JIRIMIA 30:19 - Tanou Moonsoi Timugon

¹⁹ Mamagun nano mongompor Raki' ra rimbai, am magilakup ra maansukan. Ra barakat Kuno sumuang ilo; barakat Kuno mamparatong ra urumat risilo.

JIRIMIA 30:19 ပူးပေါင်းရင်းမြစ်များ

IJRA 6:22

Buoi tulu' ngoorou, naansukan ilo nangiantak ra Pangiantakan Ruti' Kalo Linatakan ra Ragi. Naansukan ilo sabap ra Tuhan nangkinibit ra raja' ru pagun ru Asyur mataau guang risilo, saboi io nangindangan risilo nambaal saguli' ra Baloi ru Tuhan, i Aki Kapuuno' ru Israil.

NIGIMIA 8:12

Ngaangai' ulun no pana minuli'. Nangakan am nanginum ilo liliwa' maansukan, am niayuk nantayar ra akanon ra ulun bokon, sabap ra makapandai ilo ra arati' ru pambasaan ondo' norongog nilono.

NIGIMIA 8:17

Ngaangai' ulun ondo' siminaguli' intor ra pamatiran nambaal ra kalukub am minayan ra giu' no. Gitio noyo kainsaa' baal raginio binaal intor ra bulintok ri Josua anak ri Nun. Ilo ngaangai' naansayan am naansukan.

MAZMUR 53:6

Kaa' mangalaa' ilo boo, kabalu' pana kolondo' ulun mangingilaa' risilo, sabap ra gagayon ri Aki Kapuuno' bungul ru pantula' ru ulun Nano. Inimpayan ri Aki Kapuuno' pantula' ru ulun Nano, Israil pana mampaala ra pantula' nilono.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 26:15

Iou Tuhan, rinuangan Mu suang ru bansa' maino, am kinalangka' Mu libung ru wilayah maino, sabap raginio Okou omporon.

JISAYA 27:6

Orou ra tauli no, ulun ru Israil ioginio papag ri Jakub manambakat koson ra sampuun tataun, am manalantar ilo am niayuk mambusak. Tana' ti mapapak ra kawa'-kawa' nilono.

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

JISAYA 51:11

Ulun-ulun ondo' pinalabus ru Tuhan pana makauli' sumubol ilo ra Jirusalim ralalom guang maantak liliwa' marimbai. Matakau bulos nilo sabap maansukan sabuoi-buoi no, sabuoi-buoi no ilo nakalabus intor ra kapaganan am mangiluk guang.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 52:9

Pagitapap kano, akau napuutan ru Jirusalim, sabap ra Tuhan mangansuk ra ulun Nano am mapalabus ra Jirusalim.

JISAYA 55:5

Piawon min bansa'-bansa' suai, am magindibok ilo matong ramuyun, sabap ra Aku, Tuhan i Aki Kapuuno' min, i Aki Kapuuno' matulai ru Israil, sabap ra Aku manulai ramuyun.”

JISAYA 60:19

Mato ru orou kalo boo suminda rirun bulintok matawang, bulan kalo boo suminda rirun bulintok molondom, Aku, Tuhan, suminda rirun ra mantilayun; tampulawon Tokou ra katulayan Kuno.

JISAYA 60:22

Io pana pongkotob mino ra kalo masuang am asasabin masauk ra bansa' maikang. Bulintok raginio ra tauli no, Aku, Tuhan, mambaal raginio ra mataki'.”

JISAYA 60:9

Ginio noyo kapal-kapal ondo' magibit muli' ulun ri Aki Kapuuno' intor ra pagun-pagun maalur. Pirok am mas inibit nilo koson mapatulai ra inggalan ru Tuhan, i Aki Kapuuno' min, i Aki Kapuuno' ru Israil, i Aki Kapuuno' ondo' matulai ondo' nangkinibit ra bansa'-bansa' mangurumat ra ulun Nano.

JIRIMIA 17:26

Ulun matong intor ra bandar-bandar Jiuda, am intor ra kampung-kampung giu' ra liliut ru Jirusalim; matong ilo intor ra wilayah Binjamin, intor ra lonson toojo ru bulur, intor ra kagunungan am intor ra tampilon rabugus ru Jiuda. Magibit ilo ra taak simbalui koson mapabansuk ra guang Kuno am taak-taak simbalui ra bokon, taak simbalui koson ra paringkuanangan am kaminyan, am niayuk taak simbalui ra paringkuanangan ra Baloi Kuno.

JIRIMIA 3:16

Kopongo raginio paat ra akau lumanja' suang ra pagun ti, ulun kalo boo mindagu intor ra Kaban Nabantuan Kuno. Kalo boo guangon kapoam karaan nilo ginio; ilo pana kalo boo makapakuan raginio kapoam mambaal ra Kaban Nabantuan ra bokon.

JIRIMIA 31:27

Aku, Tuhan nakaindagu ra masaboi paat no ra sosokon Ku pagun Israil am Jiuda ra ulun am bibiag.

JIRIMIA 31:4

Kaikangon Ku saguli' intok min. Igondo' poyo ra mangalap kau ra tamburing am mansayau ra maansukan.

JIRIMIA 33:22

Ruangin Ku suang ru papag ri Daut, am suang ru imam-imam ra papag ru Liwi, saboi suang nilo kalo mauntob koson ra butitin giu' ra limbowon am agis giu' ra nagas.”

YEHEZKIEL 36:37

Indagu Tuhan Raja', “Igondo' poyo iowon Ku ulun ru Israil makiindangan Raki', am ruangin Ku suang nilo koson ra sampanon ru domba.

YEHEZKIEL 37:10

Aku pana mindagu ra ragu manala' koson ra nanusuban raki'. Angin pana nanampui ra painawo ra ralalom ru inan-inan no saboi inan-inan no maayag am minigor. Masuang ilo kaga', maukop mambaal ra rondo' pulalai ru saujor ondo' maayo.

YEHEZKIEL 37:26

Mambaal Aku ra nabantuan risilo, am nabantuan no koson ra jamin ru pamayagan risilo ra sabubuoi no. Mambarakat Aku risilo am ruangin suang nilo. Mambaal Aku ra Baloi Kuno, ondo' magulayun giu' ra pagun nilo ra sabubuoi no.

JAKARIA 10:8

Piawon Ku ulun Kuno, timungon Ku ilo. Bayagon Ku ilo, am ilo kasuangon koson ragili.

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

JAKARIA 2:4

Malaikat ondo' kasaa' mindagu ra malaikat ondo' karuo, “Ribaki' ongoi ra ungkuyon mamulok ondo' nampaguut ra kalat panuku' no, am balai' io ra Jirusalim mososok ra ulun am bibiag tinambiag, saboi timbok ru bandar no kalo boo maalap kabaal.

JAKARIA 8:19

“Mampali ondo' binaal ra sila' kaapat, kalimo, katulu' am koopor masauk ra pangiantakan ondo' natikop ra kaansukan am kasagaan ru mamagun Jiuda. Tagami' noyo katapatan am kaansayan!”

JUANIS 17:22

Katulayan ondo' pinataak Muli Raki', pinataak Ku niayuk risilo, maa' raginio rondo' guang ilo mogondo' Rito.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.