JIRIMIA 3:17 - Tanou Moonsoi Timugon

¹⁷ Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

JIRIMIA 3:17 ပူးပေါင်းရင်းမြစ်များ

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

1 RAJA'-RAJA' 8:41

“Paat ra sangulun bansa' ru bokon ondo' minayan giu' ra pagun maalur nokorongog ra kinaayo Muno, am niayuk intor ra kaimuagan-kaimuagan ondo' binaal Muno ra ulun Muno, am matong sumamba Rirun am makiasi' ra Baloi ti,

MAZMUR 102:23

bulintok ra ngaangai' bansa' am parinta mantitimung koson sumamba ra Tuhan.

MAZMUR 78:8

Kalo masauk ilo koson ra kinamatuaan nilai, ulun ondo' masalok malasu' guang am kalo gumagaya'; pangintapatan nilono kalo mapiot, am kalo gumagaya' ilo ri Aki Kapuuno'.

MAZMUR 87:3

Rongogo' noyo, okou bandar ri Aki Kapuuno', Baal-baal ra moonsoi ondo' sinabit Nano ra koson rirun:

JISAYA 26:8

Sumugut akai ra kasagaan Muno am lumansan Rirun; Okou ayuk kaandaman mai.

JISAYA 56:6

Tuhan mindagu ra ulun-ulun bansa' ru bokon ondo' siminubol ra ulun ru Tuhan, ondo' monogom ra Tuhan am mangandoi Riso ayuk, ondo' mangurumat ra orou Sabat am gumagaya' ra nabantuan Nano,

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.

JISAYA 6:1

Paat ra bilor pinatayan ru Raja' Ujia, nakito ku Tuhan. Nanturung Io ra panturungan Nano ondo' masawat am matulai. Pompor ru sukub Nano nakalimpot pakataub ra Baloi ru Tuhan.

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

JISAYA 66:18

Makapandai Aku ra karaan am binaal nilono. Matong Aku koson manimung ra ngaangai' bansa'. Paat ra ilo makatimung, makakito ilo ra kuasa' Kuno,

JISAYA 66:20

Ibiton nilo ngaangai' ulun ru bansa' mino muli' intor ra pagun-pagun raginio koson ra taak nilo Raki'. Sumakoi ilo ra kuda, baghal, unta, kurita' kuda am pedati mongoi ra bulur Kuno ra matulai giu' ra Jirusalim, koson ra ulun ru Israil magibit ra gandum pinasuang ra rondo' intok mapasau mongoi ra Baloi ru Tuhan koson maringkuanang Raki'.

JIRIMIA 11:8

kaa' marara' ilo mangkirongog am marara' gumagaya'. Gino ayuk ilo bambalingatan am malaat koson ragili. Nanusub Aku no risilo gumagaya' ra nabantuan, kaa' marara' ilo. Ginio ra pinalumpa' Ku risilo ngaangai' ukuman ondo' sinabit ralalom ru nabantuan no.”

JIRIMIA 12:15

Kaa' malupus ra Aku mamatir risilo, makaasi' Aku poyo risilo; moonong bansa' ibiton Ku sumaguli' ra pagun nilo galama'.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JIRIMIA 14:21

Karaa' noyo bantu' Muli, pai' akai no asabi'; pai' no luguto' nabantuan Muno ramon. Pai' no asabi' Jirusalim, intok panturungan Muno ondo' matulai.

JIRIMIA 16:12

Kaa' binaal mino malaat poyo intor ra binaal ru kinamatuaan mini. Ngaangai' min bambalingatan am malaat. Marara' kau gumagaya' Raki'.

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

JIRIMIA 17:12

Baloi ru Tuhan takau koson ra turungan ondo' matulai, ondo' nakabanta' giu' ra rasawat ru gunung masawat intor poyo ra talimpuun i.

JIRIMIA 18:12

Kaa' tumaam ilo, ‘Atan onong no? Bambalingatan am malaat akai ayuk maya' ra kasagaan mai!’ ”

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

JIRIMIA 31:23

Tuhan Ondo' Maayo Kaga' Kuasa', i Aki Kapuuno' ru Israil minindagu, “Paat ra pasagulion Ku ulun Kuno ra pagun nilo, pagun Jiuda am bandar-bandar nano pana mokorongog poyo ra ulun mindagu, ‘Gama' ru barakaton ru Tuhan bulur matulai giu' ra Jirusalim intok inayanan ondo' pinatimpok Riso.’

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

JIRIMIA 9:14

Bambalingatan ilo am siminamba ra sinungkalalaing Baal koson ra ondo' nangilaan ru kinamatuaan nilai.

YEHEZKIEL 1:26

Giu' ra tampak ru bakuran no poyo mokoondo' rondo' ondo' maimpal koson ra kurisi' turungan ondo' binaal intor ra batu nilam. Rondo' ondo' koson ra ulun manturung giu' ra rasawat ru kurisi' turungan no.

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.

YEHEZKIEL 48:35

Ngaangai' ru timbok no ra gawar 9 ngakilomito. Intor raino bandar no ininggalanan ra “Tuhan Soroi Ragiti!”

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

JAKARIA 8:8

am magibit risilo sumaguli' intor ra sirangon am intor ra kalasaan, maa' raginio mayan ilo saguli' giu' ra Jirusalim. Masauk ilo ra ulun Kuno am Aku masauk ri Aki Kapuuno' nilo. Mamarinta Aku risilo ra motopot am matimpok.

UNTABAN 15:39

Rumbai-rumbai no, masauk ra pangkaraan, maa' raginio moonong min makito ginio, makara' min ngaangai' susuban Kuno am gumagaya' raginio. Ginio ra kalo mangiruan kau Raki' koson gumagaya' ra kasaga' am gogot ru guang min galama'.

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

ROMA 6:14

Tula kalo boo makapanguasa' ramuyun, sabap ra kaayagan mino kalo boo inimpuun ra Ukum ri Musa, kaa' inimpuun ra asi' ri Aki Kapuuno'.

GALATIA 4:26

Kaa' bandar Jirusalim ondo' popogondoon ra suruga' kalo inulipon, am io noyo koson ra ina' takau.

SAGULION 29:29

Topot ra mokoondo' kukula' baal ondo' kalo pinabala' ru Tuhan i Aki Kapuuno' takau, kaa' nambala' Io noyo ritakau ra Ukum Nano, am itakau am niayuk papag takau musiti' maya' raginio ra sabubuoi no.”

TINGGANAI RU BANSA' 2:19

Kaa' kopongo tingganai no matoi, manampaliso ulun ru Israil ra malaat poyo intor ra sukor ra kalo poyo raginio. Siminamba am nangandoi ilo ayuk ra ngaangai' tuhan ra bokon. Siminaguli' ilo ra kaindalaman nilo ondo' malaat am kalo masaga' mangulau ra paliso nilo.