JIRIMIA 29:8 - Tanou Moonsoi Timugon

⁸ Aku Tuhan, i Aki Kapuuno' ru Israil, nampakara' ramuyun maa' raginio kalo mokoloso inan ruungon ru nabi-nabi ondo' minayan ra tatanga' min kapoam ru osoi pana ondo' minindagu ra makapanala' ilo ra orou matong. Pai' lioo' inupi nilo.

JIRIMIA 29:8 ပူးပေါင်းရင်းမြစ်များ

JIRIMIA 14:14

Kaa' taam Tuhan, “Nabi-nabi raginio nagabau ralalom ru inggalan Kuno; Kalo sinusub Ku ilo, am kalo niayuk nanusub kapoam minindagu risilo. Pinaintalang ondo' tinunung nilono sala' ka intor Raki'. Manala' ilo ra baal-baal ra kolondo' onong, ondo' binaal-baal nilo galama'.

JIRIMIA 23:16

Indagu Tuhan Ondo' Maayo Kaga' Kuasa' ra mamagun ru Jirusalim, “Pai' rongogo' nabi-nabi ondo' magail mangani' ra kalansanan ondo' abau ayuk. Mampasaboi ilo ayuk ra pangkaraan galama' am sala' ka tanou intor Raki'.

JIRIMIA 23:21

Indagu Tuhan, “Kalo manusub Aku ra nabi-nabi no, kaa' minugar ilo niayuk. Kalo nangani' Aku ra tanou risilo, kaa' mindagu ilo ralalom ru inggalan Kuno.

JIRIMIA 23:25

Nakapandai Aku ra ngaangai' ondo' rinagu ru nabi-nabi. Ralalom inggalan Kuno nagabau ilo ra tanou Kuno inapu nilo ralalom ru inupi.

JIRIMIA 23:27

Pangkaraan nilo ra inupi-inupi ondo' tinunung risilo no nangkinibit ra ulun Kuno nampalilian Raki' koson ra kinamatuaan nilo nampalilian Raki', am siminamba ra Baal.

JIRIMIA 27:9

Pai' rongogo' nabi min kapoam osoi pana ondo' manginggalar ramuyun kumuku' ra raja' Babilonia, kabalu' pana mangiou ilo ra makapanala' ra orou tauli, inda' pana ralalom ru inupi, kapoam mampiau ra ambiluo ru ulun minatoi, kapoam kapandayan ra sihir.

JIRIMIA 28:15

Aku pana nampasaboi boo ra ragu raginio ri Gananya, am indagu aku poyo, “Rongogo' noyo, okou Gananya! Kalo nanusub Tuhan rirun; nangkinibit kou ra bansa' ragitio mangintopot ra abau.

JIRIMIA 29:1

Nanulis aku ra surat posoboyon ra imam-imam, nabi-nabi, tingganai-tingganai ru bansa', am ra ngaangai' ulun bokon giu' ra Jirusalim ondo' rinakop ru Raja' Nibukadnijar am inibit ra Babilonia.

JIRIMIA 29:15

Kamin nanaak Tuhan ramuyun ra nabi-nabi intor ra Babilonia.

JIRIMIA 29:21

Tuhan Ondo' Maayo Kaga' Kuasa', i Aki Kapuuno' ru Israil, nakaindagu intor ri Agab anak ri Kolaya, am intor ri Jidikia anak ri Maasiya, ondo' namakai ra inggalan ru Tuhan koson mampasaboi ra abau ramuyun. Minindagu Tuhan ra pataakon No ilo ra kuasa' ru Raja' Nibukadnijar intor ra Babilonia, ondo' mamatoi risilo ra saang min.

JIRIMIA 29:23

Koon raginio noyo pupus nilo sabap ra nambaal ilo ra tula mangaayo giu' ra Israil: nansasawa' ilo, am namakai ra inggalan ru Tuhan koson nagabau. Binaal raginio nansala' ra kasagaan ru Tuhan. Nakapandai Io ra atan ondo' binaal nilo, am Io galama' nasauk ra sasi' ondo' manggal risilo. Tuhan nakaindagu noyo.”

JIRIMIA 37:9

Aku, Tuhan nampakara' ramuyun maa' raginio pai' min ruungo' inan galama' ra mangkara' ra saujor ru Babilonia kalo rumuli'. Maaru' rumuli' ilo.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

SULABOI 2:14

Nabi-nabi muno mapandai ayuk magabau; namparuung ilo rirun ra kalo nambala' ra tula muno. Nambaal ilo rirun mangkara' ra okou kalo pana tumalikur intor ra tula.

YEHEZKIEL 13:6

Pinaintalang risilo no kalo motopot am ondo' inala' nilo pana kalo motopot. Mangiou ilo ra mampasaboi ra ragu Kuno, kaa' kalo nanusub Aku risilo. Kaa' malansan ilo maa' raginio ondo' inala' nilono masauk.

MIKA 2:11

Masaga' kau ra nabi ondo' masaga' magabau am mamparuung, am ondo' mindagu, ‘Manala' aku ra makaalap kau ra wain am inumon makagauk ondo' masuang toojo.’

JAKARIA 13:4

Paat raginio, kolondo' boo nabi ondo' lumimbau sabap ra pinaintalang-pinaintalang nano, kapoam mangku ra sangulun nabi, kapoam nambayang ra sukub makabulu maa' raginio makapamparuung io ra ulun.

MATIUS 24:24

Sabap ra ulun migiangku ra mamamayag am nabi rumatong. Ilo ti mambaal ra baal kaimuagan ra mampalayau ra ulun ri Aki Kapuuno' amon ru maalap nilo.

LUKAS 21:8

Indagu i Jisus, “Ilalain koson kalo ruungon kau! Sabap ra masuang ulun matong am manabit ra inggalan Kutu, konilo, ‘Aku no Io!’ am, ‘Maar noyo masuku' paat nano!’ Kaa' pai' kau baya' risilo.

LUKAS 6:26

“Aibui boo ramuyun no, amon ru ngaangai' ulun mongompor ramuyun. Sabap ra koson raginio niayuk pinamakuan ru kinamatuaan takali ra nabi-nabi maabau-abau ra galing i.”

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

IPISUS 5:6

Pai' min polosoo' sangulun pana mamparuung ramuyun ra abau. Sabap ra paliso ragitio noyo mampakasalula' ra sangit ri Aki Kapuuno' ra ulun ondo' kalo gumagaya' Riso.

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.