JIRIMIA 29:12 - Tanou Moonsoi Timugon

¹² Bagu no gumolok kau Raki'. Matong kau koson makiasi' Raki' am taamon Ku pakiasian min.

JIRIMIA 29:12 ပူးပေါင်းရင်းမြစ်များ

2 TUNUNG RU BANSA' ISRAIL 33:13

Iniou ri Aki Kapuuno' pakiasian ru Raja' Manasi am nangiou riso siminaguli' ra Jirusalim am niayuk namarinta poyo. Binaal ri Aki Kapuuno' no nampaintopot ra Raja' Manasi ra Tuhan no i Aki Kapuuno'.

2 TUNUNG RU BANSA' ISRAIL 6:38

Amon giti ra pagun ti tumalikur ilo intor ra tula ra sototopot ru guang am makiasi' Rirun liliwa' tumingkuang tampilon ra pagun ti ondo' tinaakan Mu noyo ra kinamatuaan maili, am tampilon ra bandar ondo' pinili' Mu noyo, am niayuk Baloi ti ondo' binaal ku noyo Rirun,

AYUP 22:27

Paat ra okou makiasi', tumaam Io, am masugut mu ngaangai' bantu' muno.

MAZMUR 10:17

Tuhan, iowo' noyo pakiasian ru ulun kolondo' onong; am paikango' noyo guang nilono.

MAZMUR 145:19

Tomposon No ngaangai' kasagaan ru ulun ondo' mangurumat Riso; rongogon No pampiawan nilono am mamayag risilo.

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

JISAYA 26:16

Iou Tuhan, inukum Mu ulun Muno, am ralalom kaimbalaan, mampiau ilo Rirun.

JISAYA 30:19

Akau ondo' minayan ra Jirusalim kalo boo mantangi'. Tuhan no makaasi'. Paat ra akau mampiau makiindangan Riso, tumaam Io.

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

JIRIMIA 50:4

Indagu Tuhan, “Masaboi paat no, mamagun ru Israil am Jiuda matong mababaya' liliwa' mantangi' am maguyum Raki', i Aki Kapuuno' nilo.

JIRIMIA 51:50

Indagu Tuhan ra ulun Nano giu' ra Babilonia, “Nakalabus kano intor ra kapatayan. Raino pagiru' kau! Pai' kano paginaa! Kabalu' pana maalur kau intor ra baloi, karaa' min Aku, Tuhan min, am karaa' min Jirusalim.

YEHEZKIEL 36:37

Indagu Tuhan Raja', “Igondo' poyo iowon Ku ulun ru Israil makiindangan Raki', am ruangin Ku suang nilo koson ra sampanon ru domba.

GOSIA 14:9

Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”