JIRIMIA 3:8 - Tanou Moonsoi Timugon

⁸ Nakakito niayuk ri Jiuda ra inali am pinaugar Ku Israil, sabap ra nangiruan io Raki' am nasauk ra mantalan ra inan. Kaa' i Jiuda ondo' kalo gumagaya', pabukat ri Israil no, kalo malaa'. I Jiuda pana minaya' nasauk ra mantalan ra inan

JIRIMIA 3:8 ပူးပေါင်းရင်းမြစ်များ

2 TUNUNG RU BANSA' ISRAIL 21:11

Nambaal piboo Raja' Jigoram ra intok-intok sambaan ra sinungkalalaing giu' ra kagunungan ru Jiuda, am nangkinibit ra mamagun ru Jiuda am Jirusalim makatula ra Tuhan.

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

JIRIMIA 33:24

“Nakapandai kou kia ra inimpayan Ku Israil am Jiuda, ruo sasambaloi ondo' pinili' Kuno? Ulun magasab ra ulun Kuno am kalo boo mangkara' risilo koson ra rondo' bansa'.

JIRIMIA 5:7

Indagu Tuhan, “Kua kia musiti' Aku mangampun ra tula ru ulun Kuno? Nangiruan ilo Raki' am sumamba ra tuhan ondo' kalo motopot. Aniin Ku ulun Kuno ra akanon saboi ilo maasug, kaa' nansawa' ilo am minongoi ra baloi ru ulun mantalan ra inan.

YEHEZKIEL 16:46

“Maayo ruandu' muno iono Samaria giu' ra tampilon ralayo am pekan-pekan ra mamaar riso. Boborok ruandu' muno Sodom giu' ra tampilon rabugus am pekan-pekan ra mamaar riso.

YEHEZKIEL 16:47

Kalo majala' kou tumilu risilo ondo' makauyuyu' no. Sangkinolor ayuk am okou pana manampaliso ra malaat poyo intor risilo.”

YEHEZKIEL 16:51

“Tula ru Samaria kalo saboi sampiruo intor ra tula muno. Binaal muno makauyuyu' poyo intor ra ngaangai' binaal nano. Sabap ra totopot malaat kou, ilain koson Samaria am Sodom kolondo' sala amon ru pogondoon rirun.

YEHEZKIEL 23:44

Ruruli' ilo matong ri Ogola am i Ogoliba, ruo ngaulun ruandu' ondo' kalo mapasau no.

YEHEZKIEL 23:9

Ginio ra pinataak Ku io ra kubayau nano, ulun ru Asyur ondo' kalaayan nano kaga'.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

SAGULION 24:1

Amon naguot sangulun ungkuyon ra sangulun ruandu', am kapandayi' no ra rorondo' ondo' kalo kasagain no ra andu' nano. Ginio ra nanaak ungkuyon no riso ra surat pangalian am pinagiru' io intor ra baloi nano.

SAGULION 24:3

Kaa' kalupus kukula' buoi, ungkuyon raginio niayuk kalo boo masaga' riso. Ungkuyon no pana nanaak riso ra surat pangalian am pinagiru' io intor ra baloi nano. Kapoam maaru' lair niayuk ra ungkuyon ra karuo no minatoi.