JIRIMIA 29:32 - Tanou Moonsoi Timugon

³² am nanusub ramuyun manggal Raki', am Aku pana mangukum riso am papag nano. Kolondo' papag nano ondo' mayan ra gino ngai' min. Kalo maayag io koson magilong ra baal-baal moonsoi ondo' baalon Ku ra ulun Kuno. Aku, Tuhan nakaindagu noyo.”

JIRIMIA 29:32 ပူးပေါင်းရင်းမြစ်များ

1 RAJA'-RAJA' 13:18

Indagu boo nabi matutuo intor ra Bitil no riso, “Aku pana sangulun nabi koson rirun. Sumugut ra susuban ru Tuhan, rondo' malaikat nanusub raki' magibit rirun muli' am mampaakan rirun giu' ra baloi kuno.” Sotopot no nabi matutuo no nagabau.

2 RAJA'-RAJA' 5:27

Sabap no ra nangapu kou ra pinataak no, okou am papag muno makaalap ra maruol ri Naaman ra sabuoi-buoi no!” Paat ri Gigaji nangiruan ra intok raginio, natiu' io ra maruol ru kungkung; kungkung nano nasauk ra mapulak kaga'.

2 RAJA'-RAJA' 7:2

Kaa' indagu pagawai saujor ru raja' no ri Ilisa, “Bai-bai boo! Kabalu' pana Tuhan galama' mamparatu' ra rasam ra raino ti niayuk, bai-bai boo ru baal raginio!” Taam i Ilisa, “Makainono' kou raginio, kaa' kalo makaakan kou ra akanon no.”

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

JISAYA 14:20

okou kalo lobongon koson ra raja'-raja' ra bokon sabap ra okou namuso ra pagun muno am namatoi ra mamagun muno galama'. Kolondo' sangulun pana ramuyun sambaloi ra mangalaat no bayagon. Ngaangai' no matoi.

JISAYA 14:22

Mindagu Tuhan Ondo' Maayo Kaga' Kuasa', “Owoyon am pusoon Ku Babil. Kalo polosoon Ku atan-atan pana maayag, io pana lalaing kapoam osoi-osoi ayuk. Aku, Tuhan minindagu noyo.

JIRIMIA 17:6

Koson io ra bulungkut giu' ra tana' kaagisan, ondo' timinuu' giu' ra intok mapua', giu' ra tana' makausi', ondo' kalo tinuwan ru tutuu' ra bokon. Ulun koson raginio kalo igondo' nakaili' ra moonsoi.

JIRIMIA 20:6

Okou no, Pasyur, rokopon am auton ra Babilonia mababaya' ra ngaangai' sasambaloi muno. Giu' no patayan muno am lobongon mababaya' ra ngaangai' rangan muno ondo' nangkirongog ra abau muno.’ ”

JIRIMIA 22:30

“Ulun no inaru' noyo maa' raginio matatakan ra anak-anak nano am masalok kalo makasugut ralalom ru kaayagan nano. Kolondo' papag nano ondo' mamarinta giu' ra Jiuda koson ra palit ri Daut. Aku, Tuhan nakaindagu noyo.”

JIRIMIA 28:16

Ginio ra Tuhan galama' minindagu ra pusoon No okou. Bilor ragitio niayuk matoi kou, sabap ra nanusub kou noyo ra bansa' ragitio manggal ra Tuhan.”

JIRIMIA 29:24

Tuhan Ondo' Maayo Kaga' Kuasa', i Aki Kapuuno' ru Israil nangani' ra tanou raki' posoboyon ri Simaya, ulun ri Nigilam, sabap ra nangator i Simaya ra surat namakai ra inggalan nano galama' posoboyon ra mamagun ru Jirusalim, posoboyon ra Imam Jipanya anak ri Maasiya am posoboyon ra ngaangai' imam ra bokon. Surat ondo' tinulisan ri Simaya posoboyon ri Jipanya koon ragitio,

JIRIMIA 30:1

Tuhan, i Aki Kapuuno' ru Israil,

JIRIMIA 35:19

Ginio ra Aku, Tuhan Ondo' Maayo Kaga' Kuasa', i Aki Kapuuno' ru Israil, nambantu' ra i Jonadab anak ri Rikab magail mokoondo' ra papag ra ungkuyon ondo' mangandoi ayuk Raki'.”

JIRIMIA 36:31

Okou ukumin Ku, papag muno, am pagawai-pagawai muno, sabap ra tula min ngaangai'. Kolondo' osoi pana, okou, mamagun ru Jirusalim kapoam Jiuda, ondo' mampalio ra pinakara' Kuno. Ginio ra, porotongon Ku karaat ondo' pinololob Kuno ramuyun ngaangai'.”

YEHEZKIEL 20:38

Inggion Ku ulun ondo' gumuor am makatula ra gino ngai' min. Ibiton Ku ilo mingkual intor ra pagun-pagun intok inayanan min raino, am kalo mangiou Aku risilo sumaguli' ra pagun ru Israil. Bagu no makapandai kau ra Aku noyo Tuhan.”

AMOS 7:17

gitio noyo ragu ru Tuhan, ‘Andu' muno masauk ra ulun mantalan ra inan giu' ra ralan-ralan ru bandar am anak-anak muno potoyon ralalom ru pangayawan. Tana' muno tatayaron am taakin ra ulun bokon; okou galama' matoi giu' ra pagun ru ulun ondo' kalo makaulig ri Aki Kapuuno'. Mamagun ru Israil maaru' ibiton ra pamatiran, maalur intor ra pagun nilo galama'.’ ”

AMOS 9:10

Ulun makatula ra gino ngai' ru ulun Kuno mindagu, ‘Kalo polosoon takau ri Aki Kapuuno' malumpa' ru karaat.’ Kaa' sotopot no potoyon ilo ralalom ru pangayawan.”

SAGULION 13:5

Kaa' potoyo' noyo nabi kapoam mambala' ra inupi ondo' nanusub ramuyun gumuor ra Tuhan ondo' namayag ramuyun intor ra Misir, intok min inulipon ragili. Ulun koson raginio malaat am kuminam mapalayau ramuyun intor ra kaayagan ondo' mapabansuk ra guang ru Tuhan. Musiti' potoyon ulun no, maa' raginio mairu' kalaatan intor ra gino ngai' min.