JIRIMIA 27:22 - Tanou Moonsoi Timugon

²² Ngaangai' no auton ra Babilonia, am paayanon ra giu' saboi ra lioon Ku poyo. Paat raginio bagu no ibiton Ku ngaangai' no sumaguli' ra intok ragitio. Aku, Tuhan nakaindagu noyo.”

JIRIMIA 27:22 ပူးပေါင်းရင်းမြစ်များ

2 RAJA'-RAJA' 25:13

Nangumok ulun ru Babilonia ra lugu'-lugu' gangsa', tangki' gangsa' am ngaangai' kurita' kuda ondo' soroi giu' ra Baloi ru Tuhan. Inibit nilo ngaangai' gangsa' no ra Babil.

2 TUNUNG RU BANSA' ISRAIL 36:21

Koon raginio noyo nasauk atan ondo' rinagu ru Tuhan ondo' pinabala' galing ra Nabi Jirimia, “Pagun ragitio mokoloso buoi tulu' ngoopor ngambilor koson papaliton ra bilor-bilor Sabat ondo' kalo linio.”

IJRA 1:11

Ngaangai' no ra suang no 5,400 piring mangkuk intor ra mas am intor ra pirok am niayuk kuliamos ra bokon. Ngaangai' kuliamos no inibit ri Sisbajar intor ra Babilonia mongoi ra Jirusalim, nababaya' ra ulun pinatiran ra bokon.

IJRA 7:19

Ngaangai' kuliamos ondo' pinataak rirun koson pakuan ra sambayang giu' ra Baloi ru Tuhan no musiti' mu pataakon ri Aki Kapuuno'.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

JIRIMIA 20:5

Polosoon Ku pantula' nilo manalingaau am magaut ra ngaangai' kalangkayaan ru bandar ti am niayuk ngaangai' rapu' longgom nano poongoyon ra Babilonia, am poyo rapu' tungkuson ru raja'-raja' ru Jiuda.

JIRIMIA 27:21

“Rongogo' noyo ragu Kutu, Tuhan Ondo' Maayo Kaga' Kuasa', i Aki Kapuuno' ru Israil, intor ra ngaangai' kuliamos ondo' natatang giu' ra Baloi Kuno am giu' ra istana ru raja' ra Jirusalim:

JIRIMIA 27:7

Ngaangai' bansa' mangandoi ayuk ra Raja' Nibukadnijar, anak ungkuyon nano am akupu nano saboi ra paat ru pagun nano galama' maratu'. Paat raginio bansa' ru Babilonia mangandoi ayuk ra bansa'-bansa' ondo' maikang am raja'-raja' ondo' maayo.

JIRIMIA 29:10

Indagu Tuhan, ‘Paat ra masuku' tulu' ngoopor ngambilor tayar ru Babilonia, lioon Takamin poyo am manugut ra bantu' Kuno koson magibit ramuyun muli'.

JIRIMIA 32:5

Kopongo raginio ibito' i Jidikia ra Babilonia am mayan ra giu' no saboi ra ukumin Ku io. Kabalu' pana mamulunsar io ra ulun ru Babilonia, kalo makasugut io. Aku, Tuhan nakaindagu noyo.”

JIRIMIA 34:2

Tuhan, i Aki Kapuuno' ru Israil, nanusub raki' mampasaboi ra ragu Nano ra Raja' Jidikia intor ra Jiuda, “Aku, Tuhan, mampataak ra bandar ragitio ra raja' ru Babilonia am io monolob no.

JIRIMIA 34:3

Kalo makapagiru' kou; rokopon am pataakon kou riso. Makauma' kou riso am okou galama' mindagu riso; okou pana mongoi ra Babilonia.

JIRIMIA 34:5

Matoi kou ra kaansayan, am koson ra ulun monolob ra kaminyan paat ra ilo mompolobong ra kinamatuaan muli, ioginio raja'-raja' ra kalo poyo bulintok muno, koson raginio niayuk ilo monolob ra kaminyan rirun. Mangulir ilo rirun am mindagu, ‘Minatoi noyo raja' takau!’ Aku, Tuhan, nakaindagu noyo.”

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

DANIL 9:2

Paat ra bilor kasaa' ra pamarintaan nano, nambasa' aku ra buuk kitab. Nampaguang aku toojo ra baal ru bandar Jirusalim ondo' nasauk ra tuntur nalunsai buoi tulu' ngoopor ngambilor, koson ondo' rinagu ru Tuhan ri Nabi Jirimia.