JIRIMIA 3:21 - Tanou Moonsoi Timugon

²¹ Morongog bolos giu' ra tampak-tampak ru bulur; bolos ru ulun ru Israil ondo' mantangi' am makimasi', sabap ra makatula ilo noyo, am nakalilian ra Tuhan, i Aki Kapuuno' nilo.

JIRIMIA 3:21 ပူးပေါင်းရင်းမြစ်များ

AYUP 33:27

Giu' boo ra saang ru ulun masuang mindagu io, ‘Makatula aku noyo. Makasala aku noyo, kaa' mangampun i Aki Kapuuno' raki'.

AMSAL 10:9

Ulun mabanis guang, kaayagan nano kalinuos ayuk; ulun ra mamparuung pupus no mapandayan niayuk.

AMSAL 19:3

Mokoondo' ulun mangimbolo' ra inan galama' sabap ra sambung galama', am mononsol piboo ra Tuhan.

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JISAYA 17:10

Alii ra Israil, nalilianan mu i Aki Kapuuno' ondo' namayag rirun, am ondo' nanindung rirun koson ra gunung batu. Kaa' tinanaman mu umo-umo maantak koson ra dewa-dewa.

JISAYA 57:11

Mindagu Tuhan, “Osoi kia dewa-dewa ondo' mangilalaa' ramuyun saboi magabau kau Raki' am lumingon mampalilian Raki'? Kalo kia boo mangurumat kau Raki' sabap nabuoi Aku nongkoror?

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JIRIMIA 13:25

Nakaindagu Io noyo ra ginio noyo pupus min. Ginio noyo ondo' inaru' Nano koson baalon ramuyun sabap ra nakalilian kau noyo Riso am mangintopot ra tuhan-tuhan ondo' kalo motopot.

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 2:32

Mokoondo' kia ralaa ondo' makalilian ra limpor nano, kapoam ruandu' uoton ondo' makalilian ra bayang nano? Kaa' ulun Kuno nakalilian Raki' ra nabuoi kaga' – suang ru orou no kalo boo mauntob.

JIRIMIA 3:2

Kinami' ilai' rasawat no, giu' ra tampak ru bulur! Ati ra intok ondo' kalo poyo igondo' kou ratong koson mantalan ra inan? Nanturung kou giu' ra kiing ru ralan maginaa ra ulun ondo' masaga' mansilar; okou koson ra ulun ru Arab ondo' magawang ra ulun ipaan giu' ra tana' kaagisan. Jinaka' mu pagun ti ra pansasawaan am kalaatan muno.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

YEHEZKIEL 23:35

Gitio noyo ragu ru Tuhan Raja', “Sabap ra nakalilian kono Raki' am niayuk nanalikur Raki', mansaan kou ra kaimbalaan kinibit ru guang malaai am kandoi mantalan ra inan muno.”

YEHEZKIEL 7:16

Mokoondo' ulun ondo' nagiru' ra gunung koson ra susuit asang mansiab intor ra limayak sabap ra malaa'. Ilo ngaangai' nampalaa sabap ra tula nilo.

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

GOSIA 8:14

“Ulun ru Israil nambaal ra istana-istana, kaa' nalilianan nilo ondo' Namangun risilo. Ulun ru Jiuda nambaal ra bandar-bandar mokoondo' ra kubu, kaa' paratuon Ku apui koson monolob ra ngaangai' bandar am istana nilo.”

MIKA 3:9

Rongogo' noyo ragu-ragu kutu, panguasa' ru Israil kau ngai', akau ondo' masisang ra katimpakan am mangulau ra katapatan masauk ra kasalaan.

UNTABAN 22:32

Indagu malaikat no, “Kua kia lambaa' mu kaladai muno saboi intalu? Aku ondo' nongompong ra pangkiralanan muno, sabap ra kalo musiti' no mugar kou.

2 KORINTUS 7:10

Sabap ra ngiluk ru guang koson raginio noyo magibit ra pangkulawan ru guang am pamayagan – am kalo pana pansagulian raginio. Kaa' guang mangiluk ondo' sumugut ayuk ra kasagaan ru ulun, mangkinibit ra kapatayan.