JIRIMIA 26:21 - Tanou Moonsoi Timugon

²¹ Paat ra Raja' Joyakim nababaya' ra saujor-saujor am pagawai-pagawai nano nokorongog ra ragu ri Uria no, mirot raja' no mamatoi riso. Kaa' norongog i Uria baal raginio, io pana nagiru' ra nalaa' am ongoi ra Misir.

JIRIMIA 26:21 ပူးပေါင်းရင်းမြစ်များ

MATIUS 10:23

Paat ra akau imboloon ra rondo' pekan, pagiru' no ra pekan ra bokon. Mindagu Aku ramuyun: Ra kalo poyo masuku' min ngaangai' pekan ru Israil, Anak ru Ulun rumatong noyo.

MATIUS 14:5

Potoyon raan ri raja' Irodis i Juanis no kaa' malaa' io ra ulun ru Jaudi sabap ra ilo ti mangkara' ri Juanis no sangulun nabi.

JIRIMIA 36:26

Raja' pana nanusub boo ra anak nano i Jiragmiil, i Siraya anak ri Ajriil am i Silimia anak ri Abdiil koson mamparakop raki' am niayuk i Baruk, mamamatik kuno, kaa' pinasibuni akai ru Tuhan intor risilo.

2 TUNUNG RU BANSA' ISRAIL 16:10

Siminangit kaga' Raja' Asa ra nabi no saboi nabi no inaput. Paat raginio noyo Raja' Asa tumalimpuun mangimbolo' ra kukula' ngaulun.

MARKUS 6:19

Ginio sabap ra malikokot i Irodias ri Juanis am mangatang io koson mamatoi ri Juanis, kaa' kalo maalap, sabap ra raja' Irodis malaa' ri Juanis ra i Juanis ti sangulun moonsoi ondo' sinusub ri Aki Kapuuno'. Ginio ra raja' Irodis mangampin riso. Maansayan io mangkirongog ra pangilaan ri Juanis, kabalu' pana ragu ri Juanis makaimamang toojo riso.

MATIUS 10:39

Osoi ayuk kalo masaga' mampataak ra kaayagan nano, io no matatakan ra kaayagan motopot; kaa' osoi ayuk mampataak ra kaayagan nano sabap ra Aku, makaalap io ra kaayagan motopot.”

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

AMSAL 29:25

Malaa' ra guangon ru ulun bokon mangkinibit ra kapaganan. Pangintopot no ra Tuhan, am bayagon kau.

MAZMUR 119:109

Masalok pajuungon ku painawo kuno, kaa' aku kalo mampalilian ra ukum Muno.

2 TUNUNG RU BANSA' ISRAIL 24:21

Minaya' Raja' Joas naguguum ra mamagun koson manggal ri Jakaria, am ra ragu ru raja', mamagun nomobol ri Jakaria giu' ra liliut Baloi ru Tuhan.

JIRIMIA 26:10

Paat ra tingganai-tingganai ru Jiuda nokorongog ra atan ondo' nasauk, nagindibok ilo miningkual intor ra istana am ongoi ra Baloi ru Tuhan, am panturung giu' ra Kulobon Garabang Bagu.

JIRIMIA 38:4

Pagawai-pagawai no pana minuma' ra raja' am indagu, “Musiti' ulun ti ukumin ra matoi. Sabap ra ragu nano, saujor ru bandar ti malawo guang, koon niayuk ra moonong ulun ondo' lakat poyo minayan ra bandar ti. Kalo nangindangan io ra mamagun; kaa' nantipagon io poyo risilo.”

1 RAJA'-RAJA' 18:10

Ralalom inggalan ru Tuhan ondo' maayag, i Aki Kapuuno' muno, magibot aku ra naguyum noyo raja' no rirun giu' ra moonong pagun ra tana' ti. Paat ra panguasa' intor ra rorondo' pagun mambala' ra kalio kou ra pagun nano, kitaakon ru Raja' Agab maa' raginio magibot panguasa' no ra kalio kou natuum ra pagun nano.