JIRIMIA 27:5 - Tanou Moonsoi Timugon

⁵ “Mabaya' ra kuasa' Kuno ondo' maayo am mabaya' ra kaikangan Kuno, inangun Ku tana' ti, ulun am ngaangai' bibiag ra tana' ti; makapangani' Aku ra ngaangai' no ra osoi ayuk ondo' kasagaan Kuno.

JIRIMIA 27:5 ပူးပေါင်းရင်းမြစ်များ

KASAUKAN 1:25

Ginio noyo i Aki Kapuuno' nambaal ra ngaangai' no am maansayan kaga' Io magilong ra baal raginio.

KASAUKAN 9:6

Ulun sinauk nogondo' ra baal Kuno; ginio ra osoi ayuk mamatoi ra ulun, io galama' niayuk potoyon ru ulun.

IJRA 1:2

“Koon ragitio susuban ru Raja' Koris, raja' ru Pirsia: Tuhan, i Aki Kapuuno' panguasa' giu' ra suruga', nampasauk noyo raki' ra raja' ru titikop ru tana' ti. Nangani' Io raki' ra kandoi koson mambaal ra Baloi tayar Nano giu' ra Jirusalim, giu' ra pagun ru Jiuda.

NIGIMIA 9:22

“Nangani' Kou risilo ra kamanangan ra masuang bansa' am pamarintaan ondo' nambalit ra pagun nilo. Kinala nilo pagun Gisybon ondo' pinarinta ru Raja' Sigon, am pamarintaan ru Raja' Og giu' ra pagun Basan.

MAZMUR 102:25

Iou Aki Kapuuno', pai' alapo' painawo kuno, ra aku kalo poyo matutuo. Okou maayag ra mantilayun;

MAZMUR 96:5

Ngaangai' dewa ru bansa' ra bokon sinungkalalaing ayuk, kaa' Tuhan noyo ondo' namangun ra limbowon.

KAINGKUALAN 20:11

Buoi onom ngoorou Aku, Tuhan nambaal ra tana' ti, limbowon, raat am ngaangai' ondo' soroi ralalom no, kaa' paat ra orou ra katulu' timinangus Aku. Ginio ra Aku Tuhan mambarakat ra orou Sabat am patimpokon ginio Raki'.

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

JISAYA 42:5

Tuhan i Aki Kapuuno' namangun am napabingkal ra limbowon; binangun No tana' am niayuk nansalinut naayag ra rasawat nano; Manaak io ra painawo ra ulun. Ragino i Aki Kapuuno' mindagu ra ulipon Nano,

JISAYA 44:24

“Aku noyo Tuhan Mamamayag ramuyun; Aku noyo namangun ramuyun. Aku noyo Tuhan Namangun ra ngaangai' no. Aku galama' namingkal ra limbowon; Aku namangun ra tana' ti ra kolondo' nangindangan.

JISAYA 45:12

Aku noyo Tuhan napasauk ra tana' ti, am namangun ra ulun koson mangayan no. Ralalom kuasa' Kuno bingkalon Ku limbowon, am manguasa' ra mato ru orou, bulan am butitin-butitin.

JISAYA 48:13

Kalindu' Kuno mapabanta' ra sonor ru tana', am mamingkal ra limbowon. Bulintok ra Aku manusub ra limbowon am tana' muma', karuruo no mataki' matong.

JISAYA 51:13

Makalilian kau kia ra Tuhan Namangun ramuyun ondo' namingkal ra limbowon am napabanta' lonor ru tana'? Kua monsongorou kau malaa' ra gabu' ru ulun mangimbolo' ramuyun ondo' nakatampos mamuso? Sotopot no, gabu' nilono kalo makasaboi ramuyun.

JIRIMIA 27:4

Tuhan Ondo' Maayo Kaga' kuasa', i Aki Kapuuno' ru Israil, nanusub raki' mambala' risilo koson pabalain risilo raja' nilo ra ragu ru Tuhan ti,

JIRIMIA 32:17

“Iou Tuhan Raja', Okou no ondo' nambaal ra limbowon am tana' ti ra kuasa' am kaikangan Muno ondo' maayo. Kolondo' ondo' mapagon kaga' Rirun.

JIRIMIA 51:15

Namingkal Tuhan ra tana' ti ra kuasa' Nano; Namingkal Io ra tana' ti ra kapintaran Nano, am nampaatang ra limbowon ra pangaratian Nano.

DANIL 2:38

Nampasauk Io rirun ra panguasa' ra titikop tayar ru tana' ondo' mokoondo' ra mamagun, am poyo panguasa' ra bibiag am susuit no niayuk. Okou no ulu ondo' binaal intor ra mas no.

DANIL 4:14

Indagu io ra bolos matangil, ‘Tagaro' puun tataun no, am putulo' raan-raan no. Tutuo' raun no am patiaso' kawa' no. Pagiruo' bibiag ra saau no am susuit ondo' nanabunsut ra raan no.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 4:22

“Iou raja' kuno, okou no puun tataun ondo' masawat am maikang no. Kinaayo muno gumaai saboi ra limbowon, am kuasa' muno lumangka' ra titikop ru tana'.

