JIRIMIA 27:12 - Tanou Moonsoi Timugon

¹² Pinasaboi ku baal ra nogondo' ra Raja' Jidikia intor ra Jiuda. Indagu aku, “Musiti' kou makirakop ra raja' ru Babilonia. Pangandoi no riso am ra mamagun nano, maa' raginio maayag kou.

JIRIMIA 27:12 ပူးပေါင်းရင်းမြစ်များ

AMSAL 1:33

Kaa' osoi mangkirongog raki' io maayag. Kaayagan nano moonsoi am kalo pana malaa'.”

JIRIMIA 17:4

Pataakin min kalalaat tana' ondo' tinaakan Kuno ramuyun, am saukon Takamin ra ulipon ru pantula' giu' ra pagun ondo' kalo noyo toojo natutunan min. Baalon Ku ngaangai' no sabap ra sangit Kutu koson ra apui ondo' bibilak ra sabubuoi no.”

JIRIMIA 21:9

Moonong ulun ondo' mayan giu' ra ralalom ru bandar matoi sabap ra pangayawan kapoam bitilan kapoam maruol tumapik. Kaa' mingkual ilo koson makirakop ra ulun Babilonia ondo' tatanga' mamulunsar ra bandar ti maayag am kalo potoyon.

JIRIMIA 27:8

“Kaa' bansa' kapoam pamarintaan ondo' marara' kumuku' ri Nibukadnijar ukumin Ku ra pangayawan, bitilan am maruol tumapik saboi polosoon Ku i Nibukadnijar mamuso risilo ra lingonon.

JIRIMIA 28:1

Paat ra bilor raginio niayuk, paat ra sila' kalimo bilor kaapat ra pamarintaan ru Raja' Jidikia, i Gananya anak ri Ajur, sangulun nabi intor ra bandar Gibion, minindagu raki' giu' ra Baloi ru Tuhan. Nambala' io raki' giu' ra saang ru imam am mamagun

JIRIMIA 28:2

ra Tuhan Ondo' Maayo Kaga' Kuasa', i Aki Kapuuno' ru Israil minindagu, “Pinandak Ku noyo kuasa' ru raja' ru Babilonia.

JIRIMIA 38:17

Balai' ku boo Raja' Jidikia ra Tuhan Ondo' Maayo Kaga' Kuasa', i Aki Kapuuno' ru Israil, minindagu koon ragitio, “Amon ru makirakop kou ra pagawai ru raja' ru Babilonia, maayag kou am bandar ti kalo solobon. Okou am sasambaloi muno maayag.

JIRIMIA 42:11

Pai' boo kalaa' ra raja' ru Babilonia. Mabaya' Aku ramuyun, am palabuson Takamin intor ra kuasa' nano.