JIRIMIA 27:8 - Tanou Moonsoi Timugon

⁸ “Kaa' bansa' kapoam pamarintaan ondo' marara' kumuku' ri Nibukadnijar ukumin Ku ra pangayawan, bitilan am maruol tumapik saboi polosoon Ku i Nibukadnijar mamuso risilo ra lingonon.

JIRIMIA 27:8 ပူးပေါင်းရင်းမြစ်များ

JIRIMIA 24:10

Mamparatong Aku ra pangayawan, bitilan, maruol tumapik risilo saboi ra ngaangai' nilo matoi, am kolondo' ulun ondo' matatang ra pagun ondo' tinaakan Ku risilo am kinamatuaan nilo.”

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 27:11

Kaa' bansa' ondo' masaga' kumuku' am masaga' mangandoi ayuk ra raja' ru Babilonia polosoon Ku mayan ra pagun galama' nilo koson magitanom ra giu' no. Aku, Tuhan, nakaindagu noyo.”

JIRIMIA 27:13

Nakaindagu noyo Tuhan ra bansa' ondo' kalo kumuku' ra raja' ru Babilonia matoi sabap ra pangayawan kapoam bitilan kapoam maruol tumapik. Kua rirun raja' am mamagun masaga' matoi koson raginio?

JIRIMIA 28:14

Tuhan Ondo' Maayo Kaga' Kuasa', i Aki Kapuuno' ru Israil, minindagu ra paatangon no kuk basi' ra impus ru ngaangai' bansa' ragitio, am mangandoi ilo ayuk ra Raja' Nibukadnijar, raja' ru Babilonia. Minindagu niayuk Tuhan ra bibiag masigo pana pataakon No ra kuasa' ru Raja' Nibukadnijar.”

JIRIMIA 28:4

Ibiton Ku niayuk saguli' i Joyakin anak ungkuyon ru Raja' Joyakim, raja' ru Jiuda, mababaya' ra ngaangai' mamagun ru Jiuda ondo' inaut ra Babilonia. Sotopot no, pandakon Ku kuasa' ru Babilonia. Aku, Tuhan nakaindagu noyo.”

JIRIMIA 29:17

Indagu Tuhan Ondo' Maayo Kaga' Kuasa', ‘Mamparatong Aku ra pangayawan, bitilan am maruol tumapik risilo. Pamakuan Kuno risilo koson ra kawa' ru ara ondo' napasa' kaga' saboi kalo maakan.

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

JIRIMIA 40:9

Indagu i Gidalia risilo, “Pabukat kau ngaangai' kalo pana malaa' makirakop ra ulun ru Babilonia. Pamagun no ra pagun ti am pangandoi no ra raja' ru Babilonia. Intopoton ku ra maayag kau.

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.