JIRIMIA 30:10 - Tanou Moonsoi Timugon

¹⁰ Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JIRIMIA 30:10 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

JISAYA 14:3

Langgain ru Tuhan karualan am kaimbalaan ru ulun ru Israil. Palabuson No ilo intor ra kandoi maagat ondo' pinajajal risilo.

JISAYA 35:9

Giu' no kolondo' boo singa', kapoam bibiag masangit ra bokon no. Ulun ondo' binayag ru Tuhan, muli' mansail ra ralan raginio.

JISAYA 43:5

Pai' kalaa', sabap ra Aku mabaya' ramuyun. Intor ra sirangon am kalasaan ibiton Ku anak am akupu mino muli'.

JISAYA 44:1

Indagu Tuhan, “Rongogo' noyo, akau ulipon Kuno Israil, akau ulun pinili' Kuno, papag ri Jakub.

JISAYA 44:2

Aku noyo Tuhan ondo' namangun ramuyun, ondo' nambaal ramuyun intor poyo ra akau tininai', am Aku mangindangan ramuyun. Pai' noyo kalaa'; akau ulipon Kuno, ulun pinili' Kuno ondo' tagamin Kuno.

JISAYA 46:11

Piawon Ku sangulun mangunguasa' intor ra sirangon; matong io koson ra sanginan susuit kanui koson mapaugar ra pamatasan Kuno. Atan paraguon Kuno musiti' Ku baalon, atan ondo' inatang Kuno musiti' Ku baalon.

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

JISAYA 49:12

Intor ra maalur ulun Kuno sararatong, intor ra ralayo, kalasaan am Sinim giu' ra rabugus.”

JISAYA 49:25

Tumaam Tuhan, “Ginio noyo kasaukan no. Ulun narakop ru nasuangan saujor ginaau saguli'. Ginaau ru ulun malaat kaga' gaawon poyo. Sabap ra Aku galama' manggal ra pantula' muno; bayagon Ku anak-anak muno.

JISAYA 54:4

Pai' kalaa', kalo tauyuon kou; kalo asabin am maringkauyu'. Lilianin mu kalo gagayaan muli bulintok ra kinamuloko' muli; am kalo makakara' ra kasilukan muno koson sangulun napuor.

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 23:4

Lantikon Ku panguasa' koson magalung risilo. Ulun Kuno kalo boo malaa' kapoam monontol; Aku pana kalo boo mangukum risilo. Aku, Tuhan nakaindagu noyo.”

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

JIRIMIA 23:8

Kaa' magibot ilo ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra rondo' pagun giu' ra ralayo, am intor ra ngaangai' pagun ra bokon intok Kuno nampatuliar risilo. Ilo pana mayan boo ra namagunan nilo galama'.”

JIRIMIA 29:11

Aku galama' nakapandai ra inatangan Kutu koson ramuyun. Inatangan no sala' ka koson mantilubat ramuyun, kaa' koson ra kaansayan min am koson manaak ra orou tauli ondo' lalansanin min.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

JIRIMIA 30:3

sabap ra paat no masaboi ra pulion Ku baal ru ulun Kuno, Israil am Jiuda. Ibiton Ku ilo sumaguli' ra pagun ondo' tinaakan Kuno ra kinamatuaan nilai. Molonggom nilo pagun no saguli'. Aku, Tuhan, nakaindagu noyo.”

JIRIMIA 30:7

Orou makalalaa' masaboi, orou ondo' kolondo' pogondo' no. Tayar ru ulun Kuno, ginio noyo orou ondo' mampakalaa' risilo, kaa' bayagon ilo.”

JIRIMIA 33:16

Mamagun ru Jiuda am Jirusalim bayagon, am maayag ilo ra mamimio. Bandar no inggalanin ra ‘Tuhan Mamamayag Ritakau’.

YEHEZKIEL 16:52

Raino nansaan kou kalalaat ra uyu'. Maayo poyo tula muno ka tula ru pabukat-pabukat muno. Ilain ayuk koson ilo kolondo' sala amon ru pogondoon rirun. Musiti' kou mauyu' am mansaan ra uyu', sabap ra pabukat-pabukat muno ilain mapasau.”

YEHEZKIEL 38:11

Namatas kono koson mamulunsar ra rondo' pagun ondo' kolondo' pinarinding ra batu, pagun ondo' mamagun nano maayag ra moonsoi am mamimio giu' ra bandar-bandar ondo' kolondo' timbok am kolondo' kuliamos mantula'.

DANIL 12:1

Malaikat ondo' nambayang ra linon no mindagu, “Paat raginio, malaikat maayo, iono i Maikol manindung ra bansa' muno sumalula'. Bulintok raginio mokoondo' ra kapaganan ondo' maagat kaga' intor ra bansa'-bansa' soroi. Paat raginio, ngaangai' ulun intor ra bansa' muno ondo' inggalan nano tinulisan ra ralalom ru kitab ri Aki Kapuuno' bayagon.

GOSIA 2:18

Okou Israil, saukon Tokou ra andu' Kuno; mabanis guang Kuno am gumagaya'; pakitonon Ku togom am makaasi' rirun, am niayuk saukon kou ra longgom Kuno ra sabuoi-buoi no.

GOSIA 2:20

Paat raginio, taamon Ku pakiasian-pakiasian ru ulun Kuno Israil. Paratuon Ku rasam ra rasawat ru tana', am tana' manangampos ra gandum, anggur am jaitun.

GOSIA 6:11

Koson ramuyun, akau ulun ru Jiuda, inaru' Ku noyo orou koson mangukum ramuyun niayuk sabap ra binaal min.”

JOIL 2:21

“Akau umo, pai' kalaa', pakaansuk no am pagindii no, sabap ra baal ra maayo ondo' binaal ru Tuhan rirun.

MIKA 4:9

Kua najanjayan tangi' muno? Kua marualan kou koson ra ruandu' ondo' maganak? Sabap nati nua' okou kolondo' raja', am ulun-ulun mambilin muli minatoi noyo?

JAKARIA 3:10

Paat orou raginio masaboi, moonong ulun mangkimait ra pasambalayan nano matong am sumia' ra kaansayan am kinamio giu' ra tatanga' ru umo ru anggur am puun ru ara min.”

JUANIS 12:15

“Pai' kalaa' mamagun ru bandar Sion! Ilai', mokoondo' raja' min matong nangura' ra sanginan kaladai mamulok!”