JIRIMIA 3:12 - Tanou Moonsoi Timugon

¹² Nanusub Tuhan raki' mongoi pampasaboi ra baal ragitio ri Israil, “Israil ondo' kalo gumagaya', saguli' no Raki'. Makaasi' Aku kaga' am kalo sumangit; kalo sumangit Aku rirun ra sabuoi-buoi no.

JIRIMIA 3:12 ပူးပေါင်းရင်းမြစ်များ

KASAUKAN 4:7

Amon ru nambaal kou ra moonsoi maaru' matakau bulos muno; kaa' nambaal kou ra malaat, ginio boo ra tula muno mamparuku' rirun, kaa' musiti' mu anggalon ginio.”

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

2 RAJA'-RAJA' 17:23

Pupus no namatir Tuhan risilo intor ra tana' ondo' tinaakan Nano risilo. Baal raginio nasauk nontopot ra pinakara' ondo' tinaakan ru Tuhan ra ulipon-ulipon Nano. Ginio ra ulun ru Israil pinatiran giu' ra Asyur, intok inayanan nilo saboi raino.

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

2 RAJA'-RAJA' 18:1

Paat ra bilor katalu ra pamarintaan ru Raja' Gosia anak ri Ila koson ra raja' ru Israil, i Gijkia, anak ungkuyon ru Raja' Agas nasauk ra raja' giu' ra Jiuda.

2 TUNUNG RU BANSA' ISRAIL 29:10

“Raino aruon ku koson mambaal ra nabantuan ra Tuhan, i Aki Kapuuno' ru Israil, maa' raginio Io kalo boo sumangit ritakau.

2 TUNUNG RU BANSA' ISRAIL 30:9

Amon ru sumaguli' kau ra Tuhan, ulun ondo' namparakop ra pabukat mino makaasi' risilo, am mangiou risilo muli'. Tuhan, i Aki Kapuuno' mino moonsoi am makaasi'; amon ru sumaguli' kau Riso, apuon No akau.”

MAZMUR 103:17

Kaa' Tuhan magulayun monogom ra ulun ondo' mangurumat Riso, am kaansayan Nano soroi saboi ra sabuoi-buoi no,

MAZMUR 103:8

Tuhan motogom am maupus, maawar orot ru guang, am napanu' ra togom.

MAZMUR 103:9

Kalo masalok Io sumangit, am kalo masalok Io mansuli'.

MAZMUR 145:8

Tuhan no motogom am makaasi', moorot no sangit Nano am natikop ra togom.

MAZMUR 79:5

Iou Tuhan, kula' buoi Muno sumangit ramon? Sangit Muno sumolob kia koson ra apui?

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

AMSAL 28:13

Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.

JISAYA 31:6

Tuhan mindagu, “Akau ulun ru Israil, makatula kau Raki' am manggal Raki'. Kaa' ragino saguli' kano Raki'!

JISAYA 44:22

Pinuso Ku ngaangai' tula mini koson ra gaun inibit ru angin. Saguli' kano Raki', sabap ra Aku noyo namayag ramuyun.”

JIRIMIA 11:6

Tuhan pana mindagu boo raki', “Ongoi no ra bandar-bandar giu' ra Jiuda am giu' ra ralan-ralan ru Jirusalim. Potonowo' noyo tanou Kutu ra ulun ra giu' no am susubo' ilo rumongog am gumagaya' ra ragu-ragu ru nabantuan no.

JIRIMIA 12:15

Kaa' malupus ra Aku mamatir risilo, makaasi' Aku poyo risilo; moonong bansa' ibiton Ku sumaguli' ra pagun nilo galama'.

JIRIMIA 23:8

Kaa' magibot ilo ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra rondo' pagun giu' ra ralayo, am intor ra ngaangai' pagun ra bokon intok Kuno nampatuliar risilo. Ilo pana mayan boo ra namagunan nilo galama'.”

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

JIRIMIA 3:14

“Ulun kau ra kalo gumagaya', saguli' kano Raki'; akau longgom Kuno. Mangalap Aku ramuyun, sangulun intor ra moonong bandar, am ruo ngaulun intor ra moonong bansa', am Aku pana magibit ramuyun sumaguli' ra Bulur Sion.

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

JIRIMIA 3:22

Saguli' no, akau ngaangai' ondo' nangiruan noyo ra Tuhan; mamabas Io ramuyun am mampasauk ramuyun ra gumagaya'. Kamin, “Raino matong akai ra Tuhan sabap ra Io i Aki Kapuuno' mai.

JIRIMIA 3:5

Kalo sumangit Kou ayuk raki'; kalo mantilayun sangit Muno raki'.’ Okou Israil, ginio noyo ondo' raguon muno kaa' binaal mu niayuk ngaangai' kalaatan no.”

JIRIMIA 3:7

Guang Kuli ru mabaal no ngaangai' no, sumaguli' io Raki'. Kaa' kalo siminaguli' io, am i Jiuda, pabukat nano ondo' kalo gumagaya', nakakito ra ngaangai' binaal nano.

JIRIMIA 30:11

Matong Aku am mamayag ramuyun. Pusoon Ku ngaangai' bansa' intok nampatutuliaran Kuno ramuyun, kaa' akau kalo pusoon Ku. Akau kalo palabuson Ku intor ra ukuman, kaa' matimpok Aku paat mangukum ramuyun. Aku, Tuhan, nakaindagu noyo.”

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

JIRIMIA 31:21

Tatandui' noyo ralan, am tansaki' ra panuluan ra ralan; uyumo' ralan ondo' binayaan muno ragili. Ulun kau ru Israil, uli' kano. Saguli' no ra bandar-bandar min ragili.

JIRIMIA 31:8

Intor ra ralayo ibiton Ku ilo saguli', timungon Ku ilo intor ra pompor ru tana' ti. Ulun bolou am ulun kalo makalulu' maya' risilo, koon niayuk ra ruandu' maapang am ilo ondo' maar maganak. Sumaguli' ilo koson ra bansa' ondo' maayo.

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

JIRIMIA 4:1

Indagu Tuhan, “Ulun ru Israil, amon ru masaga' kau sumaguli', saguli' kano Raki'. Amon ru gumagaya' kau Raki' am mamatir ra sinungkalalaing ondo' kasisangin Kuno,

SULABOI 3:22

Togom ru Tuhan mantilayun am asi' Nano kolondo' pupus;

YEHEZKIEL 11:17

“Ginio ra balai' ilo atan ondo' paraguon Kuno, Tuhan Raja'. Timungon Ku ilo intor ra pagun-pagun intok nampatuliaran Kuno risilo, am pasagulion Ku risilo pagun ru Israil.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

YEHEZKIEL 39:25

Indagu Tuhan Raja', “Kaa' raino makaasi' Aku ra papag ri Jakub, ulun ru Israil, am pasaukon ilo ra langkaya' saguli'. Alungin Ku inggalan Kuno ondo' matulai.

GOSIA 6:1

Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

IMAMAT 26:40

“Kaa' papag mino mangiou ra tula nilono am tula ru kinamatuaan nilono ondo' minanggal Raki' am giminuor Raki',

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

SAGULION 30:2

Amon ru timinampos kau am papag min sumaguli' ra Tuhan i Aki Kapuuno' min, am ra sotopot ru guang akau gumagaya' ra ngaangai' susuban Nano ondo' taakin kuno ramuyun ra orou raiti',