JIRIMIA 3:15 - Tanou Moonsoi Timugon

¹⁵ Mangani' Aku ramuyun ra tingganai-tingganai ondo' gumagaya' Raki'. Maningganai ilo ramuyun ra kapintaran am pangaratian.

JIRIMIA 3:15 ပူးပေါင်းရင်းမြစ်များ

JIRIMIA 23:4

Lantikon Ku panguasa' koson magalung risilo. Ulun Kuno kalo boo malaa' kapoam monontol; Aku pana kalo boo mangukum risilo. Aku, Tuhan nakaindagu noyo.”

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

YEHEZKIEL 34:23

Pasaukon Ku sangulun ra raja' koson ri Daut, ulipon Kuno, koson masauk ra rorondo' magagalung risilo, am magalung io risilo.

AMSAL 10:21

Raguon ru ulun moonsoi, io rondo' barakat ru nasuangan ulun, kaa' ulun sasambungon matoi intor ra sambung nilo galama'.

1 KORINTUS 2:6

Kabalu' pana koson raginio, koson ra ulun ondo' nakaintutun noyo toojo ra kaayagan Kristian, motopot mindagu aku risilo ra kapintaran. Kaa' kapintaran ti sala' ka intor ra tana' ti kapoam intor ra mangunguasa' ondo' mamarinta ra tana' ti, sabap ra pamarintaan koson raginio mapuso.

YEHEZKIEL 37:24

Sangulun raja' koson ri Daut, ulipon Kuno, masauk ra raja' nilo. Pasimpungon Ku ilo ragana' ru sangulun manguasa' am totopot gumagaya' ilo ra ukum Kuno.

LUKAS 12:42

Taam ru Tuhan, “Osoi ulipon ra gumagaya' am matanda' toojo? Io no ondo' susubon ru tuan nano maningganai ra ulipon ra bokon, am mangani' risilo ra akanon paat ra inaru' noyo.

1 PITRUS 2:2

Mogondo' ra sangulun lalagang ondo' kakaanak ra masalok maguyum ayuk ra gatas, akau pana musiti' masalok maguyum ayuk ondo' mampaikang ra pangintapatan min. Maa' raginio mapiot pangintapatan min am bayagon kau.

1 SAMUIL 13:14

Kaa' raino pamarintaan muno kalo mabuoi. Sabap ra okou kalo giminagaya' Riso, Tuhan no maguyum ra ulun bokon ondo' kasagain Nano koson pilion masauk ra raja' ru ulun Nano.”

JIRIMIA 31:10

Indagu Tuhan, “Rongog kano bansa' kau ngaangai'! Potonowo' noyo tanou Kuno ra sandaup ru raat Ulun Kuno ondo' pinantutuliar Kuno timungon Ku am alungin Ku koson ra magagalung mantamung ra domba nano.

YEHEZKIEL 34:2

“Okou ulun mapandai matoi, ulaso' raja'-raja' ru Israil. Panala' no am posoboyo' atan ondo' paraguon Kuno, Tuhan Raja' risilo, ‘Aibui boo ramuyun, akau magagalung ru Israil. Alungin min ayuk kaatangan min galama' am sala' ka kaatangan ru domba-domba.