' koson ra bandar Kuno, intor ra Manara Gananil saboi ra Kulobon Garabang Pisuk.

JIRIMIA 32:37

Timungon Ku bansa' ragitio intor ra ngaangai' pagun intok nampatuliaran Kuno risilo sabap ra sangit am lasu' ru guang Kuno risilo. Ibiton Ku ilo sumaguli' ra intok ragitio am paayanon ilo ra giti ra mamimio.

JIRIMIA 32:44

Balion ru ulun umo am surat pambalian no sainin am saapin giu' ra saang ru sasi'-sasi'. Baal raginio masauk giu' ra wilayah Binjamin, giu' ra pekan-pekan ra liliut ru Jirusalim, giu' ra bandar-bandar Jiuda, giu' ra bandar-bandar ra tampilon kabuluran, giu' ra tampilon lonson toojo ru bulur, am giu' ra tampilon rabugus ru Jiuda. Pasagulion Ku bansa' ragitio ra pagun nilo. Aku, Tuhan nakaindagu noyo.”

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

JIRIMIA 51:60

Giu' ra ralalom ru rondo' kitab nanulis aku ra ngaangai' kapusaan ondo' makalumpa' ra Babilonia, am niayuk ngaangai' baal ra bokon intor ra pagun no.

YEHEZKIEL 20:42

Paat ra akau ibiton Ku muli' ra pagun ru Israil, tana' ondo' binantu' Kuno ra kinamatuaan min, bagu no makapandai kau ra Aku noyo Tuhan.

YEHEZKIEL 34:13

Paingkualon Ku ilo intor ra pagun-pagun ra bokon am manimung risilo, am magibit risilo muli' ra pagun galama' nilo. Ibiton Ku ilo saguli' ra gunung-gunung am limayak-limayak giu' ra Israil. Aniin Ku ilo ra akanon giu' ra padang-padang sakot ondo' malabung.

YEHEZKIEL 36:24

Timungon Takamin intor ra moonong pagun am intor ra moonong bansa' am magibit ramuyun muli' ra pagun min galama'.

YEHEZKIEL 47:14

Magibot Aku ra kinamatuaan min ra Aku nangani' risilo ra tana' ragitio. Ginio ra, tayaro' noyo tana' ti ra pogondoon ra akau po ngai'.

JOIL 3:1

Indagu Tuhan, “Paat raginio patapulion Ku kalangkayaan ru Jiuda am Jirusalim.

JIPANYA 2:7

Mamagun ru Jiuda ondo' maayag mayan ra tana' min. Alungin nilo bibiag tinambiag ra giu' no, am paat ra rondom ti mombolong ilo giu' ra baloi-baloi giu' ra bandar Askilon. Tuhan, i Aki Kapuuno' nilo mabaya' risilo am mampasauk risilo langkaya' saguli'.

JIPANYA 3:20

Masaboi paat no; ibiton Ku muli' ulun ondo' nantutuliar; pasaukon Takamin ra mauligan kaga' giu' ra titikop ru tana', am pasaukon kau ra langkaya' igondo' poyo.” Tuhan nakaindagu noyo.

LUKAS 17:22

Kopongo ragili indagu i Jisus ra maamaya' Nano, “Masuku' paat ra akau moogot makakito ra orou ru Anak ru Ulun, kaa' kalo makakito kau.

LUKAS 19:43

Sabap ra masaboi paat no limpuin kou ru pantula' muno, ampangin am awangin kou ra ngaangai' intok.

LUKAS 21:6

“Masuku' paat no, ngaangai' makito min ti lunsayon, kolondo' rondo' batu pana soroi ra intok nano.”

SAGULION 30:3

am Tuhan i Aki Kapuuno' min pana makaasi' ramuyun. Magibit Io ramuyun sumaguli' intor ra pagun-pagun intok Io nampatutuliar ramuyun, am napasauk ramuyun ra langkaya' saguli'.

SAGULION 30:5

Ginio ra akau tatangan saguli' ra tana' ondo' inayanan ru kinamatuaan min ragili. Io mampasauk ramuyun ra langkaya' poyo am masuang kau poyo intor ra kinamatuaan min.

IBRANI 8:8

Kaa' mansawai i Aki Kapuuno' ra ulun Nano, kon Nano: “Masuku' niayuk orou no ra bantuin Ku ra nakabagu ra bansa' ru Israil am niayuk bansa' ru Jiuda.