JIRIMIA 3:24 - Tanou Moonsoi Timugon

²⁴ Kaa' sumamba ra Baal, sinungkalalaing ondo' makauyuyu' no, nangkinibit ramon natatakan ra anak, ungkuyon am niayuk ruandu', am niayuk tinambiag ra sapi' am domba, iono ngaangai' no ondo' piniratan ru kinamatuaan maili intor ra galing i.

JIRIMIA 3:24 ပူးပေါင်းရင်းမြစ်များ

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 44:7

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, nangkuot ra sabap binaal min baal ondo' malaat no ra inan min galama'. Mamuso kau kia ra ungkuyon, ruandu', anak am lalagang, saboi kolondo' sangulun pana intor ra bansa' min soroi?

JIRIMIA 8:16

Soroi noyo pantula' giu' ra bandar Dan; gala' ru kuda nilo morongog noyo. Titikop ru pagun mangalaa' paat ra kuda nilo mampagala'. Pantula' nakaratong noyo koson mamuso ra titikop ru pagun takau, am niayuk bandar takau am niayuk ngaangai' ru mamagun nano.”

JIRIMIA 9:18

Indagu mamagun ru Jiuda, “Susubo' ilo tumaki' marimbai ra rimbai panguliran ramon, saboi mato mai mototop ra lomou, am bingkolot ru mato mai maasa' sabap ra mantangi'.”

YEHEZKIEL 16:19

Inanian Tokou ra akanon moonsoi kaga', iono gandum, umau jaitun am ruu' ru maningot, kaa' ngaangai' no sinauk mu koson ra taak simbalui koson mapabansuk ra guang ru sinungkalalaing. Aku, Tuhan Raja' nakaindagu noyo.

YEHEZKIEL 16:20

“Anak pana ra ungkuyon am ruandu' ondo' inanak muno Raki', pinataak mu ra sinungkalalaing. Kalo poyo kia sama' ra okou kalo giminagaya' Raki'?

YEHEZKIEL 16:61

Makara' mu boo binaal muno, am mauyu' paat ra pabukat-pabukat muno muli' rirun. Iowon Ku ilo masauk koson ra anak-anak muno kabalu' pana baal raginio kalo nakaaya' ralalom ru nabantuan Kuno rirun.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

GOSIA 10:6

Sinungkalalaing no ibiton giu' ra Asyur koson pataakon ra raja' ondo' matulai. Israil asabin am tauyuon sabap ra bilin ondo' binaya' nano.

GOSIA 2:8

Ginio ra, bulintok ra manantab luguton Ku saguli' tinaakan Kuno riso, ioginio gandum am wain. Alapon Ku saguli' bulu domba am linon ondo' tinaakan Kuno riso koson saukon ra bayang.

GOSIA 9:10

Indagu Tuhan, “Paat ra Aku kasaa' nakatuum ra Israil, naansukan Aku koson ra ulun nakatuum ra kawa' ru anggur giu' ra tana' kaagisan. Paat ra Aku kasaa' nakakito ra kinamatuaan min, naansayan guang Kuno koson ra ulun nakakito ra kawa' ru ara ondo' kasaa' naansak bulintok pangkawaan. Kaa' paat ilo nakasaboi giu' ra Gunung Pior, timinalimpuun ilo siminamba ra Baal, saboi ilo majamol koson ra sinungkalalaing ondo' tagamin nilo.