JIRIMIA 27:7 - Tanou Moonsoi Timugon

⁷ Ngaangai' bansa' mangandoi ayuk ra Raja' Nibukadnijar, anak ungkuyon nano am akupu nano saboi ra paat ru pagun nano galama' maratu'. Paat raginio bansa' ru Babilonia mangandoi ayuk ra bansa'-bansa' ondo' maikang am raja'-raja' ondo' maayo.

JIRIMIA 27:7 ပူးပေါင်းရင်းမြစ်များ

MAZMUR 37:13

Kaa' Tuhan makakurit ra ulun malaat, sabap ra napandayan No ra pupus nilono mamaar noyo.

JISAYA 13:1

Gitio noyo tanou ri Aki Kapuuno' koson ra Babil ondo' inapu ri Jisaya anak ri Amos.

JISAYA 21:9

Pulusat ru ulun kiminura' ra kuda sikaruo. Mantatamung raginio napabala', “Babil napuut noyo! Ngaangai' sinungkalalaing ondo' sambaan nilo tinutuk nakuliagai ra tana'.”

JIRIMIA 27:22

Ngaangai' no auton ra Babilonia, am paayanon ra giu' saboi ra lioon Ku poyo. Paat raginio bagu no ibiton Ku ngaangai' no sumaguli' ra intok ragitio. Aku, Tuhan nakaindagu noyo.”

JIRIMIA 34:1

Minindagu Tuhan raki' paat ra Raja' Nibukadnijar intor ra Babilonia am saujor nano namulunsar ra Jirusalim am bandar-bandar giu' ra liliut no. Raja' no pinatoi ru saujor ru pagun-pagun am bansa'-bansa' ondo' ralalom ru kuasa' nano.

JIRIMIA 44:30

Pataakon Ku Raja' Gopra intor ra Misir ra pantula' nano ondo' masaga' mamatoi riso, koson ra Aku nampataak noyo ra Raja' Jidikia intor ra Jiuda ra Raja' Nibukadnijar intor ra Babilonia, pantula' ondo' masaga' mamatoi ra Raja' Jidikia.”

JIRIMIA 46:13

Paat ra Raja' Nibukadnijar intor ra Babilonia, minatong namulunsar ra Misir, minindagu Tuhan raki',

JIRIMIA 52:31

Paat ra bilor ru Raja' Iwil-Mirodak nasauk ra raja' ru Babilonia, nampakito io ra makaasi' ra Raja' Joyakin intor ra Jiuda am nampalabus ra Raja' Joyakin intor ra pangaputan. Baal ragitio nasauk paat ra orou karuo ngoopor am limo, sila' koopor am ruo, bilor katalu ngoopor am tulu' kalupus Raja' Joyakin rinakop am pinatiran ra pagun.

YEHEZKIEL 30:24

Aku pana mampaikang boo ra kalindu' ru raja' ru Babilonia am ilang Kuno pabantaan ra kalindu' nano. Kaa' pandakon Ku kalindu' ru raja' ru Misir saboi io mampalaa marualan am matoi giu' ra saang ru raja' ru Babilonia.

DANIL 2:37

Okou raja' ondo' matulai. I Aki Kapuuno' panguasa' giu' ra suruga' nampasauk rirun ra sangulun raja' maayo kaga'. Nangani' Io rirun ra kuasa', kaikangan am urumat.

DANIL 4:22

“Iou raja' kuno, okou no puun tataun ondo' masawat am maikang no. Kinaayo muno gumaai saboi ra limbowon, am kuasa' muno lumangka' ra titikop ru tana'.

ABAKUK 2:7

Kaa' kalo nalimanan min, akau ondo' nanguasa' ra ulun bokon magutang niayuk am jajalin koson mambayar ra bunga'. Pantula' matong am mangkinibit ramuyun monontol ra malaa'. Gaawon nilo rapu' min!

ABAKUK 2:8

Nampagaau kau ra rapu' ru masuang bansa'. Kaa' raino bansa'-bansa' ondo' naayag mampagaau ra rapu' min sabap ra namatayan ondo' binaal min am sabap ra kalaatan min ra mamagun ru tana' ti am niayuk bandar-bandar ra tana' ti.

PINAINTALANG 14:8

Kopongo malaikat kasaa' no sunu' poyo malaikat karuo ondo' minindagu, “Nalunsai io noyo! Bandar Babil ondo' maayo no nalunsai noyo! Mamagun nano mangkimait ra ngaangai' bansa' ra pansasawaan nilo, mogondo' ra ulun jajalin gauko' ra wain.”

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.