JIRIMIA 29:14 - Tanou Moonsoi Timugon

¹⁴ Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 29:14 ပူးပေါင်းရင်းမြစ်များ

JIRIMIA 30:3

sabap ra paat no masaboi ra pulion Ku baal ru ulun Kuno, Israil am Jiuda. Ibiton Ku ilo sumaguli' ra pagun ondo' tinaakan Kuno ra kinamatuaan nilai. Molonggom nilo pagun no saguli'. Aku, Tuhan, nakaindagu noyo.”

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

ROMA 10:20

Makakau' poyo i nabi Jisaya mindagu, “Gitio noyo kon ri Aki Kapuuno', ‘Matuum Aku ru ulun ondo' kalo maguyum Raki', am tumalang Aku ra ulun ondo' kalo mangkuot Raki'.’ ”

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JISAYA 45:19

Kalo alion Ku ra Aku mindagu, kapoam opoton. Kalo susubon Ku ulun Kuno Israil maguyum Raki' ra kolondo' logo. Aku, Tuhan, mindagu ra motopot, am mambala' ra motopot.”

MAZMUR 126:4

Iou Tuhan, patapulio' noyo kaayagan maili, koson ra sungoi nalasakan makatimug saguli' bulintok rumasam.

MAZMUR 126:1

Rimbai ru ratangan. Bulintok ra Tuhan magibit ritakau sumaguli' ra Jirusalim, koson ayuk ra nagupi takau!

MAZMUR 46:1

Mazmur ru bansa' ri Kora. Ra tingganai santimungan maririmbai. Ra rimbai ri Alamot.

MAZMUR 32:6

Ginio ra ngaangai' ulun ondo' gumagaya' musiti' no makiasi' Rirun paat ra makakapaganan; amon ru rosob sumuku', kalo maabas ilo.

SAGULION 30:3

am Tuhan i Aki Kapuuno' min pana makaasi' ramuyun. Magibit Io ramuyun sumaguli' intor ra pagun-pagun intok Io nampatutuliar ramuyun, am napasauk ramuyun ra langkaya' saguli'.

SAGULION 4:7

“Kolondo' bansa' ra ati pana, kabalu' pana bansa' maayo, ondo' makatuhan ondo' mamaar kaga' paat makapakuan risilo koson ra Tuhan i Aki Kapuuno' takau mamaar ritakau. Tumaam Io ra sasanggilan takau mampiau makiindangan.

JIPANYA 3:20

Masaboi paat no; ibiton Ku muli' ulun ondo' nantutuliar; pasaukon Takamin ra mauligan kaga' giu' ra titikop ru tana', am pasaukon kau ra langkaya' igondo' poyo.” Tuhan nakaindagu noyo.

MIKA 4:12

Kaa' bansa'-bansa' no kalo makapandai ra atan inatangan ru Tuhan. Kalo malimanan nilo ra ilo pinatimung koson ukumin, nogondo' koson ra gandum umungon koson agikon.

JIRIMIA 51:10

Indagu Tuhan, “Giminolok ulun Kuno, ‘Nampakito Tuhan ra itakau motopot. Ibok balai' takau mamagun ru Jirusalim ra atan ondo' binaal ru Tuhan, i Aki Kapuuno' takau.’ ”

JISAYA 55:6

Saguli' noyo ra Tuhan buoi ra maalap ayuk poyo; piawo' noyo Io buoi ra Io mamaar ayuk poyo.

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

SAGULION 30:1

“Nangani' aku noyo ramuyun ra pilian ru barakat kapoam ulas. Paat ra ngaangai' baal ragitio masauk ramuyun, am mayan kau ra gino ngai' ru bansa'-bansa' ra intok akau pinantutuliar ru Tuhan i Aki Kapuuno' min, am makara' min pilian ondo' taakin kuno ramuyun.

SAGULION 30:5

Ginio ra akau tatangan saguli' ra tana' ondo' inayanan ru kinamatuaan min ragili. Io mampasauk ramuyun ra langkaya' poyo am masuang kau poyo intor ra kinamatuaan min.

JISAYA 43:5

Pai' kalaa', sabap ra Aku mabaya' ramuyun. Intor ra sirangon am kalasaan ibiton Ku anak am akupu mino muli'.

JISAYA 43:6

Susubon Ku pagun giu' ra ralayo mapalabus risilo, am pagun giu' ra rabugus mapalabus risilo. Polosoon noyo ulun Kuno muli' intor ra pagun-pagun maalur, intor ra titikop pompor ru tana'.

JIRIMIA 3:14

“Ulun kau ra kalo gumagaya', saguli' kano Raki'; akau longgom Kuno. Mangalap Aku ramuyun, sangulun intor ra moonong bandar, am ruo ngaulun intor ra moonong bansa', am Aku pana magibit ramuyun sumaguli' ra Bulur Sion.

JIRIMIA 8:3

Ulun intor ra bansa' malaat ti ondo' lakat poyo maayag, ondo' pinantutuliar Ku noyo ra nansalinut intok, masaga' poyo matoi intor ra maayag. Aku, Tuhan Ondo' Maayo Kaga' Kuasa' nakaindagu noyo.”

JIRIMIA 12:15

Kaa' malupus ra Aku mamatir risilo, makaasi' Aku poyo risilo; moonong bansa' ibiton Ku sumaguli' ra pagun nilo galama'.

YEHEZKIEL 37:21

Pambala' boo risilo ra Aku, Tuhan Raja' manimung ra ngaangai' ulun Kuno intor ra pagun-pagun intok inangayan nilo. Ibiton Ku ilo muli' ra pagun nilo galama'.

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JIRIMIA 30:18

Indagu Tuhan, “Pasagulion Ku ulun Kuno ra pagun nilo am makaasi' ra moonong sasambaloi; Jirusalim baalon poyo, am istana no punaan.

JIRIMIA 31:16

Langgai' tangi' muno am piiri' lomou muno. Bagui muli koson ra anak-anak muli balasin ra moonsoi; muli' anak-anak muli intor ra pagun ru pantula'.

JIRIMIA 31:17

Mokoondo' ra kalansanan ra orou tauli muno; anak-anak muno muli' ra pagun galama'. Aku, Tuhan, nakaindagu noyo.

JIRIMIA 31:23

Tuhan Ondo' Maayo Kaga' Kuasa', i Aki Kapuuno' ru Israil minindagu, “Paat ra pasagulion Ku ulun Kuno ra pagun nilo, pagun Jiuda am bandar-bandar nano pana mokorongog poyo ra ulun mindagu, ‘Gama' ru barakaton ru Tuhan bulur matulai giu' ra Jirusalim intok inayanan ondo' pinatimpok Riso.’

YEHEZKIEL 39:25

Indagu Tuhan Raja', “Kaa' raino makaasi' Aku ra papag ri Jakub, ulun ru Israil, am pasaukon ilo ra langkaya' saguli'. Alungin Ku inggalan Kuno ondo' matulai.