JIRIMIA 30:18 - Tanou Moonsoi Timugon

¹⁸ Indagu Tuhan, “Pasagulion Ku ulun Kuno ra pagun nilo am makaasi' ra moonong sasambaloi; Jirusalim baalon poyo, am istana no punaan.

JIRIMIA 30:18 ပူးပေါင်းရင်းမြစ်များ

1 TUNUNG RU BANSA' ISRAIL 29:1

Indagu Raja' Daut ra ngaangai' ulun ondo' natimung ra giu' no, “Anak kuno, i Salomo pinili' timpoko' ri Aki Kapuuno'. Kaa' io lakat poyo mamulok am kolondo' natandaan, alika kandoi ti maayo kaga'. Ra am poyo ondo' baalon sala' ka istana ru ulun, kaa' baloi ru Tuhan i Aki Kapuuno'.

1 TUNUNG RU BANSA' ISRAIL 29:19

Anii' noyo anak kutu, i Salomo, gogoton ondo' totopot koson gumagaya' ra ngaangai' susuban Muno am koson mambaal ra baloi sambayangan ondo' ula' no tinampos ku noyo.”

NIGIMIA 7:4

Jirusalim bandar ondo' maayo, kaa' mamagun nano kalo masuang, am kalo poyo masuang baloi ondo' binaal ra giu' no.

MAZMUR 102:13

Kaa' Okou, iou Tuhan, raja' ra sabuoi-buoi no; ngaangai' ru papag mangkara' Rirun.

MAZMUR 102:14

Mingkakat Kou am makaasi' ra Sion; nasuku' noyo bulintok koson makaasi' riso; natimpok noyo bulintok ragitio.

MAZMUR 122:7

Gama' kaansayan malimanan ra intok muno, am kaansukan ra ngaangai' istana Muno.”

MAZMUR 48:13

Akau ulun ri Aki Kapuuno', liput kau ra Sion am untobo' manara ra giu' no,

MAZMUR 48:3

Sion, bulur ri Aki Kapuuno', masawat am maantak; bandar ru Raja' ondo' matulai mapabansuk ra titikop ru tana' ti!

MAZMUR 78:69

Ra giu' no nambaal Io ra Baloi Nano koson ra Baloi No giu' ra suruga', am koson ra tana' ti, mapiot ra sabuoi-buoi no.

MAZMUR 85:1

Ra tingganai ru santimungan maririmbai. Mazmur ru bansa' ri Kora.

JISAYA 44:26

Kaa' bulintok ra ulipon Kuno manala', paat ra aku manusub ra ulipon Kuno mapabala' ra inatangan Kuno, baalon Ku panalaan am pangatangan no. Mindagu Aku ra Jirusalim no ayanin saguli' am bandar-bandar ru Jiuda baalon saguli', Bandar-bandar no tumirong intor ra napuutan.

JISAYA 44:28

Mindagu Aku ri Koris, ‘Okou noyo mamarinta ra bala Raki'; am mamatas sumugut ra kasagaan Kuno: okou noyo manaak ra panusuban koson mambaal saguli' ra Jirusalim, am koson mapatanom ra lugu' ru Baloi Kuno.’ ”

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 29:11

Aku galama' nakapandai ra inatangan Kutu koson ramuyun. Inatangan no sala' ka koson mantilubat ramuyun, kaa' koson ra kaansayan min am koson manaak ra orou tauli ondo' lalansanin min.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 30:3

sabap ra paat no masaboi ra pulion Ku baal ru ulun Kuno, Israil am Jiuda. Ibiton Ku ilo sumaguli' ra pagun ondo' tinaakan Kuno ra kinamatuaan nilai. Molonggom nilo pagun no saguli'. Aku, Tuhan, nakaindagu noyo.”

JIRIMIA 31:23

Tuhan Ondo' Maayo Kaga' Kuasa', i Aki Kapuuno' ru Israil minindagu, “Paat ra pasagulion Ku ulun Kuno ra pagun nilo, pagun Jiuda am bandar-bandar nano pana mokorongog poyo ra ulun mindagu, ‘Gama' ru barakaton ru Tuhan bulur matulai giu' ra Jirusalim intok inayanan ondo' pinatimpok Riso.’

JIRIMIA 31:38

Indagu Tuhan, “Masaboi paat no ra titikop ru Jirusalim baalon saguli' koson ra bandar Kuno, intor ra Manara Gananil saboi ra Kulobon Garabang Pisuk.

