JIRIMIA 3:19 - Tanou Moonsoi Timugon

¹⁹ Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

JIRIMIA 3:19 ပူးပေါင်းရင်းမြစ်များ

MAZMUR 106:24

Tuliarin nilo boo pagun ra maramai no, sabap ra kalo mangintopot ilo ra bantu' ri Aki Kapuuno'.

MAZMUR 16:6

Makaantak toojo pinataak Muno raki'; ngaangai' no moonsoi kaga'!

MAZMUR 89:26

Kapilaan Ku kangkou pamarintaan nano intor ra Raat Tanga' saboi ra Sungoi ru Iprat.

AMSAL 3:35

Ulun ra mapintar urumaton, kaa' ulun budu makaalap ra uyu'.

JISAYA 63:16

Okou noyo Ama' mai. Kinamatuaan maili i Abragam am i Jakub kalo makaulig ramon, kaa' Okou noyo Ama' mai, iou Tuhan! Okou Mamamayag ramon intor poyo ra galing i.

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

JIRIMIA 12:10

Masuang panguasa' ra bansa' bokon nampapaluyak ra umo ru anggur Kuno; pinanjak-panjak nilo umo Kuno. Kinulau nilo pagun Kutu ondo' moonsoi nasauk ra tana' kaagisan.

JIRIMIA 3:17

Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

JIRIMIA 3:4

Kaa' raino mindagu kou Raki', ‘Okou noyo ama' kuno. Motogom Kou raki' intor ra aku boborok.

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

JIRIMIA 5:7

Indagu Tuhan, “Kua kia musiti' Aku mangampun ra tula ru ulun Kuno? Nangiruan ilo Raki' am sumamba ra tuhan ondo' kalo motopot. Aniin Ku ulun Kuno ra akanon saboi ilo maasug, kaa' nansawa' ilo am minongoi ra baloi ru ulun mantalan ra inan.

YEHEZKIEL 20:6

Paat raginio noyo binantu' Ku magibit risilo mingkual intor ra Misir, am maningganai risilo mongoi ra tana' ondo' pinili' Ku noyo ra tayar nilo, tana' ondo' langkaya' am malabung am moonsoi kaga'.

DANIL 11:16

Pamakuan ru panguasa' ru Siria risilo maya' ra kasagaan ru guang ra kolondo' manggal. Mayan io ra tana' ondo' moonsoi am manguasa' ra ngaangai' no.

DANIL 11:41

am poyo mamulunsar ra tana' ondo' moonsoi am mamatoi ra kaaparan ribu ulun; kaa' pagun ru Idom, Moab am ulun ondo' lakat poyo soroi giu' ra Amon bayagon.

DANIL 11:45

Raja' ru Siria mambaal ra kim ru raja' ondo' maayo giu' ra lolot ru raat am gunung intok ru Baloi ru Tuhan. Kaa' raja' ru Siria matoi, am kolondo' sangulun pana mangindangan riso.”

DANIL 8:9

Rondo' intor ra apat sangau no pulali' nampatuu' rondo' sangau ondo' boborok, am kuasa' ru sangau boborok no liminangka' minongoi ra tampilon rabugus, sirangon am tampilon ra tana' ondo' moonsoi.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

IPISUS 1:5

Sabap ra togom Nano, inaru' noyo ri Aki Kapuuno' ra ralalom ri Jisus Kristus itakau saukon ra anak-anak Nano. Gitio noyo sotopot no kasagaan Nali.

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

IBRANI 10:39

Kaa' itakau ti sala' ka ulun ondo' lumugut am makalayau. Itakau ti makapangintapatan am bayagon.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.