JIRIMIA 28:4 - Tanou Moonsoi Timugon

⁴ Ibiton Ku niayuk saguli' i Joyakin anak ungkuyon ru Raja' Joyakim, raja' ru Jiuda, mababaya' ra ngaangai' mamagun ru Jiuda ondo' inaut ra Babilonia. Sotopot no, pandakon Ku kuasa' ru Babilonia. Aku, Tuhan nakaindagu noyo.”

JIRIMIA 28:4 ပူးပေါင်းရင်းမြစ်များ

KASAUKAN 27:40

Maayag kou ra ilang muno, kaa' masauk kou ra ulipon ru boborok muno, kaa' amon ru manggal kou, makalabus kou intor ra kuasa' nano.”

2 RAJA'-RAJA' 24:14

Mamagun ru Jirusalim inaut ru Raja' Nibukadnijar, nakaaya' anak-anak ru raja' am tingganai-tingganai ru mamagun koson ra ulun rinakop pinoongoi ra pamatiran – 10,000 ngaulun ringai'. Inaut niayuk ru Raja' Nibukadnijar ngaangai' ulun manukang ra maturasik am manukang ra basi', kaa' nanatang ra mamagun ondo' musikin kaga' giu' ra Jiuda.

JISAYA 9:4

Kasut ra sinulungan ru saujor ondo' mangayou am nansalinut bayang nilo ondo' naluitan ru raraa' makai' mosolob ru apui.

JIRIMIA 13:19

Bandar-bandar ru Jiuda giu' ra tampilon rabugus tatanga' inawangan, am kolondo' ulun makatangkus ra pagawangan no. Ngaangai' mamagun ru Jiuda pinatiran ra pagun.”

JIRIMIA 2:20

Indagu Tuhan Raja', “Alii ra Israil, intor ragili marara' kou mangandoi ayuk Raki'; marara' kou gumagaya' Raki' kapoam sumamba Raki'. Giu' ra rasawat ru moonong bulur ondo' masawat am giu' ra saau ru moonong puun tataun masansam, sumamba kou ra dewa-dewa ru kalabungan.

JIRIMIA 22:10

Mamagun kau ru Jiuda, pai' tangii' Raja' Josia; pai' panulaboi ra pinatayan ru raja'. Kaa' tangii' noyo i Joagas, anak ungkuyon ru raja'; sabap anak no inibit noyo ra minugar am kalo boo sumaguli'. Kalo boo makakito io ra namagunan nano.

JIRIMIA 22:24

Indagu Tuhan ra Raja' Joyakin anak ungkuyon ru Raja' Joyakim, intor ra Jiuda, “Ralalom ru inggalan Kuno, i Aki Kapuuno' ondo' maayag, mambala' Aku toojo ra kabalu' pana ra koson kou ra sinsing ru tatandu' ra kalindu' pamiris Kutu, kaa' paguson Tokou,

JIRIMIA 24:1

Rondo' paat ra Tuhan nangani' raki' ra rondo' pinaintalang. Baal raginio nasauk nalupus Raja' Joyakin anak ungkuyon ru Raja' Joyakim intor ra Jiuda, nabaya' ra pagawai-pagawai ru pamarintaan ru Jiuda, ulun manukang am mangngandoi ra mapandai toojo, rinakop ru Raja' Nibukadnijar intor ra Babilonia, am inibit koson ra ulun rinakop intor ra Jirusalim minongoi ra Babilonia. Nakito ku ruo ngambakul kawa' ru ara pinabanta' giu' ra saang Baloi ru Tuhan.

JIRIMIA 24:5

“Aku, Tuhan, i Aki Kapuuno' ru Israil nangkara' ra ulun ondo' inaut pinoongoi ra Babilonia no koson ra kawa' ru ara ondo' moonsoi ti, am moonsoi pamakuan Kuno risilo.

JIRIMIA 27:8

“Kaa' bansa' kapoam pamarintaan ondo' marara' kumuku' ri Nibukadnijar ukumin Ku ra pangayawan, bitilan am maruol tumapik saboi polosoon Ku i Nibukadnijar mamuso risilo ra lingonon.

JIRIMIA 28:10

Kopongo raginio i Gananya nangalap ra kuk intor ra impus kutu, am pinandak no.

JIRIMIA 28:2

ra Tuhan Ondo' Maayo Kaga' Kuasa', i Aki Kapuuno' ru Israil minindagu, “Pinandak Ku noyo kuasa' ru raja' ru Babilonia.

JIRIMIA 29:1

Nanulis aku ra surat posoboyon ra imam-imam, nabi-nabi, tingganai-tingganai ru bansa', am ra ngaangai' ulun bokon giu' ra Jirusalim ondo' rinakop ru Raja' Nibukadnijar am inibit ra Babilonia.

JIRIMIA 29:2

Nanulis aku ra surat no kalupus Raja' Joyakin, ina' nano, pagawai-pagawai istana, tingganai-tingganai ru ulun ru Jiuda am Jirusalim, ulun-ulun manukang, am ulun mangandoi ra mangapandai inibit ra pamatiran.

JIRIMIA 30:8

Indagu Tuhan Ondo' Maayo Kaga' Kuasa', “Paat ra masaboi orou raginio, kuk ondo' pinaatang ra impus min pandakon Ku, am pinabangkil ramuyun iruon Ku. Akau kalo boo masauk ra ulipon ru bansa' ra bokon.

IMAMAT 26:13

Aku Tuhan i Aki Kapuuno' min, nagibit ramuyun miningkual intor ra Misir maa' raginio kalo boo masauk kau ra inulipon. Pinandak Ku noyo kuasa' ondo' nangulipon ramuyun, am napasauk ramuyun ra ulun labus.”

NAGUM 1:13

Raino pupusin Ku kuasa' ru Asyur ramuyun, am ukaton Ku rantai ondo' nakabangkil ramuyun.”