JIRIMIA 3:16 - Tanou Moonsoi Timugon

¹⁶ Kopongo raginio paat ra akau lumanja' suang ra pagun ti, ulun kalo boo mindagu intor ra Kaban Nabantuan Kuno. Kalo boo guangon kapoam karaan nilo ginio; ilo pana kalo boo makapakuan raginio kapoam mambaal ra Kaban Nabantuan ra bokon.

JIRIMIA 3:16 ပူးပေါင်းရင်းမြစ်များ

JISAYA 60:22

Io pana pongkotob mino ra kalo masuang am asasabin masauk ra bansa' maikang. Bulintok raginio ra tauli no, Aku, Tuhan, mambaal raginio ra mataki'.”

JISAYA 61:4

Baalon nilo saguli' bandar-bandar ondo' nakalair noyo napuut, am mapabigor ra intok-intok ondo' nakalair noyo masiluk.

JISAYA 65:17

Mindagu Tuhan, “Angunon Ku limbowon bagu am tana' bagu. Kasaukan-kasaukan ra nakasail lilianin lingono'.

JIRIMIA 3:17

Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

JIRIMIA 30:19

Mamagun nano mongompor Raki' ra rimbai, am magilakup ra maansukan. Ra barakat Kuno sumuang ilo; barakat Kuno mamparatong ra urumat risilo.

JIRIMIA 31:27

Aku, Tuhan nakaindagu ra masaboi paat no ra sosokon Ku pagun Israil am Jiuda ra ulun am bibiag.

JIRIMIA 31:8

Intor ra ralayo ibiton Ku ilo saguli', timungon Ku ilo intor ra pompor ru tana' ti. Ulun bolou am ulun kalo makalulu' maya' risilo, koon niayuk ra ruandu' maapang am ilo ondo' maar maganak. Sumaguli' ilo koson ra bansa' ondo' maayo.

JIRIMIA 7:4

Pai' pangintopot ra ragu-ragu magabau ti, ‘Moonsoi takau ayuk, sabap ragitio Baloi ru Tuhan. Tojojo gitio Baloi ru Tuhan! Topot gitio Baloi ru Tuhan!’

YEHEZKIEL 15:5

Sotopot no, kalo poyo mosolob bulisang ru puun ru anggur no totopot kolondo' noyo onong. Mulu' poyo malupus sinolob, bulisang no totopot kolondo' noyo boo onong!”

YEHEZKIEL 37:26

Mambaal Aku ra nabantuan risilo, am nabantuan no koson ra jamin ru pamayagan risilo ra sabubuoi no. Mambarakat Aku risilo am ruangin suang nilo. Mambaal Aku ra Baloi Kuno, ondo' magulayun giu' ra pagun nilo ra sabubuoi no.

AMOS 9:9

Manusub Aku, am atapin Ku ulun ru Israil koson ra ulun mangatap ra gandum ra atapan. Atapin Ku ilo ra gino ngai' ru bansa' koson mamatir ra ngaangai' ondo' kolondo' onong.

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

MATIUS 1:11

i Josia ama' ri Jikonya am pinongkotob nano poyo ondo' inulipon am inibit giu' ra pagun ru Babil.

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!