JIRIMIA 3:25 - Tanou Moonsoi Timugon

²⁵ Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

JIRIMIA 3:25 ပူးပေါင်းရင်းမြစ်များ

MAZMUR 106:6

Natulaan akai koson niayuk ra kinamatuaan maili; mangalaat am mausung akai.

MAZMUR 106:7

Bulintok giu' ra Misir kinamatuaan maili kalo nakarati' ra atan binaal Nano ondo' makaimuag; nalilianan nilo togom Nano ondo' lumuab, am lumaat ilo gumuor ra Io Ondo' Maayo Kaga' Kuasa' giu' ra Raat Galaga.

MAZMUR 109:29

Polosoon asabin pantula' kuno, am guang mauyu' kumuluput risilo koson ra sukub.

AMSAL 13:18

Ulun ra kalo masaga' ilaan maaru' masauk musikin am maasaban, kaa' ulun ondo' mampalio ra bilin maaru' urumaton.

AMSAL 5:13

Kalo mangkirongog aku ra pangilaan ru ngaangai' mangingila' kuli am kalo gumagaya' risilo.

JISAYA 48:8

Makapandai Aku ra akau no kalo malansanan, nauligan kau ra maanggal-anggal. Ginio ra akau kalo makapandai no, am kalo sambangis pana ragu makasuku' ra talingo mino.

JISAYA 50:11

Akau ondo' masaga' mangimbolo' ra ulun bokon, pusoon kau ru atang min galama'. Tuhan noyo nambaal raginio masauk, imboloon kau noyo toojo.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 12:13

Ulun Kuno mantanom ra gandum, kaa' mangkumos ra alab. Mingkotog ilo mangandoi kaa' kolondo' maalap ra ampos. Sabap ra siminangit Aku toojo, kinumos nilo kalo mauli'.”

JIRIMIA 14:20

Iou Tuhan, ra Okou no ayuk akai makatula. Mangiou akai ra tula mai am tula ru kinamatuaan maili.

JIRIMIA 14:7

Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.

JIRIMIA 2:17

Israil, okou galama' nangkinibit ra baal ragitio nasauk rirun. Nangiruan kou Raki', Tuhan i Aki Kapuuno' muno, paat ra Aku naningganai rirun ralalom pangkiralanan muno.

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 2:2

mampatanou ra tanou ragitio ra ngaangai' ulun giu' ra Jirusalim, “Mamagun kau ru Israil, nakara' Ku ra mapara' boo gagaya' min paat ra akau lakat poyo mamulok, am mapara' boo gayo ru togom min Raki' paat ra akau nasauk ra ulun inuot ragili. Minaya' kau Raki' nansail ra tana' kaagisan, nansail ra tana' ondo' kolondo' poyo tinanaman.

JIRIMIA 2:26

Indagu Tuhan, “Koson ra mantatakou tinauyu' paat rinakop, koon raginio niayuk ra ulun ru Israil tauyuon, makaaya' raja'-raja' am pagawai-pagawai min, imam-imam am nabi-nabi min.

JIRIMIA 20:18

Kua anako' aku! Koson kia ra maimbolo' ayuk am makaliman ra kapaganan? Bayag kutu makasail kia koson mokoowot ra mauyu' ayuk?

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 31:19

Timinalikur akai intor Rirun, kaa' pansagulian akai ra binaal raginio. Kopongo ra Okou nangukum ramon, parikuku' ulu mai sabap ra mangiluk guang. Nauyu' akai am inasaban sabap ra makatula akai paat ra kinamuloko'.’

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

JIRIMIA 7:19

Kaa' sotopot no, pai' ru Aku rinuol nilo, kaa' inan nilo galama' saboi ra tinauyu' ilo.

JIRIMIA 8:14

Indagu ulun ri Aki Kapuuno', “Kua kolondo' atan kon binaal takau? Ibok takano pagiru' ra bandar-bandar ondo' mokoondo' ra kubu; polosoon noyo itakau matoi ra giu' no. Tuhan, i Aki Kapuuno' takau namatas noyo koson mompoloso ritakau maluus. Nangani' Io ritakau ra tuuwo inumon sabap ra makatula takau Riso.

JIRIMIA 9:18

Indagu mamagun ru Jiuda, “Susubo' ilo tumaki' marimbai ra rimbai panguliran ramon, saboi mato mai mototop ra lomou, am bingkolot ru mato mai maasa' sabap ra mantangi'.”

SULABOI 5:16

Baal ra kaantakan ru guang mai kalio noyo. Raino ukumin akai sabap makatula.

SULABOI 5:7

Kinamatuaan mai makatula, am raino kalio boo; kaa' akai musiti' maimbolo', sabap ra tula-tula nilo.

YEHEZKIEL 2:3

“Okou ulun mapandai matoi, susubon Tokou mongoi ra ulun ru Israil. Giminuor ilo Raki' koson ra kinamatuaan nilo ragili. Saboi raino lakat ilo poyo gumuor.

YEHEZKIEL 36:32

Kaala' kano Israil, kalo binaal Ku ngaangai' no koson ra kaatangan min. Kaa' masaga' Aku ra akau mauyu' am asabin sabap ra binaal min. Aku Tuhan Raja' nakaindagu noyo.”

YEHEZKIEL 44:13

Kalo iowon ilo mangandoi Raki' koson ra imam, kapoam minggaar ra atan ayuk ondo' mapasau ra tayar Kuno, kapoam sumubol ra Lamin Matulai Kaga'. Gitio noyo ukuman tayar ru binaal makauyuyu' ondo' binaal nilo.

YEHEZKIEL 7:18

Mambayang ilo ra konoon karung am ngaangai' inan nilo monontol. Abuk nilo lamparin, am ilo ngaangai' tauyuon.

DANIL 12:2

Masuang ulun ondo' minatoi maayag saguli': mokoondo' ondo' makasia' ra kaayagan mantilayun, mokoondo' poyo ondo' maimbolo' ra mantilayun.

GOSIA 9:10

Indagu Tuhan, “Paat ra Aku kasaa' nakatuum ra Israil, naansukan Aku koson ra ulun nakatuum ra kawa' ru anggur giu' ra tana' kaagisan. Paat ra Aku kasaa' nakakito ra kinamatuaan min, naansayan guang Kuno koson ra ulun nakakito ra kawa' ru ara ondo' kasaa' naansak bulintok pangkawaan. Kaa' paat ilo nakasaboi giu' ra Gunung Pior, timinalimpuun ilo siminamba ra Baal, saboi ilo majamol koson ra sinungkalalaing ondo' tagamin nilo.

JIPANYA 1:17

Indagu Tuhan, “Porotongon Ku masuang karaat ra ulun, saboi moonong ulun matukangkam koson ra ulun bolou. Makatula ilo noyo Raki', am raino raraa' nilo nalayak koson ra timug, am baangkai nilo mootong ra tana'.”

ROMA 6:21

Ragili kolondo' onong no ra akau nampaugar ra baal-baal ondo' raino mampakauyu' ramuyun. Baal-baal raginio mangkinibit ra kapatayan.

TINGGANAI RU BANSA' 2:2

Ginio ra kalo pambaalon kau ra nabantuan ra atan pana ra mamagun ru pagun no. Musiti' puuton min altar nilono.’ Kaa' kalo binaal min atan ondo' nanusuban Kuno. Binaal min poyo ondo' suai raginio!