JIRIMIA 29:26 - Tanou Moonsoi Timugon

²⁶ “Nampalantik Tuhan rirun masauk ra imam koson malit ri Joyada, am raino okou no pagawai masawat kaga' giu' ra Baloi ru Tuhan. Okou no pinalansan koson magalung ra moonong ulun mantuyang ondo' mangiou ra io noyo nabi, bangkilon ra rantai basi' ra liog nano.

JIRIMIA 29:26 ပူးပေါင်းရင်းမြစ်များ

2 RAJA'-RAJA' 11:15

Kalo mangiou i Joyada ra Raja' Ruandu' Atalya potoyon giu' ra liliut ru Baloi ru Tuhan. Kon ri Joyada ra tingganai-tingganai ru pulalai nano, “Ibito' raja' ruandu' no mugar mansail ra barisan ru ulun magagalung. Potoyo' osoi ayuk ondo' kuminam mamayag ra raja' ruandu' no.”

2 RAJA'-RAJA' 11:18

Kopongo raginio umpos mamagun ra ralalom ru kuil Baal am nampalunsai ra kuil no. Inumok nilo ngaangai' altar am sinungkalalaing sambaan ra giu' no. Namatoi ilo ri Matan, imam ru Baal, giu' ra saang ru altar-altar no. Panusub i Joyada ra ulun-ulun magagalung ra magalung giu' ra Baloi ru Tuhan,

2 RAJA'-RAJA' 9:11

Saguli' i Jigu ra panglima-panglima ra bokon no. Pangkuot ilo riso, “Atan kia tanou ondo' inibit nani? Kua ratong ulun mantuyang ni rirun?” Pangkuot i Jigu, “Kalo kia nakapandai kau?”

2 TUNUNG RU BANSA' ISRAIL 16:10

Siminangit kaga' Raja' Asa ra nabi no saboi nabi no inaput. Paat raginio noyo Raja' Asa tumalimpuun mangimbolo' ra kukula' ngaulun.

2 TUNUNG RU BANSA' ISRAIL 18:26

Susubo' ilo mangaput riso ra lamin pangaputan, am aniin io ra ruti' am timug ayuk saboi ra aku sumaguli' ra maayag.”

JIRIMIA 29:27

Kua kalo sinawai mu i Jirimia ulun ru Anatot no, ondo' siminauk ra nabi ra gino ngai' ru bansa' takau?

JIRIMIA 38:28

Inaput aku giu' ra liliut ru istana no saboi ra Jirusalim ginaau ru pantula'.

JIRIMIA 38:6

Ginio ra inibit nilo aku am pinatuun aku ra kalat ra ralalom tulubong ru anak raja' i Malkia. Tulubong no soroi giu' ra liliut ru istana. Nalasakan tulubong no, molosok ayuk, aku pana nakatapung ra ralalom ru losok no.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

MATIUS 21:23

I Jisus siminaguli' boo ra Baloi Tuhan. Paat ra Io nangila', tingganai imam Jaudi am tingganai ru ulun ru Jaudi ratong Riso am pangkuot, “Atan kia ra kuasa' Muno mambaal ra ngaangai' ragitio? Osoi nangani' Rirun ra kuasa' ragitio?”

MARKUS 3:21

Intor raginio mokoondo' niayuk ulun mindagu ra kalo boo matanda' Io. Paat ra pabukat-pabukat ri Jisus nokorongog raginio, matong ilo magibit Riso.

JUANIS 10:20

Masuang intor risilo minindagu ra, “Sinubol Io ru riwato! Mantuyang Io! Kua pangkirongog kau Riso?”

JUANIS 10:33

Taam ru ulun ru Jaudi no, “Sala' ka binaal Muno ra moonsoi pamabalan mai Rirun, kaa' sabap ra nagasab Kou tupo ri Aki Kapuuno'. Okou ti ulun ayuk, kaa' makimogondo' Kou boo ri Aki Kapuuno'.”

JUANIS 8:53

Kinamatuaan maili i Abragam, am ngaangai' ru nabi pana minatoi. Maatang Kou po kia ka i Abragam? Indoson Muno, osoi Kou?”

RINALATAN 16:24

Sabap ra panusuban raginio, pasubolo' ilo ra ralalom toojo ru lamin pangaputan am pioto' nilo toojo bangkil ra kalayam nilai.

RINALATAN 26:11

Masalok aku niayuk nangimbolo' risilo giu' ra baloi sambayangan am nampajajal risilo lumugut intor ra inintopot nilai. Nasisang aku kaga' risilo saboi sinunu' ku ilo ra ati ayuk bandar ra pagun bokon koson mangimbolo' risilo.”

RINALATAN 26:24

Liliwa' nagisaung i Paulus, golok boo i Pistus, kono, “Paulus, totopot kou no sasambungon! Inigigilaan muno ra najanjayan ondo' nangkinibit rirun mantuyang!”

RINALATAN 26:25

Kaa' taam i Paulus, “Tuan, kalo mantuyang aku. Ngaangai' ondo' rinagu kuni motopot toojo am matanda'.

RINALATAN 4:1

Liliwa' i Pitrus am i Juanis lakat ayuk poyo makimansunur ra ulun masuang, ratong boo imam Jaudi, tingganai ru magagalung ra Baloi Tuhan am niayuk ulun-ulun ru Saduki.

RINALATAN 5:18

Rokopo' nilo rasul-rasul no am pasubolo' ra lamin pangaputan ru bandar.

RINALATAN 5:24

Pakaining tingganai magagalung ra Baloi Tuhan am tingganai imam Jaudi ra ragu raginio, naliangan ilo ra atan kinua' nasauk ra rasul-rasul no.

2 KORINTUS 11:33

Kaa' intor ra rondo' gigimpalan ra timbok i pinatuun aku ra rondo' bakul, gili boo nakapagiru' aku intor ra gabenor i.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.