JIRIMIA 29:19 - Tanou Moonsoi Timugon

¹⁹ Ngaangai' baal raginio masauk risilo sabap ra kalo sinugut nilo tanou Kuno ondo' pinasaboi Ku ra rinayus-rayus risilo pinabala' galing ra nabi-nabi, ulipon-ulipon Kuno. Marara' ilo mangkirongog ra tanou Kuno.

JIRIMIA 29:19 ပူးပေါင်းရင်းမြစ်များ

JIRIMIA 25:8

Ginio sabap ra marara' kau rumongog ra ragu Nano, Tuhan Ondo' Maayo Kaga' Kuasa' minindagu,

JIRIMIA 26:5

Musiti' kau niayuk rumongog ra atan ondo' rinagu ru ulipon Kuno, iono nabi-nabi ondo' kalo langgain Ku manusub poongoyon ramuyun. Kaa' kalo igondo' kau rongog risilo.

JIRIMIA 32:33

Nangiruan ilo Raki' kabalu' pana narayus Aku nangila' risilo, marara' ilo mangkirongog am marara' mangapu ra pangilaan.

JIRIMIA 34:17

Ginio ra raino, Aku Tuhan, minindagu: Kalo giminagaya' kau Raki'; kalo linabusan min gino ngai' ru bansa' min ondo' nasauk ra ulipon. Amon ru ginio poyo, aniin Takamin ra kalabusan: kalabusan koson ra matoi sabap ra pangayawan, maruol tumapik am bitilan. Mangkinibit Aku ra moonong bansa' ra tana' ti malaa' magilong ra baal ondo' baalon Kuno ramuyun.

JIRIMIA 44:3

Kapusaan raginio nasauk sabap ra mamagun nano nambaal noyo ra malaat am napasingkual ra sangit Kuno. Nampataak ilo ra taak simbalui ra dewa-dewa, am siminamba ra dewa ondo' kalo igondo' sinamba nilo, akau kapoam kinamatuaan min.

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

JIRIMIA 7:13

Binaal min ngaangai' tula no; inda' pana ra ruruli' Aku minindagu ramuyun, kaa' marara' kau rumongog. Marara' kau tumaam paat ra Aku mampiau ramuyun.

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.