JIRIMIA 27:15 - Tanou Moonsoi Timugon

¹⁵ Tuhan galama' minindagu ra kalo nanusub Io risilo, am nagabau ilo rirun raja' ralalom ru inggalan Nano. Ginio ra pagiruon No am mamuso rirun raja' mababaya' ra nabi-nabi ondo' nagabau noyo rirun raja'.”

JIRIMIA 27:15 ပူးပေါင်းရင်းမြစ်များ

2 TUNUNG RU BANSA' ISRAIL 25:16

Kaa' pinutat ru Raja' Amajia ragu am indagu, “Intor sanggilan kia akai nampalantik rirun nasauk ra paminson ru raja'? Pongkoror, amon ru kalo, potoyon kou!” Kalo poyo nongkoror nabi no, indagu io, “Raino bagu no mapandayan ku ra mingkotog i Aki Kapuuno' koson mamuso rirun sabap ra ngaangai' ru binaal muno, am niayuk sabap ra kalo linio mu pinson kutu.”

JIRIMIA 14:14

Kaa' taam Tuhan, “Nabi-nabi raginio nagabau ralalom ru inggalan Kuno; Kalo sinusub Ku ilo, am kalo niayuk nanusub kapoam minindagu risilo. Pinaintalang ondo' tinunung nilono sala' ka intor Raki'. Manala' ilo ra baal-baal ra kolondo' onong, ondo' binaal-baal nilo galama'.

JIRIMIA 20:6

Okou no, Pasyur, rokopon am auton ra Babilonia mababaya' ra ngaangai' sasambaloi muno. Giu' no patayan muno am lobongon mababaya' ra ngaangai' rangan muno ondo' nangkirongog ra abau muno.’ ”

JIRIMIA 23:15

Gitio noyo ragu ru Tuhan Ondo' Maayo Kaga' Kuasa' intor ra nabi-nabi giu' ra Jirusalim, “Aniin Ku ilo ra tatanom mapait koson ra akanon am tuwo koson ra inumon, sabap ra nangkinibit ilo ra ulun giu' ra titikop pagun kalo gumagaya' Raki'.”

JIRIMIA 23:21

Indagu Tuhan, “Kalo manusub Aku ra nabi-nabi no, kaa' minugar ilo niayuk. Kalo nangani' Aku ra tanou risilo, kaa' mindagu ilo ralalom ru inggalan Kuno.

JIRIMIA 23:25

Nakapandai Aku ra ngaangai' ondo' rinagu ru nabi-nabi. Ralalom inggalan Kuno nagabau ilo ra tanou Kuno inapu nilo ralalom ru inupi.

JIRIMIA 27:10

Namparuung ilo ramuyun saboi inibit kau ra maalur intor ra pagun min. Pagiruon Takamin, am mapuso kau.

JIRIMIA 29:8

Aku Tuhan, i Aki Kapuuno' ru Israil, nampakara' ramuyun maa' raginio kalo mokoloso inan ruungon ru nabi-nabi ondo' minayan ra tatanga' min kapoam ru osoi pana ondo' minindagu ra makapanala' ilo ra orou matong. Pai' lioo' inupi nilo.

JIRIMIA 29:9

Pinakai nilo inggalan Kuno paat magabau ramuyun. Kalo sinusub Ku ilo. Aku, Tuhan Ondo' Maayo Kaga' Kuasa' nakaindagu noyo.’

JIRIMIA 38:22

Ralalom ru pinaintalang no nakakito aku ra ngaangai' ruandu' ondo' lakat poyo soroi giu' ra istana ru Jiuda inibit minuma' ra pagawai-pagawai ru raja' ru Babilonia. Liliwa' mugar ruandu'-ruandu' no mindagu, ‘Raja' rinuung ru rangan-rangan nano, nanguasa' ilo riso. Raino paat ra kalayam ru raja' nakatapung noyo ra losok, nangiruan rangan-rangan nano riso.’ ”

MATIUS 15:14

Pai' no kaimamang risilo. Ilo no tingganai ondo' noolou; am paat ra ulun bolou no mangitang ra ulun bolou, ilo karuo-ruo makasubol ra parit.”

MATIUS 24:24

Sabap ra ulun migiangku ra mamamayag am nabi rumatong. Ilo ti mambaal ra baal kaimuagan ra mampalayau ra ulun ri Aki Kapuuno' amon ru maalap nilo.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.