JIRIMIA 31:4

Kaikangon Ku saguli' intok min. Igondo' poyo ra mangalap kau ra tamburing am mansayau ra maansukan.

JIRIMIA 31:40

Titikop ru limayak raginio, ondo' pakayon koson ra tana' kalabangan am intok pamatiran ra ginsamol, am ngaangai' umo giu' ra kiing ru Sungoi Kidron saboi ra Kulobon Garabang Kuda mongoi tampilon ra sirangon, patimpokon Raki'. Bandar Jirusalim kalo boo lunsayon kapoam pusoon.”

JIRIMIA 32:15

Tuhan Ondo' Maayo Kaga' Kuasa', i Aki Kapuuno' ru Israil, minindagu ra baloi, tana' am umo ru anggur balion poyo giti ra pagun ti.”

JIRIMIA 32:44

Balion ru ulun umo am surat pambalian no sainin am saapin giu' ra saang ru sasi'-sasi'. Baal raginio masauk giu' ra wilayah Binjamin, giu' ra pekan-pekan ra liliut ru Jirusalim, giu' ra bandar-bandar Jiuda, giu' ra bandar-bandar ra tampilon kabuluran, giu' ra tampilon lonson toojo ru bulur, am giu' ra tampilon rabugus ru Jiuda. Pasagulion Ku bansa' ragitio ra pagun nilo. Aku, Tuhan nakaindagu noyo.”

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

JIRIMIA 33:7

Saukon Ku Jiuda am Israil ra langkaya', am manirong risilo saguli' koson ragili.

JIRIMIA 46:27

“Pai' kalaa', akau ulun Kuno, pai' ponontol, ulun kau ru Israil. Mamayag Aku ramuyun intor ra pagun ondo' maalur, intor ra pagun intok min rinakop. Muli' kau am mayan ra pagun min ra kaansayan; maayag kau ra moonsoi; kolondo' osoi pana mampakalalaa' ramuyun.

JIRIMIA 49:39

Kaa' malupus raginio saukon Ku mamagun ru Ilam ra langkaya' saguli'. Aku, Tuhan nakaindagu noyo.”

JIRIMIA 49:6

Kaa' paat ra orou tauli no, saukon Ku Amon ra langkaya' saguli'. Aku, Tuhan nakaindagu noyo.”

YEHEZKIEL 36:11

Ruangin Ku suang ru mamagun am bibiag tinambiag min. Suang mino gumayo poyo intor ragili. Mokoondo' kau ra anak masuang. Iowon Takamin mayan ra giu' koson ragili, am palangkayaan Takamin koson ra kalo igondo' mino nailian. Bagu no makapandai kau ra Aku noyo Tuhan.

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

JAKARIA 1:12

Indagu boo malaikat no, “Iou Tuhan Ondo' Maayo Kaga' Kuasa', siminangit Kou ra Jirusalim am bandar-bandar giu' ra Jiuda buoi tulu' ngoopor ngambilor. Saboi sanggilan kia Okou magulayun sumangit am kalo mangampun risilo?”

JAKARIA 1:16

Ginio ra siminaguli' Aku ra Jirusalim koson makaasi' ra bandar no. Baloi Kuno baalon saguli' am bandar no punaan.”

JAKARIA 12:6

“Paat raginio pasaukon Ku bansa'-bansa' ru Jiuda koson ra apui giu' ra tatanga' ru kataunan kapoam giu' ra tatanga' ru umo ru gandum ondo' naansak; pusoon nilo ngaangai' bansa' ra libung nilo. Mamagun ru Jirusalim maayag giu' ra ralalom ru bandar.

JAKARIA 12:7

“Aku, Tuhan mangani' ra kamanangan ra saujor ru Jiuda galing, maa' raginio katulayan ondo' apuon ru papag ri Daut am mamagun ru Jirusalim kalo makasail ra katulayan ondo' apuon ru mamagun Jiuda ra bokon.

JAKARIA 14:10

Tana' giu' ra titikop ru pagun, intor ra bandar Giba giu' ra ralayo saboi ra Rimon giu' ra rabugus, masauk ra mabanis. Jirusalim sumawat toojo, masawat poyo intor ra tana' giu' ra libung nano; kinalangka' ru bandar no intor ra Kulobon Garabang Binjamin saboi ra Kulobon Garabang Pisuk, iono intok ru kulobon garabang ragili, am intor ra Manara Gananil saboi ra intok pamagaan ra kawa' ru anggur longgom ru raja'.