DANIL 4:25

Pagiruon kou intor ra ulun manampagun, am mayan simpung ra bibiag masigo. Buoi tulu' ngambilor okou mangakan ra sakot koson ra sapi', mombolong giu' ra tana' malimparang saboi basaan ru bolobou. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

RINALATAN 17:24

I Aki Kapuuno' noyo ondo' namingkal ra tana' ti am suang nano. Io niayuk Tuhan ru limbowon am tana'. Kaa' kalo niayuk mayan Io ra sambayangan ondo' binaal ru ulun.

RINALATAN 17:26

Intor ra sangulun ayuk nakapambaal Io ra nansalinut bansa' am pinaayan No ilo ra ati ayuk intok ra tana' ti. Intor ra galing i noyo inaru' No niayuk ra atan ayuk masauk risilo am ati ayanan nilo.

SAGULION 2:19

Mamaar kau boo ra pagun ru ulun ru Amon, papag ri Lot. Pai' jojowo' kapoam pamulunsar risilo, sabap kalo manaak Aku ramuyun ra kasanganu pana intor ra tana' ondo' tinaakan Ku noyo risilo.’ (

SAGULION 2:21

Ulun ru Ripaim makainan masawat koson ra ulun ru Inak. Maikang ilo kaga' am masuang ilo, kaa' namuso Tuhan risilo maa' raginio makaayan ulun ru Amon ra tana' raginio.

SAGULION 2:7

Karaa' noyo! Nambarakat noyo Tuhan i Aki Kapuuno' min ramuyun ralalom ru ngaangai' pirot min. Nagalung Io ramuyun buoi akau timinanggau ra tana' kaagisan ondo' malangka' ti. Nanindung Io ramuyun buoi apat ngoopor ngambilor am nanaak ra ngaangai' ondo' pakuan min.

SAGULION 2:9

Tuhan pana mindagu raki', ‘Pai' jojowo' ulun ru Moab, papag ri Lot, kapoam mangayou risilo. Nanaak aku noyo risilo ra tana' Ar, am kalo manaak Aku ramuyun ra kasanganu pana intor ra tana' nilo.’ (

SAGULION 32:8

Paat ra Io Ondo' Masawat Kaga' nantayar ra tana' ra bansa'-bansa', nangaru' Io ra wilayah intok ayanan nilo, am malaikat koson ra manindung,

SAGULION 4:17

bibiag, susuit,

SAGULION 4:25

“Paat akau mabuoi noyo mayan ra pagun raginio am makaanak akupu noyo, pai' pambaal ra tula ra mambaal ra sinungkalalaing ralalom baal ru atan pana ra tayar ramuyun galama'. Binaal raginio malaat ra mato ru Tuhan, am baal raginio mangkinibit Riso sumangit.

SAGULION 4:32

“Intutuno' paat ra galing, nabuoi ra akau kalo poyo inanak, timinalimpuun intor ra paat ri Aki Kapuuno' nambaal ra ulun giti ra tana' ti. Ilai' noyo ra titikop ru tana' ti. Igondo' kia baal maayo ragitio nasauk? Igondo' kia osoi pana nokorongog ra sauk koson ragitio?

SAGULION 4:35

Binaal ru Tuhan ngaangai' baal raginio maa' raginio makapandai kau ra Io rondo'-rondo' noyo Tuhan, am kolondo' boo bokon.

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.

SAGULION 9:29

Sala' ka kia ilo ti ulun ondo' pinili' Muno masauk ra ulun Muno galama'? Ilo noyo ondo' inibit Muno miningkual intor ra Misir ra kuasa' am kaikangan Muno ondo' maayo.’ ”

KOLOSI 1:16

Sabap ralalom Nano niayuk i Aki Kapuuno' nampasauk ra ngaangai' ondo' giu' ra suruga' am niayuk giti ra tana' ti: ioginio ngaangai' ondo' maalap kakito kapoam kalo; ngaangai' ondo' manguasa' am mamarinta ra ati ayuk giu' ra rasawat kapoam ra tana' ti. Ngaangai' ru tana' am limbowon sinauk ri Aki Kapuuno' ralalom ri Jisus Kristus koson mangurumat Riso.

IBRANI 1:2

Kaa' paat ra pupupus ti, posoboyon No bala' Nano ondo' pinabala' galing ra Anak Nano. Nansail ra Anak Nati noyo limbowon am tana' ti biningkal No am Anak Nano tatangan ra ngaangai' no.

PINAINTALANG 4:11

“Iou Aki Kapuuno' am Tuhan mai. Okou maaya' makaapu ra urumat am ompor am kuasa'. Sabap ra Okou noyo nambaal ra ngaangai' no, am maya' ra kasagaan Muno niayuk ngaangai' no nasauk am naayag.”