JIRIMIA 29:17 - Tanou Moonsoi Timugon

¹⁷ Indagu Tuhan Ondo' Maayo Kaga' Kuasa', ‘Mamparatong Aku ra pangayawan, bitilan am maruol tumapik risilo. Pamakuan Kuno risilo koson ra kawa' ru ara ondo' napasa' kaga' saboi kalo maakan.

JIRIMIA 29:17 ပူးပေါင်းရင်းမြစ်များ

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

LUKAS 21:23

Aibui boo ra ruandu' ra mangaapang am ondo' mantalaanak paat raginio! Makakapaganan maayo pagun ragitio am likokot ri Aki Kapuuno' pasukuon ra bansa' ragitio.

LUKAS 21:11

Masauk gonggon ru tana' ra makalalaa', bitilan am niayuk maruol ra ati ayuk. Giu' ra limbowon makito baal malaat am tatandu' ondo' makalalaa'.

JIRIMIA 52:6

Paat ra orou kasiam, sila' kaapat ra bilor raginio, paat ra bitilan giu' ra bandar no najanjayan kaga' saboi mamagun kolondo' boo akanon,

JIRIMIA 43:11

Matong i Nibukadnijar am mangala ra Misir. Ilo ondo' inaru' ra matoi sabap ra maruol, ilo ondo' inaru' masauk ra ulun rinakop ru pangayawan no masauk ra ulun rinakop ru pangayawan, am ilo ondo' inaru' matoi ralalom ru pangayawan no matoi ralalom ru pangayawan.

JIRIMIA 27:8

“Kaa' bansa' kapoam pamarintaan ondo' marara' kumuku' ri Nibukadnijar ukumin Ku ra pangayawan, bitilan am maruol tumapik saboi polosoon Ku i Nibukadnijar mamuso risilo ra lingonon.

PINAINTALANG 6:8

Kakito ku sanginan kuda ondo' mabula' am ondo' siminakoi no ininggalanan ra ‘Patayan ’ am minitut riso no Nabalu, ioginio intok ru ulun-ulun namagatoi. Inanian ilo ra kuasa' koson mampatoi ra sampiapat ulun ru tana' ti ra pangayawan, bitilan, tiranga' am saamon ru bibiag masigo.

JIRIMIA 32:24

Nambaal ulun ru Babilonia ra timbok pagawangan giu' ra liliut ru bandar koson mampagaau raginio, am raino tatanga' ilo mamulunsar raginio. Pangayawan, bitilan am maruol tumapik mangkinibit ra bandar ti maratu' ra ralalom ru kalindu' nilo. Nakito Mu ra ngaangai' ondo' rinagu Muno topot-topot nasauk.