JIRIMIA 30:11 - Tanou Moonsoi Timugon

¹¹ Matong Aku am mamayag ramuyun. Pusoon Ku ngaangai' bansa' intok nampatutuliaran Kuno ramuyun, kaa' akau kalo pusoon Ku. Akau kalo palabuson Ku intor ra ukuman, kaa' matimpok Aku paat mangukum ramuyun. Aku, Tuhan, nakaindagu noyo.”

JIRIMIA 30:11 ပူးပေါင်းရင်းမြစ်များ

MAZMUR 6:1

Ra tingganai santimungan maririmbai. Ondo' sumbayaan ru jitor. Maya' ra layuk kabalu'. Mazmur ri Daut.

KAINGKUALAN 34:7

Suguton Ku bantu' Kuno ra riribu papag, am niayuk mangampun ra kalaatan am tula, kaa' kalo mapalabus Aku ra ulun makasala intor ra ukuman. Mangukum Aku niayuk ra anak am akupu nilo, saboi ra papag ra katalu am ra kaapat, sabap ra tula ru matuo nilo.”

JISAYA 43:25

Kaa' Aku ti i Aki kapuuno' ondo' mangampun ra tula mino, am Aku mambaal koson raginio sabap ginio noyo paliso Kuno. Kalo karaan Ku tula mino.

JISAYA 8:10

Baalo' noyo atan inatangan mino, kaa' ngaangai' no kolondo' kasaukan! Pataso' noyo, kaa' ngaangai' no mamungawo ayuk, sabap ri Aki Kapuuno' mabaya' ramon!

JIRIMIA 1:8

Pai' no kalaa' risilo sabap ra mabaya' Aku rirun koson manindung rirun. Aku, Tuhan, nakaindagu noyo!”

JIRIMIA 10:24

Iou Tuhan, ukumi' noyo ulun Muno; kaa' pai' imboloo' toojo, am pai' akai ukumi' paat ra Okou sumangit, sabap ra maaru' no akai ngaangai' mapuso.

JIRIMIA 15:20

Saukon Tokou koson ra timbok gangsa' risilo. Manggal ilo rirun, kaa' kalo makapangala rirun. Mabaya' Aku rirun koson manindung am mamayag rirun.

JIRIMIA 4:27

Minindagu Tuhan ra titikop ru tana' ti masauk ra tana' kaagisan, kaa' kalo pusoon No lingono'.)

JIRIMIA 5:10

Mangator Aku ra pantula' koson mampaluyak ra umo ru anggur ru ulun Kuno, kaa' sala' ka koson mamuso ra malingon. Manusub Aku ra pantula' mangindaan ra bulisang ru puun ru anggur, sabap ra bulisang-bulisang no sala' ka Aku tatangan.

JIRIMIA 5:18

Indagu Tuhan, “Kaa' paat raginio pana kalo mamuso Aku ra ulun Kuno ra malingon.

SULABOI 3:22

Togom ru Tuhan mantilayun am asi' Nano kolondo' pupus;

YEHEZKIEL 11:13

Tatanga' aku mindagu ra ragu manala', pulali' ri Pilatia naratu' am patoi. Igulatur aku liliwa' nampiau, “Pai', Tuhan Raja'! Masaga' kou kia mampaluus ra ulun ondo' lakat poyo soroi giu' ra Israil?”

YEHEZKIEL 6:8

Polosoon Ku santayaran intor risilo makalabus intor ra pamatayan no, am pantutuliaron giu' ra pagun-pagun ra bokon.

GOSIA 11:9

Kalo mangukum Aku ramuyun paat ra Aku sumangit; Kalo boo mamuso Aku ra Israil, sabap Aku ti i Aki Kapuuno' am sala' ka ulun. Aku, Ondo' Matulai Kaga' mabaya' ramuyun, kalo boo sumangit Aku ramuyun.”

IMAMAT 26:44

Kabalu' pana kon raginio, paat ra ilo soroi ra pagun ru pantula', kalo mangiruan Aku kapoam mapalunsai risilo ra malingon. Amon ru baalon Ku ginio, timbalos ru ginio mamutat ra nabantuan Kuno risilo, am Aku ti tupo Tuhan i Aki Kapuuno' nilo.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

RINALATAN 18:10

sabap ra mabaya' Aku rirun. Kolondo' sangulun pana mampakaruol rirun sabap ra masuang ulun Kuno ra bandar ti.”

SAGULION 4:31

Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.

2 TIMOTIUS 4:22

Gama' ru Tuhan mabaya' rirun. Gama' ru i Aki Kapuuno' mambarakat ramuyun ngaangai'.