JIRIMIA 29:7 - Tanou Moonsoi Timugon

⁷ Pangandoi no koson ra kalangkayaan ru bandar intok namatiran Kuno ramuyun. Pakiasi' kano Raki' koson ra kaatangan ru bandar raginio, sabap amon ru bandar no langkaya', akau pana langkaya'.

JIRIMIA 29:7 ပူးပေါင်းရင်းမြစ်များ

IJRA 6:10

Ngaangai' ti musiti' paugaron maa' raginio makapampataak ilo ra taak simbalui ondo' iniou ri Aki Kapuuno' panguasa' giu' ra suruga', am maa' raginio makiasi' ilo Riso koson makibarakat ra tayar kuno am anak-anak ungkuyon kuno.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

IJRA 7:23

Ilalain ra mampaugar ra ngaangai' ondo' musiti' pinabaalan ri Aki Kapuuno' giu' ra suruga' ra tayar ru Baloi Nano, maa' raginio kalo sumangit Io raki' kapoam ra ulun ondo' mamarinta malupus aku.

ROMA 13:1

Moonong ulun musiti' gumagaya' ra parinta, sabap ra ngaangai' kuasa' nilono intor ri Aki Kapuuno' am parinta ra raino ti pana inaru' noyo ri Aki Kapuuno'.

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

ROMA 13:5

Ginio ra akau musiti' gumagaya' ra parinta – sala' ka sabap ra malaa' ra ukum ri Aki Kapuuno' ayuk, kaa' sabap ra bolos ru guang min mampaintutun ramuyun raginio.

MAZMUR 122:6

Pakiasi' noyo koson ra kaansayan ru Jirusalim, “Gama' ulun ondo' motogom rirun no lumangkaya'.

JIRIMIA 38:4

Pagawai-pagawai no pana minuma' ra raja' am indagu, “Musiti' ulun ti ukumin ra matoi. Sabap ra ragu nano, saujor ru bandar ti malawo guang, koon niayuk ra moonong ulun ondo' lakat poyo minayan ra bandar ti. Kalo nangindangan io ra mamagun; kaa' nantipagon io poyo risilo.”

YEHEZKIEL 11:16

“Balai' gino ngai' ru bansa' muno ralalom pamatiran ra Aku noyo ondo' nangator risilo ra maalur mongoi ra bansa'-bansa', am niayuk nampatutuliar risilo giu' ra pagun-pagun ra bokon. Kaa' koson liliwa' raginio, maya' Aku risilo giu' ra intok raginio.